2015年8月23日 星期日

2015 秋季大旅行之四國, 關西, 東京之旅 ~ 交通

唉, 昨天出了以下這篇, 原本以為順順利利相安無事, 怎知昨晚與老公三個妹妹商量照顧茶々給吃了檸檬, 之前去北海道照顧茶々的妹妹太忙不能幫忙, 另一個想也沒想一口拒絕沒有商量, 老公嬲到震, 不是翻舊帳以前我們也試過她去歐洲時幫手照顧狗狗, 現在又要為茶々找狗酒店而煩惱, 唉!

很期待今次的秋季大旅行, 主要原因是女兒同行, 自從2012年北海道之後, 她已經沒有再與我們一起旅行, 原因之一是她不想全家出遊留下茶々給親友照顧.

當子女成長後他們有自己的世界, 陪伴在身邊的日子會越來越少, 有朋友說如果他們肯一起去旅行更為難得.

今次因為女兒已經在日本, 可以說是因利成便她會乘坐新幹線到大阪會合一同遊四國, 所以租車會由新大阪站開始再回大阪還車, 由於日元低水曾經想租其他類別的車, 到頭來左算右算還是離不開 Toyota Sienta, 因為始終怎計也是最平, 省下來的可以吃多餐豐富的.



2010年名古屋至金沢

2013年九州

2013年富士山

由上月尾買了機票便開始訂酒店, 四國和東京的酒店都很順利地訂了, 但偏偏到第十三,四晚的神戶和大阪酒店, 樂天網上所有的三人房最平的已經是在三,四萬円的價位, 改到 Jalan 找到神戶在三宮的房間, 價錢還可以, 但大阪真的一房難求, 結果是在"冇雷公咁遠"也不知道是甚麼地方的地下鉄御堂筋線江坂駅附近找到一間, 因為是在當日傍晚時候才回大阪還車, 預算翌日早上便會坐新幹線與女兒返回東京, 但求那晚有地方落腳便算.

在搜查新幹線回東京的票價時發現原來不用 JR pass 票價是如此昂貴, 三人總和差不多四萬円, 好像比內陸機還要貴, 在酒店不是太方便, 坐新幹線又太貴的情況下決定放棄那晚酒店, 轉乘夜行巴士回東京, 在梅田晚上十一時半出發, 到達池袋是早上七時半, 既方便女兒回家, 也不用轉車拖著行李在車站轉來轉去, 而且還便宜了一半, 只是二萬多左右, 還省下那晚的酒店.

另外往四國時是經淡路島進入, 因為不想走回頭路的關係, 回本州時會留小豆島一晚, 早上再從小豆島坐船往姬路順路去看看維修了五年重見的姬路城.

大概的行程已經落實了, 餘下只是小修小補, 還有老公擬定的一大張購物清單.




43 則留言:

  1. 嘩﹗是甚麼日子要咁貴三,四萬円?坐夜車回池袋,可以省回的錢,可以食多餐呀﹗但請問在日本坐夜車安全?

    回覆刪除
    回覆
    1. 那段日子原來剛好係紅葉期,所以全部房價都貴了。
      在日本坐夜行巴士會比較在其他地方放心。

      刪除
    2. 我都坐過呢間巴士公司,由名古屋去新宿,啲位都ok,不過停中途站時會廣播,最好帶定耳塞。

      刪除
    3. Maggie,你都係坐夜車?

      刪除
    4. 唔該晒 Maggie,等我去你個 blog 睇睇先。

      刪除
  2. 呢款 Sienta 都做左呢個家族亞爺 (2012 2015), 唔知幾時有得租新款

    回覆刪除
    回覆
    1. 上星期去過香港 Toyota show room 睇過新版的Sienta,全部落足料,但感覺還是新不如舊。

      刪除
    2. 死爛坦幾銭租? 如果三個人有得揀, 我會揀 fit shuttle

      刪除
    3. 新版都幾靚仔 ^^
      http://www.honda.co.jp/SHUTTLE/

      刪除
    4. Sienta 租13日九萬一千幾.
      我老公都想揀 fit, 不過其他網租車冇得揀, 可能未必俾到 fit, 一陣俾架又細 cc 行李箱又細既就麻煩.

      刪除
  3. 大阪去東京3000円一位,好底

    回覆刪除
    回覆
    1. 夜行便係7000幾円一個人,不過仍然覺得好抵。

      刪除
  4. 你响Toyota度租車? 有無比較過http://www.tabirai.net/car/osaka/,大阪都有,北海道同九州我都用過佢幾抵,舊年我去鳥取都係租佢,揀咗Orix租Honda車,我見佢都有Toyota車租,好似仲可以租ETC card,不過你要指定Sienta車款應該唔得,參考下

    回覆刪除
    回覆
    1. 明年我都會喺大阪租車,等我又睇下先^^

      刪除
    2. 唔該晒3J家庭,之前我都比較過幾間熱門既租車公司,就是只得指定 class而沒有指定車款,就是 Toyota 都有淨係揀 class 都多5%折扣,不過就係驚到時攞車時唔係心目中嗰款,可能馬力同擺行李都有問題,倒不如就指定車款算了,同埋 Toyota 如果網上俾錢又多5%折扣,但係都費事如果有乜事取消麻煩寧願少啲折扣。

