2017年2月14日 星期二

2017 東北之旅 ~ 行程

今次相隔上次 2015年四國的旅行只是一年半左右, 但是訂酒店時發覺價格好像高了點, 滿以為東北的酒店相對來說應該會便宜些, 結果也花了一點時間才訂妥全部酒店, 因為我們一家對浸溫泉沒有太大興趣, 對於和食也是, 但是因為遷就行程關係今次都會住幾晚一泊兩食的溫泉旅館.

唔知道點解覺得這趟編排行程異常複雜, 因為又 JR pass, 又租車, 又內陸機等等.

原本最方便快捷便好像2010年那樣內陸機飛青森租車玩一圈然後青森還車, 其實用 Asia Miles 換的機票可以包兩程內陸機, 不過有人想坐坐火車, 於是要度火車時間, 今次女兒會與我們去青森和秋田玩幾天, 不過她的學生簽證不能用 JR pass, 而新幹線的車費很貴, 最便宜是再用 AM 換內陸機票, 但只換日航機票是兩個月前才可以換, 在換的那天以為一到凌晨時分便可以換, 結果等了個多小時接通電話告知要在翌日日本時間十時才可以換取, 結果折折騰騰終於換了羽田飛青森, 秋田返羽田兩程內陸機, 然後與女兒一起的期間便租車.

買 JR pass 當然 cheap精上身, 在海外買有一千円折扣, 之前買 pass 通常幫襯旅行社, 今次想在網上買, 記得以前試過在網上申請換票時才付錢, 但現在好像要即時過數但匯率好像不是太好.

今次的行程相對以前比較簡單, 盡量每天一個景點, 想每個地方逗留長一點,

第一日

香港  →  東京成田

第二日

東京

第三日  (JR pass)

東京  → 青森市

第四日  (Car)

青森市  →  十和田湖 (奧入瀨)  →  青森市

第五日  (Car)

青森市  →  青森空港  → 弘前りんご公園  →  弘前市

第六日  (Car)

弘前市  →  大館  →  前田南駅 (電影你的名字)   →  男鹿市

第七日  (Car)

男鹿市  → 男鹿半島  →  秋田市

第八日  (Car)

秋田市  → 角館武家屋敷  → 角館

第九日  (Car)

角館  →  田沢湖

第十日  (Car)

田沢湖  →  秋田空港  →  秋田市

第十一日  (JR pass)

秋田市  →  山形市

第十二日

山形市  →  山寺  →  山形市

第十三日  (Car)

山形市  →  蔵王温泉

第十四日  (Car & JR pass)

蔵王温泉  →   山形市  →  仙台市

第十五日  (JR pass)

仙台市  →  上野

第十六日  (JR pass)

上野  →  國營日立海浜公園  →  上野

第十七日 -  第二十日

羊山公園

東京, 橫浜, 橫須賀

第二十一日

東京羽田  →   香港



2017 東北之旅 ~ 由這本書開始



31 則留言:

  1. 回覆
    1. 不過要就JR pass 東北都只係留十三日。

      刪除
  2. 最後都係揀咗去弘前りんご公園而唔去青森 ? 弘前りんご公園有時間的話食埋個蘋果咖哩豬扒飯,唔錯的

    回覆刪除
    回覆
    1. 因為嗰日十一點幾去青森機場接咗個女之後就直接落弘前,去蘋果公園會近啲,嗰度既咖哩蘋果豬扒飯真係好好味,不過2010年去時已經食過可能唔會再食,會試其他嘢^^

      刪除
    2. 咁有咩其他新嘢好介紹記得報告俾我地知呀 !

      刪除
    3. 好,我記得好似仲有其他嘢食,嗰次因為個咖哩出名全部人都食冇叫其他。

      刪除
  3. 真開心,玩咁多日!我都希望今年去東北睇红葉!不過宜家搞緊4月濟州/首爾,5月屋久島,6月東京(未決定去邊)頭都大埋!

    回覆刪除
    回覆
    1. 和豚媽媽你至係真·開心,4、5、6月密密飛,羨慕又妒忌😁‼️

      刪除
    2. 我去啲日子比較短邊有你21日咁開心喎!4月去藏王0K呀,我之前見過啲日本人影嘅相唔錯呀,感覺又唔同架!

      刪除
    3. 藏王我最想就係睇お釜,不過原來條路要廿幾號至開通可能去唔到,有時去旅行既野豈會盡如人意,可能就算條路開咗如果落大雨咪一樣,隨遇而安吧^^

      刪除
    4. 我諗我同和豚媽媽你好相似,成日都會遇到不可預期既天氣,所以已經唔會expect太多,因為希望越大失望越大.

      刪除
    5. 山上天氣更加變幻莫測,我秋天上藏王想睇お釜但超濃霧,伸手不見五指咪講話行,但山腰以下是陽光普照的,真是殘念 …>.<… 預祝你睇到個又大又清晰的お釜 !

      刪除
    6. 睇漏咗添 :P 係喎,幾時開通 ? 總有一天會睇到的 :D

      刪除
    7. 我好似再黑仔啲!哈哈 所以我自己覺得有得去旅行已經好開心!~~

      刪除
    8. CK鼠,網頁話22號開通不過會視乎天氣,但係今年日本咁大風雪,想早啲開都幾難 -_-!

      刪除
    9. 和豚媽媽,我都係咁話有得去開心都黎唔切,因為天氣去唔到咪搵機會再去,正所謂有賭未為輸XD

      刪除
  4. 4月上蔵王仲有樹冰嗎? 總覺得無樹冰可以skip蔵王

    回覆刪除
    回覆
    1. 我去時冇樹冰又冇お釜😂,因為知道冬天應該唔會去,夏天喺不久既未來又唔會去,不過總想去一趟蔵王。

      刪除
  5. 廿一日!!! 流哂口水!!!

    日立公園睇到藍色花花未呢?

    回覆刪除
    回覆
    1. 輝哥你密密飛我都流晒口水😅
      希望睇到藍花花不過可能唔係最靚^^

      刪除
  6. 我頭5日福島同仙台賞櫻, 之後或者會17及18號去羊山同日立, 睇下有無機會meet到!!

    回覆刪除
    回覆
    1. 我會16號去日立,因為係pass最後一日要用埋,羊山就冇特定時間,邊日好天就去,到時再約^^

      刪除
  7. 我終於都識搞掂啲圖可以見到契媽的 4 隻狗狗喇,你有興趣就過去(聖誕篇)睇睇啦 ! :D

    回覆刪除
  8. 21天既日本行程,正。

    回覆刪除