2018年1月13日 星期六

2018 信州之行

 老套都要說 「光陰似箭, 日月如梭」
不經不覺女兒已經去了日本差不多三年, 今年三月畢業, 為了參加畢業典禮所以要在三月中出發, 順道到附近的長野.

早前上網 check 機票, 原本都想搭傳統的航空公司, 不過機票日數一過八天, 甚麼優惠減價已經沒有了, 而且回程剛好在今年的復活清明假後當然更沒有平, 兩張機票要一萬以上, 以 cheap 精的我一定不會買, 個多星期前 UO做特價於是急不及待上去買, 結果甩轆老貓燒鬚竟然給了 double錢, 事緣一時貪快拎起一張信用卡付款, 但是不記得那張卡沒有登記手提電話號碼, 到輸入密碼時才如夢初醒再找另一張卡重覆再買, 結果之後在 email 才得知第一張卡就是沒有輸入密碼但交易都可以成立, 結果那晚花了差不多一個小時才打通電話要求退款, 在機票的內容完全一樣的情況下退款沒有問題, 但始終信用卡還是要繳款, 等將來 refund 有credit 才慢慢扣數, 不過總比沒有退款要過萬但是坐廉航那麼戇居就是了.

因為今次要遷就畢業禮的關係, 這次的時間和上次到東北一樣也頗為尷尬, 而且長野地方是山區可能還有雪, 上高地未開山不用奢望, 但最想去的白馬是十五十六, 回程可能取道山梨縣回東京但還在考慮中.


26 則留言:

  1. 機票一過八天就無特價,呢次東京一星期票我坐CX都係二千九未計稅平過ANA
    大小姐又想去富士山,想去搵僧你教遺跡定去搵失落了的樂園, 富士週邊好似靈氣都幾高😆 去山梨定靜岡睇富士? 會唔會又住果間靜英英酒店😃

    回覆刪除
    回覆
    1. 啲機票叫七日鮮,有啲航空公司可以留八日七夜,有啲浄係俾你七日。
      我搵過晒國泰要七千,最平港航都過萬,如果留15日港航可以買到三千幾一個人不過我地唔夠時間。
      因為想去淺間公園睇富士,但係主要係去御殿場,所以會住御殿場,不過唔知三月睇唔睇到富士,之前三月去係睇唔到既:(

      刪除
    2. 國泰係七千一個人,兩個人要萬四比去米蘭機票仲貴!

      刪除
    3. 新倉山浅間公園如果上午到影富士山我覺得會比較順光, 住御殿場應該人氣多過靈氣 :P

      刪除
    4. 新倉山浅間公園第一次喺J少度見已經鍾意http://www.maisiejackson.com/2017/12/day-8.html
      跟住你又有去覺得呢個地方好值得去,不過都係唔知三月情況係點.

      刪除
    5. 睇富士山有乜好擔心, 話唔定你又影到笠雲富士呢, 喺山梨縣淺間神社原來有幾間, 記得係新倉山浅間公園就無錯, 果條樓梯長到無得頂, 行到上去即係你仲後生, 不過要小心很窄縣道, 我就係在此老貓燒鬚 :(

      刪除
    6. 之前試過喺三月去富士,嗰嚿唔係笠雲係冚雲,成個富士山唔見咗,所以唔知係唔好彩定係嗰個季節根本睇唔到富士山,如果係季節既話就慳番唔去咯。
      哈哈,我好想知道老貓點燒鬚XDDD

      刪除
    7. 祝大小姐一家身體健康!

      刪除
    8. 多謝,t先生!
      我都祝你新年進步!身體健康!萬事如意!心想事成!

      刪除
  2. 我都係3月飛,係上年UO promo時買落嘅舖麈飛;問心對UO冇乜好投訴,食得咸魚抵得渴,買飛嗰陣已經計算埋風險啦!
    話時話點都好過啲貴婦,搭嗰陣就天下無敵,一搭番傳統航空就扮失憶,肆意狂插搭廉航嘅又乜又七吖 ... BTW 我cheap我認,只要時間啱,廉航絕對係考慮之列 👍🏻

    回覆刪除
    回覆
    1. 我覺得而家買傳統航空勁貴,記得以前係一個實價,旺季會加幾多,加長日數加幾多,但係而家上網係班班機唔同價,有時真係覺得情願坐廉航慳番啲錢用喺其他地方,唔C服都係幾粒鐘啫。

      刪除
  3. 我就咩機都無所謂,最緊要啱時間同有得去。我又要等一排先有得去嘞T_T

    回覆刪除
    回覆
    1. 輝哥你成日唔聲唔聲又快閃幾日XD

      刪除
  4. JAL以前D基本票係可以停留十日,唔知宜家仲係唔係?!
    2016年橫誇聖誕國泰張CHEAP飛居然可以停留14日十分少有,可惜我去唔到咁多日
    香港航空有無望過? (不過都係一過7日就..)
    呢兩年真係好愛坐,傳統公司廉航價XD 做promotion時d價真係砌低晒d廉航
    成日都覺得好Funny ~香港航空同hkexpress明明姊妹公司但係又打對台,完全唔理解咩玩法

    回覆刪除
    回覆
    1. 以前成日都坐JAL,只要加一啲錢就可以買多一張內陸機票同加到18日,連兩晚酒店都係一個人四千幾兼可以換埋坐國泰。
      香港航空如果十五日三千但係十八日就五千幾六千一個人。

      刪除
    2. 更正,香港航空係三千幾,兩個人7千鬆啲,原本15日都可以。
      不過因為要去畢業禮所以預早咗兩日到,而畢業禮後個女唔可以即刻去玩因為學校仲有啲野,所以我地到咗差不多要成個星期後至可以起行,而家18日都好緊,15日既話根本唔夠XD

      刪除
    3. 宜家JAL少左好多呢D promotion,我好記得災難之後果幾年,JAL年年起碼有三幾次呢類promotion,張機票三千有找另加$500可飛內陸! 講真如果JAL肯做呢D promotion,我願意俾多少少錢捨棄香港航空XD

      BTW 香港航空三千幾可以飛15日個價其實都算幾屈機,不過如果去到咁多日旅行的話我未必揀日本…XD

      刪除
    4. 嘻嘻,我同你地去日本有啲唔同,未來可能會越去越長添 :P

      刪除
    5. 我覺得你地係當日本係半退休之地,我同老公講過,退休去日本一住住幾個月果種,因為日本消費平過香港...

      刪除
    6. 所以我有個心願係有機會喺京都住一個月每日逐個逐個寺去行 :D

      刪除
  5. 嘩,比多兩張機票錢,真係嚇到出汗呀!

    回覆刪除
    回覆
    1. 師公,好在退款出奇地順利,隔咗幾日已經在信用卡退番錢。

      刪除
  6. 復活節我喺京都, 有無機會meet?
    今年復活節廉航都好貴啊!!!!

    回覆刪除
    回覆
    1. 有機會,你坐車去長野meet 我地咪得XDDD
      所以廉航都唔係日日廉!

      刪除