上星期終於將用了十九年的老爺車賣掉, 連同陪伴超過卅年的車牌 EN3488也一起放棄.
因為近年用車的機會越來越少, 大多數是帶茶仔出去或是到商場購物, 而車子也開始出現毛病, 維修的話好像不很化算, 加上老爺車保險也很和味, 還有加了牌費要養架車都有少少吃力. 要再買車的話就留待女兒, 所以車位還是保留著.
其實用得最多車的時候是由女兒出世至中學畢業, BB時期有車真是很大幫忙, 至少大袋細袋乘坐公共交通工具是吃力的, 跟著女兒讀書時期都是在跑馬地, 早上乘校車是最早那批, 所以返學都是坐自己車, 那時真是可以用盡, 在家出發先到跑馬地再到金鐘然後老公辦公地點在灣仔, 假日又會帶女兒周圍玩. 隨著女兒畢業, 我們兩人的辦公室同是搬到鰂魚涌之後, 車子用量減少, 上次三菱 Lancer 10年左右超過 10萬km, 這部用了 19年也只行了6萬多.
2004年出廠, 2004 - 2023 用了19年.
1976年出廠, 1985年賣車, 買時是二手車, 忘記用了幾多年, 賣時最不捨得是車牌.
1984年出廠, 1989 - 1994 用了5 年也是二手車.
記得那年行過一間二手車行見到, 那時是老公其中一架 dream car, 價錢相宜, 左計右計應該養得起.
回來車牌是 EB5962.
後來朋友給了 EN3488, 換車都是套牌沿用到現在, 所以更不捨得.
每架車回來除了車軨外都會改多少, 例如避震, 也會加四條 bar, 他說穩妥一點 !
1994年出廠, 1994- 2004 用了10年.
原本諗住無咁快換車, 那年農曆新年初一到海怡拜年回家, 在堅拿道天橋上因有車突然切線, 我地停到但後面給叔仔那架 civic 撞尾, 跟住原來後面七車串燒, 車尾凹了, 盤算著整唔整好, 年初二已經有朋友出三千買架爛車, 年假完畢到金鐘睇車遇到同事問去那裏, 答佢去買車, 嘻嘻, 好似去買菜 !
原裝車, 這車後來改了很多, 是揸過咁多架俾人撩得最多, 啲車最鍾意在東廊撩你, 搞得最多, 很多人鍾意劃架車, 曾經有人喺車頭冚寫一個粗口字, 那次是停在九龍農甫道的正當咪錶位, 甚至在自己的車位也給人偷了天窗擋.
有人身痕將車改裝, 不過唔好話石壆, 連出入停車場都有問題, 結果不用一星期便要還原, 哈 !
熱情随着年紀慢慢冷却,相信是人生必經的一環。E家坐兩蚊車當然最實際,車位又可租三四千,白色果架好正喎,仲用埋闊軚,果時興電鍍窗框,E家要 option加錢。你老公都好花$喺車度,BBS車軨 八九十年代好 hit
回覆刪除係呀,搭車平同停車場收費越來越貴,再者又成日抄牌,加埋隧道易通行,好多人都話麻煩多多,所以都係搭公共交通工具最好。
刪除以前買架車返黎就日諗夜諗點樣加嘢,所以咪洗咗好多寃枉錢囉 😭
刪除白色嗰架而家睇番似足一架老爺車🤣
香港交通方便,養車好貴,我哋架新車用咗5年半,賣出去只淨返1/4價錢,日常洗費又貴,搭的士好過!
回覆刪除係呀,而家養架車真係好貴,尤其係啲油錢,但係冇車之後帶茶仔出街就麻煩啲,始終香港唔係一個對寵物友善既地方,我地嗰區截的士都難,所以茶仔去遠地方玩就少咗。
刪除香港養車真係好貴.........我老公仲要日日渣車返工,但如果坐公交返工,門口對門口(馬鞍山去荃灣西附近)分分鐘個半鐘,來回差不多三個鐘,唯有當用錢買時間...
回覆刪除一部車用19年好厲害,雖然我懷疑我地都果部未來都會用好耐XD
刪除有時候方便最緊要,好似阿女返學時我地都係持續車佢就係想佢唔駛倒塔
刪除我地部車可以用19年可能係用得少既關係,尤其係近幾年幾乎都係短途,連過海都少。
刪除