2016年4月1日 星期五

ゆめのために、がんばります。むすめ !

為追尋自己的夢想請繼續加油, 女兒 !

不經不覺女兒在日本的工作假期快要完結, 去年十一月一同去四國的時候, 女兒已經透露她希望工作假期後留在日本, 讀一個她一直想讀的課程, 那時對她說如果她認為自己是對的便放膽去做, 家人一定會支持的.

經過差不多半年她著手找學校, 報名考試, 終於三月底全面落實, 她會留在東京多兩年, 除了學費外生活費都不成問題, 仍然可以在現在工作的地方繼續打工, 過去的一年她已經可以在生活上自給自足, 未來日子可能辛苦點因為放學後便要返工, 但這已是很多到外地讀書的學生所必要做的除非是富二代, 所以她也感謝強國人如果沒有他們, 她的工作機會也不會那麼順利.

在這一年裡她已經融入日本同事朋友的生活圈子, 放工後也會與同事聚聚不似在香港那樣宅在家裡, 已經會自己煮飯和洗衫, 在我們來說雖然是平常不過, 但對於之前十指不沾楊春水的港孩來說已經邁進了一大步.

繼續加油, 女兒 !


攝於東京廸士尼海洋, 感覺她很快樂


或者我又可以有藉口自己到東京一趟 , 新年前她回來了一次買了兩 pack 維他奶預算帶過去, 可惜因為行李超重要拿回家, 跟著以為寄平郵怎知原來郵資也要兩百多港元, 所以親自拎去是唯一途徑.






16 則留言:

  1. 去東京唔洗藉口啦XD
    btw~老公笑說將來一定唔俾個女去working holiday~佢話驚個女去完唔肯番香港直頭嫁走XDD

    回覆刪除
    回覆
    1. 女大女世界到時都管唔到咁多,話唔定遲啲見我出篇「我做咗日本仔外母」:))

      刪除
    2. 大小姐, 叫小公主搬上北海道住咪可以考驗一下人生 :D

      刪除
    3. 哈哈,佢讀完如果喺北海道搵到食我諗佢都會去架^^

      刪除
  2. 加油 ~ 加油 !! 在日本半工讀 , 好羨慕既呢 . ^_^ !!

    回覆刪除
    回覆
    1. 小姐, 你帶大叠水去洗, 我更加羨慕既呢 :D

      刪除
    2. 我又唔係富二代 , D錢始終都會洗完 ,
      半工讀型好多 , 自己搵自己洗 . ^^

      刪除
    3. 多謝,man wai。
      好彩日本容許學生可以讀書之外都可以打工,如果唔係睇住啲円呢排係咁上都有啲心寒。

      刪除
    4. 大小姐收收埋埋嘅私己唔少啦 :D

      刪除
    5. 嘩,你又知,唔好傳開去呀,唔係我個女唔肯打工咯:P

      刪除
  3. 換轉係我可能都會有少少唔捨得,但喺日本就會好放心,而且分分鐘有啲開心,因為可以乘機成日去日本玩 …… 唔係,係探女先啱 ;))
    不過我細佬的澳洲工作假期後應該就快返來了,他說在澳洲搵散工活命唔係問題,但就好難發揮專業所長囉

    回覆刪除
    回覆
    1. 雖然係日本,初初佢去時都有小小唔放心,擔心呢樣擔心嗰樣,後來佢好似已經可以自己搞掂晒就放心晒,不過老公仍然係好唔捨得,我都想乘機去日本,但係又唔係咁容易掉低香港啲野去,好彩有大好人可以拜託有時帶些東西給她.
      係喎你細佬同我個女差不多時間出發,好快就一年,不過工作假期都係打散工,預你係玩吓做吓所以好難搵到份自己鍾意既,還好我個女而家做既工以佢鍾意接觸人都冇乜問題,所以做得幾開心.

      刪除
  4. 咁個blog要改名做「日本仔外母生活點滴」。

    我都好想去外國讀書啊.....

    回覆刪除
  5. 能夠實現夢想確係一件好開心既事, 祝妳阿女在日本事事順利...

    回覆刪除
    回覆
    1. 多謝你!Ivy。
      佢啱啱四月開咗學,學校生活適應當中,返學返得好開心。

      刪除