二O一四年六月二十三日 (晴) 續
沿著象の鼻パーク前往みなとみらい, 首先到達赤レンガ倉庫, 這裡 2006年來過, 印象中沒有甚麼特別, 於是略過便算.
在みなとみらい只要望著大摩天輪行, 很多要去的地方就在附近.
經過 Audi 陳列室只是入內逛逛, 見到隻啤啤幾特別於是買下, 但估不到只是買啤啤竟然有著買車的待遇, 首先安排坐在大堂的梳化, 茶水已經不好意思婉拒了, 連付款找續也有專人, 最後離開時的禮節連我也覺得剛剛買了一架車.
 |
| 外面停了部限量版"武士藍"的A3 |
Audi 旁邊便是杯麵博物館, 這博物館還是適合小朋友多些.
 |
| 創辦人安藤百福 |
 |
| 室內展覽著各年代和其他地方的杯麵與即食麵 |
 |
| 香港的公仔麵 |
 |
| 帆船日本丸 |
差不多七時天還沒有黑.
隨便在附近吃了一間賣意大利飯的餐廳, 味道不錯, 但忘記名字, 下次縱使想再吃已經忘了位置.
吃罷再見的摩天輪燈光熣燦, 行了一整天的橫濱雙腳已經好像不是自己的, 幸好有直通的列車坐著回池袋, 不需要再左轉右轉.
新A3已經改到唔認得了。
回覆刪除餐廳有無用手機影相？可以找回GPS。
平日食完都會影吓餐廳招牌, 今次肚餓匆匆入去, 食完就顧去影摩天輪完全唔記得影相, 因為都係喺嗰幾座大樓兜黎兜去, 不過要搵番都有一定難度 :P
刪除A3 1.4 廿個尾抵楂啦, 不過唔知係唔係兩年無限里數 warranty
刪除http://car.mingpao.com/cfm/Photo1.cfm?&File=20140724/c01/c01.txt&PhotoNo=1&Mode=2
日本既 warranty 係咪同香港唔同?
刪除上次睇 Q5 問過頭兩年無限里數 warranty (BM, 波子一樣), 過後就每年都要焗你比錢返去 check 車
刪除BM第一年全免，第二年俾少少錢買service，warranty完咗就出去third party做service算了。
刪除AUDI，BENZ都好似差不多。
叔仔架Q5都係warranty完咗搵外面車房做service, 不過間車房係朋友開既, 佢地屋企既車(包括埋我嗰架), 有乜頭暈身慶都係搵佢搞.
刪除"天荒地老流連在摩天輪 在高處凝望世界流動 失落之處仍然會笑著哭 人間的跌盪 默默迎送"
回覆刪除甜品吸引啲!!
快啲去坐摩天輪啦, 一路坐一路唱, 我唔介意聽你唱歌架 =))
刪除吸引入去哩間餐廳食都係個甜品, 點知連個飯都好好味 =P~
唔坐摩天輪嘅?
刪除唔坐咯, 喺台場坐過一次就算嘞, 摩天輪係俾人"天荒地老, 山盟海誓" 氹女仔架, Fai哥你坐多啲啦 :))
刪除公仔麵都比日清收購左有段時間...
回覆刪除係咩！我仲以為係香港公司（或者強國）既添！
刪除永南食品依然都算香港公司，起碼大埔有廠。
刪除如果過星州, 介紹呢個麵比你試下, 雞味款我都食過十年 :D
刪除http://www.fairprice.com.sg/webapp/wcs/stores/servlet/ProductDisplay?catalogId=10051&storeId=90001&productId=555361&langId=-1&categoryId=14099&parent_category_rn=14099&top_category=
美極? t先生成日去星加坡? 我都冇去十幾年, 因為匯率越來越高, 去星加坡不如去日本 :)
刪除遲d 得閒都擺番星馬既post 出黎先 ;)
廿年前有三間巴士公司, 坐單層熱狗巴士都係幾毫子 :D 記得以前 orchard road wisma 旁係塊大草地即宜家嘅 ION, 每年都係果度有countdown.
