14天的意大利之行與隔離酒店的日子過去了,0口罩0掃碼也過去了,在德國與意大利除了極少地方外,完全不用戴口罩,入餐廳商場超市不用掃碼,這種自由我們沒有了兩年多!
在意大利完全沒有社交距離,初次見姑仔的朋友,握手之外一定會攬攬你,尤其那次儀式之後,所有人無論男女都會攬住 comfort 你,有些更會吻你面頰,根本不當現在的瘟疫是一回事。
今次之行與以往的旅遊完全不一樣,除了因為今次不是遊玩而是傷感之行外,在香還在實施檢疫措施下,回港的程序整體是麻煩丶麻煩又麻煩外真的無話可說,就是將來還在實施甚麼0+7免檢疫酒店的安排還是有一串麻煩跟隨著,相信為了去玩而再飛真的不會了。
九月一日由飛法蘭克福開始已經麻煩重重,那天德國漢莎航空機師開始罷工,辦理登機只可以到法蘭克福,之後往米蘭航班取消,而香港德航地勤甚至不知所措,竟然叫我們到法蘭克福坐 Euro Star !!!去米蘭,如果星期五到達米蘭便可參加星期六的儀式,於是在登機前預備替代方案,在住過維也納的外甥仔幫忙下找到只有坐火車途徑,但需要九小時和轉車三次,一次還只有七分鐘,在人生路不熟的情況下根本沒有信心,不過還是買了車票,不過人算不如天算,航機比原定時間遲了兩小時起飛,到達已經不可能坐到火車,已經有心理準備真的趕不上,儀式可能會在家屬缺席下舉行!
2022年9月1日.
預定 12點幾飛,結果到 1點幾才飛。
久違的天空!
到達法蘭克福與姑仔朋友聯絡,得知儀式已經改期至星期一,心情可以緩和一下,隨即在機場 rebook 到米蘭航班,但是最快也要星期六早機,以為要在機場過一晚,但原來航空公司預備了酒店住宿,的士券和晚餐早餐,就這樣無端端在德國住了一晚,又可以在到過的地方加多一個國家XD
2022年9月2日.
法籣克福機場
Rebooking counter 人山人海
坐下來吃個 late lunch,法籣克福腸冇吃,但是法籣克福"搶"就見識到,話說埋單時那個不知是老闆還是伙計跟我們說要俾貼士,去了日本後已經忘記貼士這回事,給他後見他便立即袋入自己褲袋。
坐的士前往酒店
這間名為 Hilton 的酒店座落在商業區,與市中心那間差一大截。
2022年9月3日.
降落米蘭機場
2022年9月8日.
九月八日要做48小時內的 PCR test,因為雖然是星期六早機9時05分米蘭起飛,但是在法蘭克福轉機回港是1時45分,為保險計星期四下午二時後做便最穩妥。
2022年9月10日.
九月十日早機,五時已經要由 Lesa 出發到米蘭機場,一切很順利check in 到香港,但想都沒想到大鑊是法蘭克福轉機。
是日中秋節
米蘭機場
今次出的是漢莎航空機票,由香港 - 法蘭克福 - 米蘭 - 法蘭克福三程都是漢莎營運,但是法蘭克福回香港那程交給因航負責,這樣就出事了,雖然在米蘭已經 check in 到香港,但因航要求在法蘭克福需要再到 check in counter 一趟,雖然已經持有核酸陰性報告,隔離酒店確認和3針疫苗針紙,但是竟然要我們首先填妥網上申報表,(據知女兒五月回港時到達香港機場才填),雖然有3小時多轉機時間應該很充裕,但是法蘭克福機場太大,由A區行至E區已經費時大半粒鐘,結果在網絡不穩定和因航完全無支援情況下,只是叫我們到 counter 外面做,完全你死你賤的情況,(女兒回日本時在日航櫃位遇到同樣情形一那位職員耐心的引導填寫),結果花了個多小時才填妥,交回 counter 時已經熄燈差不多 close,完全不理你死活,裙拉褲甩手都未震完到閘口已經開始登機。
回港因航班機
回港後由出機倉門口已經好像到有生化危機的地方,全部穿上保護衣的人不斷催促著前行,排隊檢測,每人頸上掛一塊牌,到很多地方都要被嘟一嘟,隔離酒店就是在隔離的機場酒店,但仍然要排隊坐車前往,到酒店又排很久等 check in 上房,7時許 land 到入房也已經 12時,換作以前已經回到柴灣的家。
跟著就是每天的自我撩鼻檢測上載,再加三天的社區核酸檢測,完全煩到嘔!
