~~ 請問有沒有 Blog 友可以提供青森可以摘蘋果的蘋果園, 因為個女想玩, 但係我只是知道弘前的蘋果園 ~~
年紀大機器壞, 去這麼多次旅行, 甚至去廿多日也沒有過問題, 今次回來竟然病了, 不是一般傷風感冒, 而是腰痛, 痛到行又痛企又痛瞓又痛, 用盡很多方法才舒緩少許, 所以在四月那廿天的旅程要重新執過, 總之不再那麼去到盡.
另一是今次不知幾時撞凹了那架拉架相機, 簡直是罪大惡極 ~ 死罪 XD
或者男人諗既同我地哩啲貪小便宜既C9 唔同, 原本我們諗住以後到東京會住在女兒家裡, 在去看完她的住處之後, 她爸爸覺得如果我們住在那裡會打擾了她, 因為她早上返學會很繁忙我們在會阻礙著, 加上我們的行李放著會阻礙通道, 總之爸爸覺得一間房間容不下三個人與行李, 而且住處距離車站很遠, 急步行也要二十分鐘, 拖著行李的話會超級辛苦, 所以回來後將池袋的酒店改為住在上野方便她可以一條路線便回到家.
今次老公說回來要買六合彩, 因為去程時坐第三行, 後一行有BB, 回程坐第二十行, 前一行又有BB, 去時下午六時多可以說是正常時間帶BB坐沒有問題, 不過返港時是早上六時多, 即是三時許辦理登機手續, BB在好夢正濃給叫醒跟著過關折騰, 當然上機便會扭計但苦了這些以為在機上可以歇歇的我們, 其實這根本是一個三輸局面, BB辛苦, 做父母辛苦, 更有我們這班不相干人士, 所以為什麼不選擇給BB可以好好地睡醒一覺的早機回港呢?
今次同樣地沒有寄倉行李, 所以都沒有買大件的物品, 大贏家還是茶々.
狗仔衫半價, 不用 $100.
狗帶連背囊想買很久, 之前覺得貴不捨得買, 今次因為親戚上月買物時留下1000円折扣 coupon.
Tomica 頭D車仔在香港只有黑色車頭冚, 白色日本是炒價還要上網才有得賣.
當然會買 nano 今次買了新出的紙 nano.
雞年土鈴.
日本月曆, 有日本的假期方便知道女兒幾時放假.
只買了兩盒小的雞仔餅.
每次都會買的 Lawson 蛋.
幫親戚買的月曆和書.
一直都想儲一張二千円紙幣, 女兒留了一張.
年紀大機器壞, 去這麼多次旅行, 甚至去廿多日也沒有過問題, 今次回來竟然病了, 不是一般傷風感冒, 而是腰痛, 痛到行又痛企又痛瞓又痛, 用盡很多方法才舒緩少許, 所以在四月那廿天的旅程要重新執過, 總之不再那麼去到盡.
另一是今次不知幾時撞凹了那架拉架相機, 簡直是罪大惡極 ~ 死罪 XD
或者男人諗既同我地哩啲貪小便宜既C9 唔同, 原本我們諗住以後到東京會住在女兒家裡, 在去看完她的住處之後, 她爸爸覺得如果我們住在那裡會打擾了她, 因為她早上返學會很繁忙我們在會阻礙著, 加上我們的行李放著會阻礙通道, 總之爸爸覺得一間房間容不下三個人與行李, 而且住處距離車站很遠, 急步行也要二十分鐘, 拖著行李的話會超級辛苦, 所以回來後將池袋的酒店改為住在上野方便她可以一條路線便回到家.
今次老公說回來要買六合彩, 因為去程時坐第三行, 後一行有BB, 回程坐第二十行, 前一行又有BB, 去時下午六時多可以說是正常時間帶BB坐沒有問題, 不過返港時是早上六時多, 即是三時許辦理登機手續, BB在好夢正濃給叫醒跟著過關折騰, 當然上機便會扭計但苦了這些以為在機上可以歇歇的我們, 其實這根本是一個三輸局面, BB辛苦, 做父母辛苦, 更有我們這班不相干人士, 所以為什麼不選擇給BB可以好好地睡醒一覺的早機回港呢?
今次同樣地沒有寄倉行李, 所以都沒有買大件的物品, 大贏家還是茶々.
狗仔衫半價, 不用 $100.
狗帶連背囊想買很久, 之前覺得貴不捨得買, 今次因為親戚上月買物時留下1000円折扣 coupon.
Tomica 頭D車仔在香港只有黑色車頭冚, 白色日本是炒價還要上網才有得賣.
當然會買 nano 今次買了新出的紙 nano.
雞年土鈴.
日本月曆, 有日本的假期方便知道女兒幾時放假.
只買了兩盒小的雞仔餅.
每次都會買的 Lawson 蛋.
幫親戚買的月曆和書.
一直都想儲一張二千円紙幣, 女兒留了一張.
