0口罩0掃XX出行的日子 ~~ 一個想記但又想忘記的地方、日子

 一個地方, 不想記住但又好想記住.

 同樣, 這段日子, 不想記住但又好想記住.

畢竟今次不是觀光遊覽, 所以在前去辦事時沿路不會停低影相, 很多時是邊行見到喜愛的地方便影, 完全不會知那是甚麼地方, 當影唔切時便用眼睛當鏡頭, 用腦當SD卡記住.

今次去得最多是教堂.

2022年9月4日 (星期日)

Lesa 湖邊, 到達第二天便去做彌撒. 

最常去的一間小教堂, 因為在屋企附近, 所有儀式都在這裡舉行.

最後一晚市長邀請我們到另一教堂欣賞小提琴演奏.

Lesa 湖邊, 這裡有遊覽船往瑞士, 女兒曾經在這裡乘船到瑞士遊覽, 這次很多時都會到這裡吃飯與辦事, 因為由屋企步行都只是十五分鐘左右.

2022年9月4日 (星期日), 2022年9月6日 (星期二), 2022年9月7日 (星期三)

湖的另一端, 比較荒蕪.

差不多每天都會來湖邊一趟, 這天是前往市長辦公室, 第一次見到歐洲古舊建築物內的辦公室.

最右邊有旗幟的便是市長辦公室.

太喜歡歐洲的建築物, 尤其是彩色的屋仔, 這裡在湖邊.

這裡是屋企附近.

這裡唯一的酒店, 常常客滿, 下次再來時會住.

來到意大利以為會見到很多意大利牌子的汽車, 不是說法拉利甚麼的, 至少都是快意呀, 愛快羅密歐呀, 但反而見得最多的是 Audi 和 Benz, 連載我們出入醫生和市長都是揸豐田與 Audi, 不過都見到不少老爺車.

屋企, 見到這間屋我講得最多是如果我懂意大利文的話, 一定會將這屋改做民宿或者 B&B, 因為地點好, 寧靜中行大約十分鐘便到大街, 還有超市, 十五分鐘到湖邊, 當然食肆有時間限制不會營業到太晚, 但湖邊酒吧便例外會開得較晚, 這裡附近有火車站, 大街有巴士去米蘭, 實在方便, 更一改我對意大利的恐懼, 那裡治安不錯, 自己一個人也胆敢行出大街.

隔離屋

今次出外吃飯次數不多, 很多時辦完事太累都會回家自己煮, 而且煮食的責任不在我, 所以也沒有所謂.

這餐是女醫生請, 典形的意大利食物.

湖邊酒吧小食

同樣是湖邊, 不過是露天餐廳, 市長請的, 當然點餐也是市長, 這塊薄餅原來是魚做餡料, 基於禮貌也要吃啊 !

女醫生知道我們喜歡吃 Tiramisu 和 Lasagne, 特別做給我們.

Tiramisu 是以前吃過的味道, 是否每一個意大利人都懂得做也做得好味呢 ?

Lasagne, 可惜當我們開焗爐時全屋跳掣, 結果無緣.

Arona

2022年9月6日 (星期二), 2022年9月8日 (星期四)

可以叫做出城, 不過都是辦事, 而且意大利人做事很淡定, 所以時間趕急.

Arona 火車站, 當天附近有 event 很多小攤檔, 車位難求, 遊人很多, 可惜都是沒有時間走走.

另一天.

今次吃得最多是牛角包和咖啡, 見識各款各樣的牛角包.

這次飛已經預視會不開心, 但是會不開心到這地步.

即使沒有認知障礙, 可能再過一段日子便會忘記, 但是忘記時偏偏又想記起會更難受. 所以希望寫點大綱, 記得當日曾經去過甚麼地方, 做過甚麼.

在這次之行深深體會到如果有另一半的話, 一定要比他早走及講低你的所有, 因為之後的所有一切都有人打理, 不會孤伶伶沒有人知道你所想. 今次由踏入姑仔家的第一步開始, 所有的東西都是無知, 簡單如一條鎖匙, 那裡有很多門, 更多上鎖的抽屜, 無數不知道重不重要的意大利文的文件.

她一直沒有告知屋企人發生了甚麼事, 更在醫院用私隱條例即使最後我們找到她, 醫院也不肯透露病人的半點資料, 直至最終她的朋友聯絡我們時, 生命已經差不多到最後, 所以我們沒有從她口中得到任何資訊.

由未買機票開始, 我已經講我的護照是2023年3月中到期, 在8月尾還有6個半月時間, 我還有一本BNO傍身, 老公另一個妹的護照過咗期要再領, 於是我便順便申請埋, 我遲她一天領回, 但這就成了遲飛的藉口, 他們常說因為就我所以9月1日才飛, 結果遇到德航罷工差點趕不及儀式.

到買旅遊保險, 我見到我比較熟所以幫手, 結果在買了之後給他們說買錯, 明明之前已經 confirm佢地, 照機票日子買但是他們說可能會改機票遲走喎, 又係我錯 ~ 吹脹 !

再說回程座位我就真正一肚氣, 話說坐因航回程出機票時已經劃位, 不過唔係我做, 因為全部都係老公嗰邊搞, 佢地全部同姓既坐窗口三個位, 而將我劃隔通道位, 長途機要瞓係咪應該男人跟其他陌生人坐好啲吖?

不過都算嘞, 點知上機行到個位時見到一個賓賓抱住一個郁黎郁去又喊晒既B坐喺度, 心諗X街咯, 仲要個賓賓冇戴口罩, 佢叫我俾佢坐通道位我梗係唔得啦, 坐咗之後隔離當然非常惡頂, 同姑仔講時點知後面有個X街女人上前鬧我話BB係咁架喎, (個女人似嗰啲有個錢既大陸人), 我全程冇出聲, 空姐過黎了解後好彩架機有吉位, 於是將佢地一班人搬咗去後面一格, 之後我隔離就吉咗俾我同再隔離個男仔用, 所以全程就好舒服, 結果全程看了四部電影, "手捲煙", 重看的"媽媽的神奇小子", "漫畫殺人王", 一部還要是一直想看的"春光乍洩".