刪除Orchard road 成日都會行, 尤其鍾意行嗰座"義安城"(唔記得係咪呢個名)同埋高島屋.
刪除義安城咪就係高島屋囉。Food Court個榴槤雪糕班㦸諗起都流口水....
刪除原來義安城同高島屋係同一座, 已經唔記得有冇喺 Food Court 食過野, 剩係記得次次都喺翡翠集團間酒家食飯, 因為當時有親戚喺星加坡住, 佢鍾意喺嗰度請客.
刪除義安城間大家食燒賣九二年至今仲未執? 已前都鍾意行同買野, 四樓有間日本書店同 JTB, 行番出去就有間郵局仔, 地下間LV都買過野已前係比香港平, 大小姐想望 nikon 就要去對面Centrepoint四五樓果間或要去國泰.
刪除已前翡翠集團班管理人為$分左家好耐, 自己攪左個御寶集團
http://www.imperialtreasure.com/zh
t 先生對星加坡好熟喎, 喺星加坡住過 ?
刪除花了十年青春 @@ 對我黎講新加坡生活係好 :)
刪除好吖, 我都鍾意住新加坡, 可惜冇機會.
刪除已前返香港就去飲奶茶同食燒鵝. 買就買萬能插蘇返過去 :D
刪除最記得食過 Newton 啲海南雞好好食 =P~
刪除newton 燒雞翼必食, 仲有鮮魷炒飯, 黑椒炒蟹, 魚旦 :D
刪除我去newton除咗海南雞之外，最有印象就係條魔鬼魚 :)
刪除杯麵博物館同大阪那個入面差不多~如果第一次去覺得唔錯~因為可以玩自製杯麵
回覆刪除呢間應該都有?
我都係第一次去"乜麵博物館", 因為冇咩興趣所以冇玩自製杯麵, 除此之外就冇乜野好睇, 所以覺得哩啲地方都係啱小朋友多啲.
刪除不過我對博物館呢類都興趣不大~所以去左大阪果個唔會再去其他類型的"乜麵博物館"XD
刪除除非真係諗唔到去咩地方/太得閒...
係咩？郭太次次買咁多杯麵手信，估唔到無興趣。
刪除杯麵博物館同我期望中差好遠, 我以為起碼都有製作過程睇吓, 點知剩係睇到 d 人柴娃娃自己整.
刪除製作過程我記得係大阪池田睇過，不過唔記得係現場，定係video。
刪除Video 好似橫濱都有, 其實最想睇到好似白之戀人咁樣既製作過程.
刪除近兩次買少左好多了~宜家盡量買香港買唔到果d好local的限定杯麵~
刪除除非臨尾個日行李仲有位 :p
杯麵呢, 買番香港就未試過, 反而個女細個第一,二次去日本驚佢食唔慣日本野就帶咗杯麵 :D
刪除橫濱的紅磚倉庫群我也是 2006 年去過的呢！
回覆刪除紅磚倉庫群都算係橫濱地標之一, 通常都會去行一行, 不過嗰時覺得裡面既店舖冇乜特別, 所以今次冇入去行.
刪除紅磚倉庫群係旅遊書指定介紹動作 :D
刪除我第一次自己去東京，2000年，落横浜時好似得兩三個位要去，倉庫係其中之一（有無記錯:-? ）。
刪除06年倉庫有disney promotion喎。
刪除http://www.koosan.pw/2014/05/1-blue-kamakura.html
我係06年頭去紅磚倉庫，可能嗰時未有迪士尼既野，就算有可能都因為冇乜興趣而冇留意。
刪除係呀，當年旅遊書指定景點，入面有冇嘢賣已經唔記得，只係記得買咗杯雪糕坐喺出面影咗張到此一遊相 :P
刪除我就記得我去嗰日超多人，啲餐廳人頭湧湧，插針唔入，外面搭咗個真雪溜冰場，我仲叫個女入去玩兩手。
刪除依家bills係入面開咗，可以去食早餐。:))
刪除係咪 all day breakfast 嗰種? 唔係邊有咁早去到橫濱 :P
刪除好似唔係，不過大人氣hot cake就賣all day。
刪除