2015年12月1日 星期二

小小總結 ~ 2015 秋季大旅行之四國, 關西, 東京之旅

已經差不多三年沒有和女兒一齊去旅行, 剛好她今年在日本又肯請假與我們一同去玩, 老公尤其開心, 因為他已經有半年沒有見到女兒.

由於今次到四國, 很多地方比較鄉郊感覺, 找吃的不是那麼容易, 出發前只訂了大步危一間一泊兩食的酒店, 到達商量後決定找女兒打電話到足摺岬與小豆島的酒店和民宿改為一泊兩食, 幸好這樣做才不致於好像 2012年那晚差點連晚餐也泡湯, 不過一泊兩食的食物方面離不開和食, 結果是不吃不吃還須吃, 這次是我去日本以來吃得最多魚的一趟.






因為有女兒同行關係, 不需要我的爛爆日文登場, 總之所有與人溝通的場合全部是女兒出馬, 連最麻煩的是在高松買狗袋沒有退稅, 而請求店員打電話 hold 貨然後到東京才買的複雜交易也做到, 怪不得一個月前女兒與她的叔叔姑姑到關西玩後回來她的姑姑大讚隨行多了一個領隊兼翻譯.

由於四國這些鄉郊地方網絡不是那麼穩定, 很多時除了上網甚至連電話網絡也沒有, 我會樂意於這些無網的日子, 但是年輕人便時刻嚷著要離開她所說的鬼地方, 不過這地方又真的很嚇人嘛.




在 11月13日黑色星期五後回到東京明顯日本政府在 high alert 中, 難得一見的警察多了很多, 平時關門的交番坐滿警察, 還有警車到處巡邏, 希望只是防範於未然, 而不是如日本報章所說收到某些情報會對日本不利云云.

最後是在11月17日那晚看著電視日本隊對柬埔寨的世界盃足球出線賽, 眼看日本隊而心繫香港隊, 結果港隊不負眾望, "香港隊好波 ! 香港隊加油 !"









48 則留言:

  1. 布公仔確實有D恐怖, 好似乾C咁 @@

    回覆刪除
    回覆
    1. 呢啲已經唔恐怖我都會影吓,沿路經過好多地方好似一啲村落你以爲有人,點知全部係公仔,好彩日光日白經過,如果夜色矇矓真係俾佢嚇死,所以嗰啲連相都冇影。

      刪除
    2. D公仔真係好鬼嚇人,大多時都係飛車閃過

      刪除
    3. 最驚係經過一個油站連修車房,初初真係諗住埋去入油,睇真啲原來又係嗰啲公仔,我老公仲要停車叫我行入去影相 >_<

      刪除
    4. 喺個無人油站修車房仲要行入去影相, 個埸面夠驚嚇, 好似拍梗吸血殭屍片 !!

      刪除
    5. 我睬佢都儍梗係唔落車,不過過咗之後又有小小後悔冇落車 ^^

      刪除
    6. 咦~ 真係無落車呀, 仲以為遲D有相有真相, 哈哈 XD

      刪除
    7. 冇落車呀, 初初見到淨係睇咋連相都唔敢影, 所以有影既相已經全部喺度, 不過而家睇番啲相都覺得有啲恐怖.

      刪除
    8. 講真真係幾恐怖, 似大酒店果D, 我都係在停車場收費亭影過一張相咋!

      刪除
    9. 睇見我即刻諗起無記咸豐年有套劇叫「幻海奇情」,其中有套周潤發做既就係講佢夜晚入到條村好多人但係朝早變咗公仔 >_<!!

      刪除
  2. 我吾鍾意睇這些布公仔,好恐怖﹗

    回覆刪除
    回覆
    1. 之前喺森美小儀個節目"千奇百趣"已經睇過,不過真係經過時都好驚唔敢落車行埋去睇,影呢幾張因為係景點附近所以睇吓。

      刪除
  3. D公仔又真係恐怖左D . =_= !!

