2014年10月18日 星期六

漫漫長路、命運自主。


已經記不起是 198X年, 只記得當時父母和妹妹去了旅行, 家裡剩下哥哥與我, 有一天很多人到超級市場搶東西買, 甚至連廁紙也掃光, 美元匯價抽升至 9.6, 父母留在家裡的錢不多, 但已忘記當時怎樣過去.

1989年一天晚上, 在杏花村的戲院看了一部舊電影, 譚詠麟主演的 "假如我是真的", 一部看完心會鉛墜的電影, 完場後已經掛起八號風球, 但當時原來很多人聚集在跑馬地的新華社前面抗議, 之後的發動了一百萬人大遊行, 當時由中環起步, 經維園上東區走廊北角完成, 當時是第一次參加遊行.
六月四日當晚徹夜無眠, 之後的工作天辦公室掛了大幅抗議橫額, 我們在自己汽車的天線上掛上黑帶, 往後身邊的同事朋友很多紛紛辦理移民, 連丈夫的妹妹都跟隨妹夫回意大利定居, 一時雞飛狗走.

1997年6月30日晚飯後拿出1000塊 "史路比在彌敦道" 的砌圖開始砌一面看電視直播, 當天由早到晚下著滂沱大雨, 象徵著香港人的心情, 在彭定康接過降下的英國旗時, 大雨打在臉上, 是雨 ? 是淚 ? 翌日砌圖完成香港亦已經變天玩完.

2003年7月由天光行到天黑由維園才行到中環, 當時無論甚麼也在谷底, 以為黑暗是光明的前夕, 不過原來更黑暗的已經在排隊.

2014年9月28日, 再次見到類似 1989年的畫面在電視出現, 往後幾天女兒下班後去了金鐘, 慶幸在這個黑白混淆不清的年代, 她懂得是非黑白.
因為家裡有事的關係, 心繫在金鐘但一直沒有前去.

昨天終於人在金鐘.



















是不是更應該在家裡床上擁著史廸仔而睡, 是甚麼逼成要席天幕地 ?












今日看到李怡先生這一段說話 ~ 十一月四日

"站在連儂牆前,你不能不鄙視那些只會向權利膜拜的香港的奴才;你不能不對所有走來佔領區的市民感到驕傲;你不能不對獅子山、大帽山、飛鵝山的冒險掛出的標語感到香港人應有的一份自豪。「我要真普選」的「我」不是一個人,是遍地開花的群體。哪怕強權看來高大威武,一起做夢,夢想就會成真。"













這隻畜牲就算掉進垃圾桶往堆填區只會污染土地, 佢唔配.


我們真的會有更好香港 ????



往後, 無論雨傘運動是成 ? 是敗 ? 政府都是大輸家, 它輸掉八十後, 九十後甚至千禧後年輕人的心.




23 則留言:

  1. 今晚比昨晚少人,唔知啲人係咪去左旺角。睇電視旺角尋日好激,無論邊一方面嘅挑釁同暴力都只會破壞呢個運動和平佔領嘅本質,令市民唔再支持呢個運動,這是689最想見到的。

    回覆刪除
    回覆
    1. 689最想見到的"紅螞蟻鬥黑螞蟻,誰在笑" http://aukalun.blogspot.hk/2014/07/blog-post_9.html

      刪除
    2. 區家麟我都有睇開, 佢寫啲野好ok!! 689連警察都迫瘋了!!

      刪除
    3. 主場博客的文章很多時都講到自己所想, 更多的是 "腰心腰肺"!

      刪除
  2. 本來第一星期都有坐旺角~但之後已經唔敢去坐~~旺角太多不明來歷的搞事者

    回覆刪除
    回覆
    1. 旺角滲進了很多滋事者隨時等著搞破壞,所以留守在那裡的朋友要額外警覺。

      刪除
  3. 大小姐,多謝妳讓我知道今天的事。

    回覆刪除
    回覆
    1. 不用謝,令你困擾我唔好意思至真 :)

      刪除
    2. 作者已經移除這則留言。

      刪除
    3. 我始終都要顧慮你既感受,唔想未得你同意就喺網絡上傳出去。

      刪除
    4. 哈,最緊要你唔介意我在這裡踏場,大家睇完不妨發問。

      刪除
    5. 唔好講咁多, 唱首歌嚟聽下先!!

      刪除
    6. 為何在放盪,沉迷陌生漢。

      刪除
    7. 大小姐勁過高登起底組,小弟有眼不識泰山。@@

      刪除
    8. Cool san : 大小姐只是觀察力高:-)

      刪除
    9. コーさん,我係絲打嘛 =))

      刪除
    10. Albert, (可以唔答)你係咪完全唔知有呢篇文章?我初時以為你地好熟,好似你話齋唔熟點解佢咁介意你 unfriend 佢。
      呢排我都同好多人有抝撬,識咗幾十年頂咗佢幾句喺 what's app 連聲都冇埋。

      刪除
  4. 算啦,少勞氣,唔熟FB友可以不理。同樣道理,我呢個唔熟blogger友留言都可以ignore。XD

    回覆刪除
  5. コーさん : 以我和你在 Blogger 對答的次數,而是我這幾年和他在 facebook 對答的次數五十倍以上。所以我覺得和你熟好多 XDD

    回覆刪除
  6. 大小姐,我上機,Answer you later。

    回覆刪除
    回覆
    1. 嘻嘻, "週遊列國" 玩得開心啲,"以名貴相機" 影多啲靚相喎 :))
      我啲唔急趕既, 唔好諗咁多.

      刪除
    2. Albert, 睇咗你既留言, Thank you for answer.

      刪除