今次去九州是抱著很大的期望, 上次去九州因為相機的白平衡出問題至全部相片偏綠, 全軍覆沒. 今次行程沒有太多重複, 除了阿蘇因為上次與火口緣慳一面而會再去外, 很多地方都是新鮮的, 去前的資料搜集參考了很多 Blog 友的遊記, 在這裡要多謝一番 : 小zoo, 3J家庭, 和豚媽媽, 蜻蜓, 還有Kitty提供很多富士山的map code.
就是因為想去的地方太多, 行程拉長至26天(其實只是比前多六天罷了), 入境時老公行前順利，我可能用新護照的關係，竟被質疑逗留過長和目的，這已經並非第一次，2008年我自己有事早一日飛，入境時同樣被質疑，這些經驗在早年單身入英國境時已經屢見不鮮，所以每次都會準備行程表和住宿的地點，過了入境處到出海關時再次被問到行李為何這麼多，天啊！兩個大喼便多，大喼裏面還有小喼和袋他都未看到。
感恩是在這二十六天的旅程中只有四天下雨, 雖然在鳥取砂丘下大雨, 但奇蹟地有一小時太陽, 雖然要重上馬背一次, 但已經於願足矣.
今次最開心去了氣球節和唐津"曳山"大祭, 不過前往唐津火車上看到一些景象令我覺得原來讀"屎片"的是不分國籍, 話說火車上站滿人, 那些學生竟然將書包放在座位上而絲毫沒有拿開讓位的意圖.
因為今次揸車的日數頗長, 所以也帶備平日在香港也用的裝備, 例如攝錄機和快車雷達, 估不到這雷達超強, 完全偵測到快相裝置.
今次揸車也遇上大霧, 在上阿蘇的路上濃霧令車不能前進而被迫放棄.
在富士山回東京的途中更遇上大塞車, 要塞上八十幾九十公里, 令原來兩個小時多的車程變成差不多五小時, 不過在塞車途中感受到日本人的守規矩, 不會左穿右插, 左右兩邊總是那些一架跟一架地行, 不會像香港司機那般見到那條線郁而即抽過去, 減少很多這方面時間的消耗.
總括而言, 這次旅行很滿足,
尤其見到久違了的富士山, 就是停車場也看見
 |
| 御殿場酒店 |
車叉一拖四都有帶，好野喎！（怪不得你話overload）:))
回覆刪除最尾，做乜泊車泊成咁？
個叉機唔係好重既 :P
刪除架車泊成咁係要就住影到富士山 ::_345
今次我去英國，都有帶一拖四既車叉，因為要插GPS及手機嘛。這一個車叉是在出發前，同事幫我在大陸買架。二十人仔，抵用。
回覆刪除我個叉機係鴨街貨, 一拖四啱啱好夠用.
刪除原來我無選擇通知我，唔怪得我無收到電郵通知啦！
刪除而家 blogspot 喺人地度d 留言唔會自動通知, 如果選擇"通知我"又會連其他人既留言都會通知變咗太多 email, 所以我選擇到時到候去人地度睇回應.
刪除我就整咗個程式，group哂朋友們的最近留言，你有用的話可試用。
刪除http://www.koosan.pw/rp
我知呀, 但係睇唔明點整, 我連你上面"ホ－ム"一格格都唔識整 ::_381
刪除如果冇電郵通知，我驚唔記得架。
刪除大小姐，果幾格係Dashboard，左邊第三行，“網頁Page"，你試試加個就見到。
刪除Thank you, done. ::_342
刪除一出四, 強呀 :)
回覆刪除咁多野一出四至夠, 還車時都有排折, 我仲帶埋汽車香精架 :P
刪除汽車香精，唔求其去100円買？定係你要指定牌子，味道？
刪除帶咗香港隻香必飄, 鍾意佢 d 味, 好似自己架車 :P
刪除hehe..唔駛客氣，我都等緊你D料架...
回覆刪除富士山回東京咩事會咁塞車?
我老公上得山多終遇虎，今次响北海道終於俾交通警捉佢超速，好在只係口頭警告啫...
富士山回東京咁塞車真係唔知乜事, 總之一上河口湖 IC 就塞, 塞塞吓通番無耐又塞, 車速維持住10至20km, 無交通意外淨係多車, 可能係星期日關係但唔確定, 不過千祈唔好入休息站, 再塞出來仲慘::_370
刪除香港人揸車個個都快架啦, 所以都係小心 d 好, 因為日本"和"牛肉乾好貴 ::_1554
最開心應該都係見到去過多次都見唔到的富士山，而且仲係靚爆果隻，一次過「回本」了，哈哈 !
回覆刪除我諗之前我都係屬於去得富士山最多而見得富士山最少嗰 d ::_1553
刪除咁客氣, 我都無咩幫過手 >:)
回覆刪除你都好, 只係重上馬背一次, 我上左好幾次, 之後腳軟左一兩日啊, 哈!!
我就係喺你地 d post 係咁抄埋一堆, 唔駛自己慢慢度, 所以都要多謝架 ::_1560
回覆刪除我以為你都只係上過馬背兩次咋, 我來回兩次已經覺得好金 ::_1553
很滿足......咩到補番數啦！
回覆刪除今次既旅程真係"大滿足" ::_343
刪除我都唔知邊度有快相, 通常跟其他人車速, 佢快時我快, 佢慢時我慢, 我想都可靠掛::uu7091
回覆刪除跟其他人車都可靠既, 不過有時全段路得自己一架車就會越開越快 ::_359
刪除