2017年9月7日 星期四

23.20 蔵王 ~ 瘦骨嶙峋的蔵王樹冰


二O一七年四月十三日 (雪)

翌日早晨租車前往蔵王, 其實今次到山形兩個目的地分別是山寺和蔵王的お釜, 對於蔵王樹冰已沒有期望, 因為知道樹冰期應該已過, 而蔵王ハイライン還未開通, 只是希望會不會有奇蹟出現提早溶雪開通了有機會看到お釜.

蔵王山神社大鳥居.




今次租了這四驅SUV RAV4, 取車時見到這部車時很開心, 因為前幾年這車在香港做推廣時曾經去看過, 這架珍珠白色一見已經心動, 而且真的心郁郁想換, 不過換車不是租車喜歡那架就租, 所以最後考慮不要衝動作決定, 怎知今次再遇情人.





又一次意料之外前往蔵王溫泉途中竟然下起飄雪來, 而且越來越大, 重蹈上次在層雲峽一樣, 一下車便要開喼取厚衣.

週圍地方還有積雪.


滑雪場尚在營業.



首要事當然坐纜車, 因為恐怕會停駛, 無論如何都是上山為先.




山下天氣已經放晴.




仍然有人滑雪.





到達樹冰高原站氣溫越來越低.


山頂站只得負八度.




轉車往山頂站.



到達山頂嚇一跳, 狂風暴雪撲面而來, 今次預定行程時還滿以為就算ハイライン未開通, 在蔵王山頂還可以沿路散策行過去遠望, 怎知大雪雪深至寸步難移, 風雪打在臉上是痛的, 與上次在北海道到達黑岳七合目的情形一樣.


周圍白茫茫一片, 我們的禦寒衣服不足只有 fleece + Gore-tex, 手套是露指的冷手襪, 加上大風雪, 行出車站前沒幾步已經冷得要折返車站餐廳取暖, 如果不這樣可能明年遊客到來會見到兩棵人形樹冰呢XD






景物模糊只有幾呎視野.


可以這樣形容見到的樹冰, 現在已經只得一棚骨, 好像一條魚給人吃完肉只剩骨一樣 XD






不停在車站餐廳出出入入等待風雪稍緩時出外走走.


肉眼也可以見到風雪吹來.




終於行到蔵王地蔵尊.




乍現藍天以為可以行遠一點.







陽光下顯現一片銀色世界.




雪的珊瑚.




滿以為晴天可以走走, 怎知有車站職員出來通知纜車即將停駛, 尾班車在幾分鐘後開出, 當然是很失望不過幸好我們在附近, 如果行遠了職員找不到的話會怎樣?









回到樹冰高原站, 原來在山頂已經逗留了三小時.



車站豎立了因為強風關係山頂線停駛的通知.


但是回望山頂天氣不壞.






滑雪客不受影響.





23.19 山形 ~ 乍雨乍晴 @ 寶珠山立石寺 (山寺)


23.21 蔵王 ~ 還是止步於お釜腳下



18 則留言:

  1. 3小時? 傻的嗎....
    Anyway, 有時我覺得旅行去啲地方, 唔啱季節都唔好太勉強. 就算去到都可能睇唔到自己心目中想睇的, 又要下次去過.
    山上有 live cam 架, 我去前都 check 清楚先上去.

    回覆刪除
    回覆
    1. J少,山中方一日原來世上已千年XDDD
      喺山上來來回回食吓飲吓野唔經唔覺已經三粒鐘,如果唔係停駛可能仲會留喺度:P
      張機票舊年八月已經買咗,又要就個女假期所以行程冇乜走盞位,不過都算喇有機會再去過"I will be back"XD

      刪除
    2. 你可以話當時唔去到無其他地方去.
      睇相有唔算太差, 只係唔夠肥o者.

      刪除
    3. 其實都係冇做功課:( plan行程時我係expect綠草如茵可以散策,點知原來仲有雪:D

      刪除
    4. 你睇到我成個trip都以為去時係春天XDDD

      刪除
  2. 見到的樹冰, 現在已經只得一棚骨, 好像一條魚給人吃完肉只剩骨一樣,形容得好貼切^_^

    回覆刪除
    回覆
    1. 哈哈,你地見到係營養好肥嘟嘟既,我見既係i菜鵝肶罅營養不良哩XDDD

      刪除
  3. 都叫做睇到~~下次睇樹冰就可以去第2度睇~八甲田山啦

    回覆刪除
  4. 我上次都係咁,就算山下天氣好,山上都係大風到癲。吸兩啖冷風條氣管好似結冰咁!

    有藉口再去!

    回覆刪除
    回覆
    1. 一出車站大風到癲,好艱難行得幾歩又凍到癲好似耳仔鼻哥會甩咁,即刻要入返餐廳取暖。
      我諗下次去係會喺睇到お釜既天氣,始終好想睇到。

      刪除
  5. 四月天都算不錯, 過完埸雪出藍天都好靚 :)
    RAV4 上年都唔出已比 C-HR取代

    回覆刪除
    回覆
    1. 可惜藍天大風纜車要停駛唔可以留喺度-_-!
      所以我喺香港睇RAV4嗰時就係可能做promote清貨尾,架C-HR喺日本show room 睇過真車好靚仔吓,好似都係1500cc玩得過,不過應該好多補品XD

      刪除
    2. 行貨 rav4 個樣唔同日版, C-HR 日本有得租, 不過唔係好闊落, 加埋三尖八角就麻麻地, 香港水貨好似成四十幾個, 真係儍的嗎? 加少少買架新款痾C Q5仲型啦

      刪除
    3. 其實架C-HR都好似日產既Juke,兩架都騎騎呢呢XD,Q5係好型仔不過大CC車唔係太啱:P

      刪除
  6. 嘩~地蔵様得膊頭以上!!我去時還有腳

    回覆刪除
    回覆
    1. 從來冇諗過四月竟然都會積雪咁深,未去到之前仲諗住可以散策。

      刪除