2014年8月23日 星期六

由 "忠奸人" 聯想 ~~~~~ 社會公義 vs 個人利益

已經很久沒有追看 TVB 的劇集, 但最近追看了 "忠奸人", 起初看的原因是因為老公久違了的一個朋友有份演出, 只是出鏡率不高, 為了要看看他現在是甚麼樣子, 所以每晚都定時收看, 結果覺得這套劇不差而繼續看下去.

這劇集講得最多的是 "維護社會公義, 不是個人利益", 甚麼是"社會公義"? 甚麼是"個人利益"? 但劇中的杜以鏗和高哲行他們所做的是只顧利益, 違背公義.

從杜以鏗聯想到最近審訊的世紀貪賄案, 若果最後罪成, 那兩個有錢的會不會坐監呢又?

再聯想到那兩個有錢的都是現在常提到的選舉委員會的委員, 而整個選舉委員會大多數是杜以鏗和高哲行他們之流, 由他們提名出來的那不是與他們物以類聚的 "膠人"(689之流)麼? 然後給騙了一次又一次的譚美貞(我們)去選, 是不是想起也覺得心寒、恐怖 !




12 則留言:

  1. 我都係好耐無睇TVB劇集, 呢套我都有間中睇下, 不如你估下成龍個仔會唔會坐監, 成龍咁有財有勢....

    回覆刪除
    回覆
    1. 初時都係為咗要睇老公朋友, 跟住睇落又覺得幾好睇.
      嘻嘻, 你唔知成龍而家一箱箱銀紙運緊上去咩 ::_1669 , 有錢做乜都得啦.
      唔係為咗錢, 白頭佬會咁落力 ::_2434

      刪除
    2. 哈哈, 講開今次白頭佬攪既"遊樂團", 我地咁孤寒既公司都不惜公本, $40車馬准貼? 真係行埋一邊啦!! 呢個百萬大遊行, 百萬唔係指參加人數, 而係啲團體加埋既"車馬費", 哈.......... >:)

      刪除
    3. 嘩, $40車馬費咁多, 咁有冇銅鑼灣包桌食晏先? 如果知道有錢派我都去行 ::mm2217

      刪除
    4. 每次見到那個白頭佬人人都想X佢架啦,仲有用個人名義簽名嗰條689,人人得而X之。

      刪除
    5. 哈哈,40蚊車馬費係地,我做嗰間係X倍,夠去碗屋放題仲有找,哈哈! 七一唔見同事講,呢個遊樂會就個個講到興致勃勃,真係無話可說! 我唔反對人地有反佔中立場,但你為左錢而去反佔中,好嘔心囉

      刪除
    6. 真係有人覺得收錢去遊行好馨香?俾我就羞恥到無地自容。

      刪除
    7. 個部門得我無去, 每日都有人問我, 做咩唔去啊, 有錢又有假喎, 然後就是說, 你唔去, 咁你即係支持佔中啦!! 這些人實在很愚昩, 難道你無去七一, 係咪就代表你唔想平反六四呢?
      喺好多人心目中, 白頭佬懶高尚既情操, 口中所講的和平爭取, 只不過是用錢買回來的現實, 真可悲呢!!

      刪除
    8. "This City is dying" 當歪理都變成真理, 歪曲正義, 是非不分, 可悲 !!

      刪除
  2. 我都有睇呀 , 不過結果好似有頭冇尾 ? 唔通想拍續集 ?
    首先郭晉安換唔換到腎 ? Gillian有冇醒番 ? 李子雄D遺產係咪俾晒Funny ?
    鄺景昌有冇俾人拉 ? Marco係咪扮傻 ? 太多問號 ? ^_^ !!
    如果有續集 , 希望郭晉安行得番路 , 其實佢都唔算太奸唶 ,
    好多野都係為勢所逼 , 充滿無奈 . =_= !!

    回覆刪除
    回覆
    1. 開始睇時議員被殺即刻諗起貨櫃工人罷工時你估+x冇諗過要買起人哥咩,不過佢冇Marco幫佢做之嘛。
      完場時高哲行肯認罪都係喺佢計算之內,佢坐完出來都應該好老同埋收視率唔係咁好我諗唔會有續集。

      刪除