    回覆刪除
    回覆
    1. 當你揸車行過全部都係咁樣,我架車已經坐住三個人但係都有啲心寒。

      刪除
    2. 如果夜媽媽行車, 加上前面仲要有陣霧, 簡直驚慄片場面!!!

      刪除
    3. D公仔好嚇人下,喺邊度架?

      刪除
    4. Maggie,啲公仔喺奧祖谷,去到劍山範圍已經見到周圍都係。

      刪除
    5. Mandy,我覺得當你以爲全部都係公仔既時候裏面有個會郁既人嗰吓仲驚。

      刪除
    6. 所以一路行一路睇邊啲係人邊啲係公仔, 又有多種樂趣 :D

      刪除
    7. 我今次淨係去鳴門,冇機會睇到。

      刪除
    8. Nerissa, 行車時經過巴士站都見到幾隻等車, 遠睇都以為係人, 望真其實係D公仔 >_<
      剛過去的中國途中都好似見到有幾隻

      刪除
    9. 我都記得電視曾經都講過,不過最初見到時都嚇一跳,巴士站就唔覺,停車場門口就見到一個,嗰度冇人但係公仔隔離有個錢箱,停車費就自己放入箱。

      刪除
    10. 我講既停車場收費亭就係呢個, 我都有影相

      刪除
    11. 係喎, 反而我唔記得咗影呢個另類收銀員 :D

      刪除
  4. 我呢啲齊坐巴士,只能去到西祖谷的單蔓橋,比我去奧祖谷既話,我會運隻去嗰度擺低 :-)

    回覆刪除
    回覆
    1. 擺低隻公仔?咁係咪香港紙紥嗰種 XDD

      刪除
    2. 你搬隻紙紥公仔上巴士, 包保司機立即跳車逃亡

      刪除
    3. 我以為佢話會運隻返屋企 XD

      刪除
    4. 唔知有冇人會坐埋去同啲公仔玩自拍 XDDD

      刪除
    5. 我諗我一定會影,仲會加個貞子表情。

      刪除
    6. 期待有機會見到輝哥幅相 ^^

      刪除
    7. 我都好想睇輝哥同公仔玩自拍, 哈哈哈 XD

      刪除
  5. 回覆
    1. 因為唔太好意思俾人見到將自己嗰碟分晒出去, 所以都食得幾多 :P

      刪除
    2. 哈哈, Nerissa, 我地會將自己各自愛吃的清咗碟, 會襯沒人留意果陣極速同對方對調, 咁就大家份餐都會乾乾淨淨 :P

      刪除
    3. 個女同我地講日本人見到你唔食佢地整啲食物會覺得你認為啲野唔好食,所以點都要清晒碟。

      刪除
    4. 呢層我地都知, 所以都會盡量清哂佢, 但太飽就真係無能為力啦!

      刪除
    5. 有次酒店包食但又係太飽啲飯食唔晒,個女見隔離枱既日本人叫人「上盒」,於是我地照板煮碗上盒,情願去遠啲地方至唔要。

      刪除
    6. 咦, 呢個辦法唔錯喎, 等我下次參考吓;
      好多時都飽到食唔落飯, 見到成盒只係食咗少少, 都覺得唔好意思, D飯咁好食, 真係好嘥, 粒粒皆辛苦架!

      刪除
    7. 其實我個女已經叫咗少飯,黎到個桶都係比其他人細,但始終都係食唔晒,不過上咗盒要掉都好麻煩要拎到老遠,不過好在有架車去道之駅嗰度有好多垃圾桶 :P

      刪除
    8. 旅館夕食啲飯嘅話,可以同待應講好飽,整做飯糰夜啲或第二日食。餸就無計,所以通常晏晝輕食,留肚食夜晚。

      刪除
    9. 如果1泊2食的話, 我依家都是以晏晝輕食,留肚食夜晚架, 但都係會食唔哂 =_=

      刪除
    10. 不過我地食唔晒既係有一桶飯既和食晚餐,如果係西餐就一定食晒 :D

      刪除
  6. 下次同我去我幫你食刺身!!

    回覆刪除