哎呀﹗腰痛好辛苦我都好明白，你要保重呀，休息腰痛重未好就要看醫生，Lawson 蛋可以帶回香港？
回覆刪除多謝羊羊。
刪除啲Lawson 係熟蛋所以我覺得應該冇問題啩!? 我已經買過好多次返黎。
"年紀大機器壞"- me too
回覆刪除我上次去4日大阪，行足3日，下半身簡直好似唔係自己，朝早差D起唔到身，攰到唔想動
其實見你久不久都同茶々去行山﹐都叫做有運動，我就直情係零，只有去日本要睇景先迫到去行山同XX遊步道
不過自駕遊都好得多，起碼慳番由車站行去景點路程
要急步行20分鐘先到車站真係唔好攪我，尤其係行到超攰時最好住响車站上面最好不過
之前都試過係咁行仲行足幾日都冇事，今次可能因為休息唔夠加上以為返黎喺飛機可以瞓陣因為上次搭呢班機瞓到。
刪除其實一方面個女間屋距離車站遠另一方面老公話我地住喺佢度唔方便，因為之前係諗住瞓閣仔，點之原來閣仔冷暖氣都唔到瞓唔到人。
青森摘蘋果，在網上找到這一個台灣的 blog，你睇吓o岩唔o岩 ?
回覆刪除http://blog.xuite.net/chicvoyage/tw/150353361-%E3%80%90%E9%9D%92%E6%A3%AE%E3%81%AE%E9%81%8A%E3%80%91%E3%82%8A%E3%82%93%E3%81%94%E7%8B%A9%E3%82%8A%E2%9D%A4+%E9%9D%92%E6%A3%AE%E8%98%8B%E6%9E%9C%E6%88%91%E4%BE%86%E5%95%A6%EF%BC%81
唔該晒CK鼠。
刪除我以爲你地有去過摘蘋果不過懶去你地度搵 :P
我地只去過弘前的蘋果園，不過都冇摘蘋果
刪除況且 yahoo blog 啲相冇晒，我執相都未執到果度，只執緊秋天去東北果 part，所以如果你真係有需要就直接喺 blog 問啦 ! :D
刪除我成日都覺得你好鍾意摘生果，一定摘過蘋果添 😋
刪除我係鍾意摘生果呀，但喜歡即摘即食多啲，而摘蘋果的話咪好飽，我地一定食唔晒啲蘋果，不過喺蘋果樹影相就好靚，將來唔知有冇機會去摘吓蘋果呢 ?
刪除我去過咁多次都冇摘過生果呀,個女都好想玩吓,咁啱今次佢有幾日假上青森同我地去玩所以諗住去果園玩玩.
刪除你已經係行山有運動人士...咁我地呢些零運動...
回覆刪除帶bb坐廉航呢個挑戰太艱巨，我完全唔想試，仲要坐果些騎尼時間，我真係好佩服！講真就算正常日頭時間如果呀女發顛我都覺得唔好意思（好彩飛機上發顛前已成功制止），何況係果些尷尬時間？
因為如果正常時間上機可能都係睇吓書睇吓片,就算BB喊既話都冇乜問題,但係朝早六點機好清楚咁知道要早一晚出咗機場,就算住機場酒店都要半夜起身check in,到上機好多人都想眠一眠,但係就俾個BB既喊聲嘈住,我自己都湊過細路,知道佢地想瞓冇得瞓一定會扭眼瞓好難搞,所以就算話我好自私咁佢嘈到人咪嘈到人囉,你地啲揀廉航要預咗啦,要舒服咪坐傳統機, 但始終係自己既BB辛苦.
刪除我都好奇怪今次兩日行既路線同六月時行既一樣,今次仲行少咗,問題係真係休息唔夠,返黎之後係咁瞓已經好番好多咯^^
刪除帶BB坐廉航已經夠艱巨~mud春配套都無~當然佢地自己艱巨本來係佢地ge事(正如我地帶bb旅行都係搵自己笨XD)~但係坐埋d騎尼時間就真係累己累人~~省果少少機票錢累人累物~~你坐凌晨機都可能好D~因為小朋友/BB都仲可能訓到落機~但早上6點幾果班真係唔得架!!
回覆刪除"省果少少機票錢累人累物" 好多人唔係咁諗,因為呢個時段既機票比凌晨機要平,慳得一個崩就可以買多啲,話之你騷擾到人啦,呢啲係極自私既行為,睇到佢地係最遲上機(一上機飛機就閂門)最遲落機(全車人等佢地上車至開得車去大樓)如果係我會尷尬到抬唔起頭-_-!
刪除仲有就係手提行李每人一件,以我所見兩人已經有四袋,上機時要空中服務員幫忙張羅地方擺放.
呢種人好自私(其實周圍有好多呢類人), 帶住bb或是老人家好心就搵正常航班啦, 零晨機我都唔建議....原來早上6點幾機會平過零晨機....
刪除嘻嘻,因為我成日都留意HK Express既票價,最平係朝早六點幾呢班,因為騎呢時間,要三點幾check in,住機場酒店都要半夜摸黑出去,之後又要等到六點幾飛,成晚冇得好瞓,到港係11點返工既想返下晝都難,所以要平至有人會揀,而我揀係因為通常會同個女食埋晚飯至走,搭凌晨機就食唔到,呢班機對我地黎講最適合.
