之後、沒有車的日子！

 上星期終於將用了十九年的老爺車賣掉, 連同陪伴超過卅年的車牌 EN3488也一起放棄.

因為近年用車的機會越來越少, 大多數是帶茶仔出去或是到商場購物, 而車子也開始出現毛病, 維修的話好像不很化算, 加上老爺車保險也很和味, 還有加了牌費要養架車都有少少吃力. 要再買車的話就留待女兒, 所以車位還是保留著. 

其實用得最多車的時候是由女兒出世至中學畢業, BB時期有車真是很大幫忙, 至少大袋細袋乘坐公共交通工具是吃力的, 跟著女兒讀書時期都是在跑馬地, 早上乘校車是最早那批, 所以返學都是坐自己車, 那時真是可以用盡, 在家出發先到跑馬地再到金鐘然後老公辦公地點在灣仔, 假日又會帶女兒周圍玩. 隨著女兒畢業, 我們兩人的辦公室同是搬到鰂魚涌之後, 車子用量減少, 上次三菱 Lancer 10年左右超過 10萬km, 這部用了 19年也只行了6萬多.

臨別秋波, 賣仔勿摸頭, 但總要影低來日後回味回味.

2004年出廠, 2004 - 2023 用了19年.

1976年出廠, 1985年賣車, 買時是二手車, 忘記用了幾多年, 賣時最不捨得是車牌.

1984年出廠, 1989 - 1994 用了5 年也是二手車.

記得那年行過一間二手車行見到, 那時是老公其中一架 dream car, 價錢相宜, 左計右計應該養得起.

回來車牌是 EB5962.

後來朋友給了 EN3488, 換車都是套牌沿用到現在, 所以更不捨得.

每架車回來除了車軨外都會改多少, 例如避震, 也會加四條 bar, 他說穩妥一點 !

1994年出廠, 1994- 2004 用了10年.

原本諗住無咁快換車, 那年農曆新年初一到海怡拜年回家, 在堅拿道天橋上因有車突然切線, 我地停到但後面給叔仔那架 civic 撞尾, 跟住原來後面七車串燒, 車尾凹了, 盤算著整唔整好, 年初二已經有朋友出三千買架爛車, 年假完畢到金鐘睇車遇到同事問去那裏, 答佢去買車, 嘻嘻, 好似去買菜 !

原裝車, 這車後來改了很多, 是揸過咁多架俾人撩得最多, 啲車最鍾意在東廊撩你, 搞得最多, 很多人鍾意劃架車, 曾經有人喺車頭冚寫一個粗口字, 那次是停在九龍農甫道的正當咪錶位, 甚至在自己的車位也給人偷了天窗擋.

有人身痕將車改裝, 不過唔好話石壆, 連出入停車場都有問題, 結果不用一星期便要還原, 哈 !

唔知點解這車影相不多, 在換車臨交車前才匆匆找個地方影相, 所以車牌已經換了.

最後, 拜拜 ! 👋👋 

男人最痛 !

16.26 廣島 ~ 萬事得博物館 > 鳥取