二O一九年十二月六日 (大雪)
由帯広到旭川同樣因為無火車 pass 的關係需要買車票, 不過原來有一段鐵路之前因為打風打爛了, 坐火車的話也要下車轉一段巴士再轉火車, 麻煩不特止車費也貴, 所以坐巴士最直接, 車費都是三千多円, 於是選擇坐 0805-1215 的高速巴士旭川駅前行.
記得上次在帯広站是沒有地方吃早餐要食乾糧, 今次也不例外所以昨晚已經買定麵包和飲品.
離開帯広不久下大雪, 巴士中途停了南富良野道之駅給乘客下車去洗手間, 沿途停站不多.
沿途視野都是模模糊糊.
到達旭川站前十五分鐘突然流鼻血, 手忙腳亂之下下了車, 見天氣還是很差加上不舒服, 旭山動物園的行程還是取消.
與 2012年的旭川站比較改變了很多, 當時仍然是地盤的地方已經建成酒店和商場.
 |
| 2012年 10月 |
Check in 放低行李後到附近吃午飯, 沒有特別食店一定要食, 深信在旭川無論進那一間拉麵店都會好吃, 結果去了車站附近的山頭火.
原來分店遍佈全世界, 連香港也有.
可能過了午飯時間店內食客不多.
之後再在附近逛逛, 但是雪下得越來越大, 於是返回酒店商場.
晚飯也在商場裡, 所以今次去旭川根本沒有去甚麼景點, 只是期望明天去美瑛天氣好轉, 因為白雪的美瑛是期待的.
第一次去旭川市都係白茫茫一片, 連馬路上標記都見唔到. 果次去旭川都係2012年, 有行經旭川站到果條購物街, 最記得喺一間鞋鋪個老闆因鞋墊攞錯比客人罵個十零歲伙記.
回覆刪除哈哈, 睇番 t先生2012年旭川啲相, 我呢次都係小巫見大巫 :D
刪除印象行過外面的街道好似冇乜舖頭開門, 只係咖啡店同食肆有開.
2012年是第一次去北海道仲要係雪駕, 揸架雖然有四驅但超齋嘅瘋甜房車, 無 data sim又無 wifi 旦, 電話好似無漫游, 真係有意外就大O樂, 揸住本旅遊書就上路, 全程是靠網上找到 mapcode 帶路, 仲記得攞車想去帶廣食個元祖豚肉飯, 因為車個 gps 無咗顯示, 到冠占出咗IC, 停喺料金所旁問點様上番去带廣, 好彩用筆用紙撘夠, 不過最後無去而去咗幸福駅後去十勝川.
刪除睇日本天氣報告, 旭川算係北道其中一個大雪嘅地方, 當然還有斜里等等, 反而釧路就比較少雪.
前星期買咗 Z-6 kit, 都幾細部, 枝鏡個摩打真係好靜拍 movie 都幾好. 呢幾日美股又唔生性, 無咗兩部 D6 :(
刪除2012年我與你去北海道時間都係相差兩個月但係天氣已經唔同晒, 我地一直都係用車既GPS又冇出過問題, 不過而家有時連 mapcode 都唔用直接入地址一定準, 同埋阿女用日本電信局好多時我地啲上網卡冇訊號佢都有又打到電話, 所以放心好多.
刪除睇番你去幸福駅啲相, 有啲後悔嗰日咁多時間都唔去一去睇吓白雪既幸福駅.
唔緊要喎 D6 好似香港都未有得賣, 美股可能會反彈呢 :D
刪除哈哈，相信十個有九個去旭川嘅旅客都會住呢間 JR Inn，喺正車站旁仲要喺 Aeon 樓上，好好行，尤其是冬天，凍到根本唔想出酒店只想 shopping 😆
回覆刪除如果唔係揸車我都盡量搵近住車站附近，最好係車站上蓋添。
刪除而家越黎越覺得拉住件行李好辛苦，都唔記得當年點可以湊住阿女去仲要拎鬼咁多嘢，所以好佩服你可以湊住兩個女去旅行。
我只可以湊ㄧ個去旅行，湊兩個果次係有埋 2 個姑姐同嫲嫲去㗎 😛
刪除以前後生嘛，我記得拍拖時期去旅行，我ㄧ個人可以推個中喼再孭兩個紅白藍咁大嘅袋㗎 ! 而家，行多步路都好鬼攰 😅
我而家都係行多步路都好攰, 所以每次旅行推住個喼行都覺得辛苦.
刪除