刪除我相信宜家帶BB去旅行係個潮流，人帶你又帶
回覆刪除有時大人坐飛機都會唔自在，更何況BB，唔舒服自然會扭計喊，正常，但係就會影響其他人囉...
我唔懷疑宜家嘅父母係非常疼愛佢哋，唔捨得離開佢哋，可能我哋係另類父母，可以好狠心掉低個仔兩個人去旅行happy，哈哈...
因為而家既機票好平,唔似得我地當年咁貴,我地嗰時會諗等啲細路曉行曉走有記憶至帶佢地去旅行會自己舒服哟, 但係而家好多人唔係咁諗或者而家好多地方對BB既配套好好,尤其係日本,帶住BB好方便,不過就覺得揀航班好重要,傳統航空公司對BB有好多特別優待,例如BB籃,座位編排,食物等等,咁樣大人細路都舒服啲,另外航班時間為細路著想既父母係唔會揀呢啲凌晨機極早機,嗰啲揀坐呢啲時間廉航既自己辛苦又騷擾其他乘客,一句講晒係佢地想出去玩而又孤寒.
刪除其實上面有樣講漏咗,去程時有BB坐後排,唔知點解三個大人一個細路只坐三個位,於是起飛後空姐安排其中的那個阿嬤坐在我地隔離既吉位,那個阿嬤好似喺酒樓咁成日起身過去抱住個BB週圍行由機頭行去機尾,見到有吉位就再坐一會,佢成日起身坐低既動作每郁一郁張椅就震一震,我老公話一閉上眼便給震醒,坐廉航既乘客特色係因為冇野食所以好少起身,通常好多由上機坐到落機都唔會離開座位,那個阿嬤一程機起身十幾廿次,今次就唔係BB騷擾而係嗰個阿嬤.
刪除另外就係廉航可以加錢坐一些闊落既座位,去程就係見到嗰啲座位係吉既,如果帶BB可以選擇,不過嗰啲人咪又係孤寒囉.
其實我又唔覺得同潮流有關~我自己就唔想自己放假同老公去玩但小朋友就繼續掉俾工人湊~難得親子時間~宜家兩公婆都出去打工見仔女的時間已經唔多啦~
刪除另外有無發覺D人帶BB旅行好多時候係日本台灣居多? 因為當地配套十分好 (良好及很多育嬰設施)~
坐飛機問題其實好易解決(我帶呀女3次去日本 6程飛機都無事無影響人)
1. 唔好坐騎尼時間航班 2. 小食+奶咀+玩樂工具
日本對於帶住BB既配套做得非常好,我有朋友一家四口,帶住兩歲幾既女同唔夠六個月既仔都話冇困難.
刪除坐飛機只要係揀傳統航空公司,飛機上都有BB配套,揀好既航班時間,但係嗰啲人揀廉航,揀騎尼時間絕對係為咗慳錢,佢地又點會肯俾錢坐傳統航空公司,連俾多少少錢劃個闊啲既位都唔會啦.
就算唔係為咗慳錢，其實帶咁細嘅BB去，佢根本都唔會記得，我阿仔第一次去旅行係3歲幾，宜家都勉強仲有少少記憶
刪除我個女係一年級，好多野佢都唔記得，但係就將鍾意日本既種子種咗落黎^^
刪除如果我有老人家幫手湊我都唔介意掉低佢~兩公婆旅行~可惜現實係無
刪除所以有時唔係咁單純BB記唔記得問題GE
我諗你唔會捨得掉低佢兩公婆去旅行,記得第一次兩公婆旅行掉低個女都心掛掛,雖然當時佢已經讀中三同埋可以自己去嫲嫲屋企食飯.
刪除好多年前我都有張2000yen，不過當時比佢同行既姪子，點知到去年先知道佢驚係假銀子已經使咗-_-#
回覆刪除好彩今次去沖繩最尾個去買野找咗張俾我，另外阿仔又儲咗一張，而家有兩張2000yen＾＾
沖繩係最多二千円流通既地方,上次我個女去返學時叫佢留意但係結果都冇.
刪除今次呢張二千円係個女打工既地方,有客又係好似你姪子咁以為唔用得咁盡快用咗所以就儲到一張^^
我老公早兩個月又係突然腰痛，由腰部扯到落大腿都痛，真係痛到行都行唔到。去醫生度打針食止痛藥都冇效。後尾做物理治療加埋跌打先至好D。而家醫咗接近兩個月都未斷尾，間唔中都仲有D扯住痛既感覺。年紀大咗，腰痛可大可小，真係要檢查清楚。
回覆刪除唔該晒 Maggie,
刪除而家好番好多,其實呢個係舊患,我都試過好似你老公咁坐低咗痛到起唔到身,結果都係要做物理治療,所以我都成日會留意住.
有無用過? 開頭用好鬼痛, 適應左就好舒服
刪除http://www.rumbleroller.com/foam-rollers.html
http://www.roguefitness.com/rumble-roller
唔該晒t先生,
刪除我冇用過呀,只係用土法熱水袋同啲按摩器,不過都有啲作用.