我老公中秋前前番左大陸做野,去左廣州/福建/廈門等地,佢地條街無人戴口罩架..........我老公開頭兩日有戴,佢D大陸朋友笑9佢仲戴咩撚野口罩..都無人戴口罩....係香港同台灣仲咁ON 99周圍要戴口罩....
回覆刪除原來內地都已經冇口罩令?因為成日睇新聞見到又封區又封城,以為佢地好似呢度咁嚴陣以待添。
刪除初時到德國見到機場都好多人戴口罩,但係出外面已經係另一世界,好 free 好舒服!
我估係視乎大陸邊個地區...起碼南方呢邊鬆過香港好多....
刪除我諗大城市北京上海嚴啲
刪除仲話向國際亮牌話俾人聽恢復正常? 呢D ON9的入境程序等收皮啦....
回覆刪除根本就算係 0+7 都係趕客,連我都受不了日日要自己撩鼻同埋隔日去社區做檢測,冇全面撤晒都唔會出去啦,叫遊客黎食外賣同撩鼻,如你咁講搵啲 on9 仔黎玩咩!
刪除大小姐沉重任務完成希望你亦能放下沉心情, 我都回了新加坡一趟, 好似你所講, 好耐無見過久違的天空, 今天才返到現在踎緊隔離酒店, 坐飛機幾十年都未見過喺機場咁奇怪現象, 不過比較幸運可能無乜機黎, 由落機到上巴士都唔駛四十分鐘, 新加坡市面已回到覆正常, 街上行人戴唔戴口罩無問題, 濱海果邊圍緊欄唔係捉人係月尾有F1賽車. 我月頭想book SIA 18-22號來回都皮六野, 後來轉訂平機 scoot去 SIA返, scoot去星加坡單程都唔平, 要成三千幾, SIA 回程就千六蚊,即係好多人去星加坡而黎呢度嘅人就少, 果日去程D人多到應該要有兩架機至載得哂, 上機真係爆棚乜鬼野人都有, 都幾得人驚. 望下機翼都一樣得人驚, 睇到有一躂躂, 唔知喺生銹定甩油. scoot 應該唔再幫襯. 今早返黎嘅樟宜機場T3見到正苦賣廣告, 不過就覺得奇怪點解喺人哋國家賣呢d廣告
回覆刪除t 先生, 有心, 多謝.
刪除意大利儀式後已經放下了, 可能我始終都係隔咗一層, 沒有親兄弟姊妹那樣深厚.
原來 t先生都去咗新加坡, 兩年多沒有出去, 感覺外面空氣真的那麼清新, 當日我坐那班機好多係法蘭克福轉機英國, 行李好多, 連貓狗都有, 係我坐咁多次飛機第一次見.
今次既機票貴到無論, 一張經濟位已經兩皮幾, 我地四張差不多十皮, 換轉以前, 商務都買到, 不過買到德航已經好好, 初時搵到係大韓要首爾轉機, 或者土耳其航空嗰啲, 價錢平唔到一千, 殊不知會撞正德航機師罷工咁大鑊.
刪除t 先生住間隔離酒店好唔好? 3+4 最麻煩係出黎之後要幾次出去做檢測, 仲要喺屋企日日自撩, 煩到嘔.
刪除作者已經移除這則留言。
刪除酒店張檢疫紙係每日自己撩然後做記錄,離開酒店時俾番酒店。
刪除仲有要登入一個叫"2019冠狀病毒病電子醫學監察系統",每日上載自己撩鼻結果張相,連離開酒店嗰日都要
總之一定要影相
刪除隔離酒店係iclub好似D三星旅館咁,當然唔可以同staycation相提,打個電話比櫃枱都無乜人聽. 我都想問你果張撩鼻紙係咪自己 keep住離開酒店隔日去街站撩鼻三次咁算數? 仲有果張十日量體溫要唔要比番正苦?
回覆刪除唔好意思,答咗上面👆
刪除10日自撩要影相做記錄唔駛交但係要 keep 住先
刪除好彩你提一提每日要影相upload 比正苦, 唔係罰錢就唔好彩
刪除總之酒店俾嗰疊文件要好仔細咁睇晒
刪除啊啊, 開左0+3連pcr都唔駛, 我就星期日出監變左中國最後太監😭
刪除啱啱出咗街唔知呀,幾時生效?唔係即時放監咩?
刪除星期一😭 早一星期講未慳番幾千.
刪除哈哈,咪當 staycation 囉!
刪除之後仲駛唔駛第4,6,9日去做檢測?
應該要啩
刪除而家成日變既政策下,做多好過做少,做咗好過唔做 😅
刪除喺果邊PCR幾銀?新加坡大約一百蚊坡紙
回覆刪除意大利 EUR70, 阿女返日本喺養和做都要$720
刪除