二O一三年十一月五日 ~ 第九日 (晴) 續
由於在道之駅 フェ二ックス同 サンメッセ日南逗留得太長時間, 離開時已經差不多三點, 本來預備前往日南水產午飯的計劃被迫取消而要盡快趕往鵜户神宮, 甚至連吃少許東西的時間也沒有, 希望到鵜户神宮可能有些小食可以醫肚.
日南景點的路口很隱蔽, サンメッセ日南是, 鵜户神宮也是, 行了一段要讓車的單程路仍然未見, 以為又是錯過路口, 預備掉頭時才發現原來已到.
 |
| 鵜户神宮 |
 |
| 行了一段也頗長的路終於到達 |
 |
| 神宮就在洞穴內 |
 |
| 許願的烏龜石 |
 |
| 日南海岸就是有很多這般的石 |
離開鵜户神宮到達青島已經四時許, 這些店舖在出來時已經關閉, 如果停車場不是相金先惠, 出來連阿伯也收工了.
 |
| 已經開始日落西斜, 潮水也漲了, 遮蓋著大部分鬼之洗板 |
 |
| 青島神社鳥居 |
 |
| 日本 tuk tuk , 出來時見到想坐, 不過司機掛住出去釣魚"拒載" |
 |
| 青島神社 |
離開青島神社揸了差不多一小時車到達宮崎已經非常餓, 之前在網上因為預備路上有阻滯時所以訂了八時, 但那時只有六時許, 未必這麼早就預留位子, 抱著姑且一試去問問, 結果他們預留閣樓一間小小的個室, 有點喜出望外.
軍雞隱藏 - 在看和豚媽媽的九州 post 見到, 那時已經決定來宮崎的話一定要吃, 所以預早在網上訂了位, 所叫的食物是照 post 翻版一次.
 |
| 地下 |
 |
| 樓梯上面就是個室 |
 |
| 向下望 |
 |
| 生雞肉, 那怕 H7N9 |
 |
| 炭火燒雞 |
 |
| 雞湯飯 |
 |
| 雞烏冬 |
 |
| 大雞翼 |
中午連吃小食的時間也沒有？！那豈不是差不多餓足一天？？Oh ~~
回覆刪除係呀，浄係朝早食咗pancake同埋道之駅一杯雪糕，石像嗰度有飯食但唔想食，因為諗住食輕食，結果餓到去宮崎食嗰餐，鬼死咁餓 :(
刪除鬼之洗板原來真會洗衫。
回覆刪除日本都有tuk tuk?
生雞肉唔驚啦，白切雞好多時都半生熟。
咁你去鬼之洗板時帶籮衫去洗 ::_344
刪除嗰 d 叫"tuk tuk" 等我寫番上去先 ::_962
喺日本食生雞肉都唔係好驚, 不過香港有時食白切雞見佢有血都驚驚哋 8-|
鵜户神宮你好好彩搵到個入口咁近, 我搵到既入口係行超遠, 仲要上幾百級樓梯, 行餐死之後就見到你果個入口, 當場氣死人! 你係點搵到, 我係GPS帶的
回覆刪除間KITTY 店係邊架? 我都見唔到:((
鵜戶神宮入口係用 map code 揾到，不過行咗一段路好似唔係好啱咁想掉頭走，好彩冇咁做 :)
刪除Kitty 店喺入青島神社條商店街，都好搶眼o下，不過行完神社出來全條街都閂哂門。
哈哈, 我同kitty一樣, 行幾百級樓梯先到, 回程仲慘, 鬼掩眼揾唔番條路出去又行錯路, 最後要跑番嗰條長命樓梯出去, 完全想死!!!
刪除我都差d 好似你地咁, 好彩冇掉頭走咋, 如果唔係可能連青島神社都趕唔切去.
刪除我完全見唔到KITTY店, 可能我太早, 未開門睇唔到:((
刪除鵜户神宮回程時就無咁蠢喇, 搵左另一條斜路行番出去, 舒服好多;;)
見唔見到KITTY店都係一樣, 返出黎已經閂咗門都冇得行 :(
刪除這個景點很想去，已bookmark，但给你們這麼一說嚇住了
刪除我記得鵜户神宮係 set map code 274 536 307, 跟住睇到個路牌跟住行, 你如果搵到條單程路就應該啱.
刪除唔該哂~
刪除唔駛唔該，如果仲有其他既睇o下我仲記得可以寫俾你。
刪除日南真係好鬼正!! 有無掉石仔去許願石度啊? 生雞肉??? 食得咩????
回覆刪除冇呀, 因為知道一定掉唔中, 費事o徙力.
刪除d 生雞肉佢地整得好好味, 食落唔似生食 =P~
無遊人咁好嘅
回覆刪除可能已經開始夜, d 遊客走得七七八八.
刪除遊後報告，好彩得你提點，
回覆刪除去到鵜户神宮附近要留意路牌，差點miss咗個入囗
因為知道好多人都 miss 嗰個入囗, 所以去到都格外留意.
刪除冼衫板今日只見浪奔浪流, 去巨石像條路今日封左
回覆刪除睇黎九州唔係咁利你喎，唔記得講去洗衫板要預埋潮漲潮退時間 :P sorry 晒。
刪除條路封左咁係咪行上去？
希望你去到阿蘇可以上去火山囗 :D
今日已到不能上頂嘅亞蘇 :(
刪除唉！我都唔知應該講乜 :(
刪除下次有藉口再去過。