      刪除
    3. Nerissa, 同道中人喎, 我都係覺得Toyota方便好多, 雖然價錢貴D

      刪除
    4. 我宜家較喜歡租Hybrid car,靜D同慳油D雖然價錢會貴D
      試過兩次租Toyota無指定車款俾咗Sienta,一次响東京一次响青森八戶,雖然車款一樣但性能有差異,東京架車可能比較舊,唔夠力又嘈,但後來八戶嗰架又正常OK喎
      依10年嚟响日本都租過唔少車款,無特別要租邊個牌子邊個車款,有時仲會貪嗰5%折扣而唔指定車款添

      刪除
    5. 係呀, Mandy, 其實睇番其他租車公司, 我而家租Toyota 減咗其他折扣都同佢地差不多, 但係我可以確定我租既車款心裡面有個底.
      至於冇ETC card, 而家ETC折扣同以前相差已經唔遠, 甚至有啲路段係一樣添, 慳既可能淨係停車俾錢既時間,

      刪除
    6. 3J家庭, Touch wood, 喺唔同地方租咗三次Sienta 又冇你講既情形出現過.
      唔係唔鍾意租Hybrid, 佢地價錢貴啲但係慳油可能都可以拉勻, 可能嗰啲同我地屋企架車既形差不多都係矮扁車形, 所以去旅行唔想用返形態差不多既車 :P

      刪除
  5. 咁而家茶々係要住狗酒店 ?

    回覆刪除
    回覆
    1. 係呀, 而家搵緊狗酒店, 不過都想等コーさん北海道返黎問吓佢隻哥姬住邊間.

      刪除
    2. 就放喺 koosan 屋企啦 :D

      刪除
    3. 我喺日本既時間コーさん都係有段時間喺東京架 :P

      刪除
    4. 十幾日無睇,過千個留言,揾到我個名喎!

      唉,今次第一次俾NOC.

      刪除
    5. 返咗黎?
      所以今次我都會預算買 NOC,買咗安心好多。

      刪除
    6. 今日返,昨天還車。保險你自己計日數,定買安心保。車行得2萬,唔行得5萬。如果你日數長,一俾就萬幾日元,你不如找香港旅保包你NOC。

      我俾個NOC理論上是香港旅遊保會包的(自駕部份),要用幾耐時間claim就唔知了。

      刪除
    7. 以我理解保險計日數既係免責補償料每日1080, 通常租車都會一併買埋.
      而 NOC 係option 既附加契約, "万一、事故・盗難・故障・汚損等を起こし、車両の修理・清掃が必要となった場合、その期間中の営業補償として下記金額をご負担いただきます。(免責補償制度とは異なりますのでご注意ください。)" , 用來因為修理汽車時補償營業額既損失.
      https://rent.toyota.co.jp/guide/use/jiko.aspx

      刪除
    8. 呢個旅遊保險包埋租用汽車的免責補償費用
      https://www.acetravelinsurance.com.hk/Product/Get-a-Quote?autoSubmit=true&_DTA_DESTINATION_=E0950DBB-CDC9-41D6-BA46-9D0D001994B9&_DTA_COVER_FOR_=851CFFF2-ED6E-4835-A7FD-9D0D0019C474&_DTA_MULTI_TRIP_=false&_DTA_ADULTS_TRAVELLING_=1&_DTA_DEPENDANTS_TRAVELLING_=0&_DTA_EFF_FROM_=01-11-2015&_DTA_EFF_TO_=14-11-2015#submitted

      刪除
    9. 明白晒,即係架車行得郁墊底兩萬円,行唔郁墊底就五萬円。

      刪除
    10. 唔該晒,t 先生等我慢慢參詳吓。

      刪除
  6. 原來宜家8月已經咁難訂大阪紅葉期酒店?! 當年09年9月先訂都訂到正常位置正常價~好痴線

    回覆刪除
    回覆
    1. 係囉, 2013年都係7月幾都book 到11月中大阪酒店, 仲係有好多平酒店任揀.

      刪除
    2. 我幾個月前book大阪中秋、十一嘅星期六,住開嘅都無房添呀。家下日本真係火熱到不得了。

      刪除
    3. 嘩, 輝哥中秋、十一又喺日本賞月同歡度國慶, 羨慕! 羨慕!

      刪除
  7. 我以前去旅行要搵親友照顧狗狗都好煩惱!

    回覆刪除
    回覆
    1. 而家我覺得與其去求別人幫忙照顧隻狗狗,不如放佢喺狗酒店有人照顧食同便便,好過喺親友度夜晚返屋企至餵佢食無定時。

      刪除
    2. 不過寵物住酒店最唔好嘅一樣野就係要困喺籠子內,心都痛埋

      刪除
    3. 所以想搵西貢啲狗場,好似一日有兩三段時間俾啲狗仔出去戶外行吓。

      刪除