實在太耐太耐沒有飛啦，由到達香港機場的一刻已經好像一個白痴一樣，記得 2023年飛東京那次坐商務艙，check in 完全 💯% service 不用自己動手，今次坐亷航還要是 UO，當然一切都是自助形式，幸好是與阿女同行，她的熟練簡直叫我目瞪口呆，如果下次與老公一起，我不敢想像光是 check in 要花多少時間！
買機票時意識唔到坐七點半左右的航班需要差不多四點開始便要出發，又是一次太久沒飛的生疏，預約四點接我們的的士，由東區至機場不用45分鐘，還有一切入閘過程都是人面識別，已經唔輪到說私隱不私隱！
二O二六年五月二十八日 （陰）
晨早的候機大堂就是清靜。
今次是第三次到福岡，機場有些地方沒變，例如下面那一個公仔，但太多地方變得厲害！
還有和一個日文完全流利的到日本簡直不用費心，我們班機是 12點到福岡，為免有甚麽阻滯所以買了三點鐘左右的巴士班次，但完成所有出閘時竟然只是十二時半左右，換了以前只有在機場遊遊蕩蕩殺時間，但阿女二話不說和巴士櫃檯的人溝通，結果我們便坐上 12:38 開出的班次往由布院。
自從疫症後阿女選擇酒店有些𧫴慎，記得以前房內要有厠所外，沖涼到大浴場她都沒有所謂，但今次她堅持房一定要有衞浴，要知由布院很多旅館都只有廁所沒浴室除非房內附設風呂，但這些不是我們要住的，所以都找了好幾間符合預算又有一泊二食的條件實在不多。
由布院俱樂部 ～ 晚飯時見到的盡是日本人，所以吃得很舒服，第二天早餐約了九點，雖然是自助形式但只有一至兩檯客所以也很舒服！
*** 話說現在越來越沒有動力去更新網誌，一方面沒有旅行日誌，也不是因為懶，而是現在更新太麻煩，因為部 desktop 處於彌留階段根本用不到，至於用開的 iPad 不知為何 upload 唔到相片只有電話可以用，但電話又嫌畫面太細不好用，iPad 的相片要轉移到電話用，但電話是 Sony 不可以用 Air drop 轉移，結果唯有將相片放進 FB，電話再將相片upload 到網誌，so trouble!
另一方面處理留言也一樣，從 iPad 留言是沒有圖像而電話才有，而年紀越大看電話需要眼鏡，唉，總之現在的科技是不是太先進，在我看來是越來越麻煩咯！
從酒店外望，可惜由布岳在另一方！
 |
我諗唔係你白痴咗嘅，只係太耐冇飛之餘，今次唔洗你 plan 冇做功課，依賴咗阿女啫，不過間中放空只跟住去玩都好吖
回覆刪除壞電腦真係好煩又慘嘅一件事，買又唔係唔買又唔係，但唔寫啲回憶就冇得記錄下來了，可唔可以買部平價 notebook 用呀？
唔駛 plan 去玩真係好爽呀！
刪除其實我仲有部 notebook, 不過唔鍾意用個 keyboard , 不過到用無可用都要拎番出來用.
復常後機場運作改變咗好多，飛多幾次就會熟習個流程，唔只香港世界各地機場好多都用自助式，宜家e-道都已經有人面識別，就算唔work仲有非觸式e-道掃QR code 衰D講句唔記得帶身份証都出到境。
回覆刪除曾經有個電腦維修員同我講電腦要經常用，唔用仲容易壞。Notebook 可以插個外置keyboard 嚟用。
用ipad平板但用sony電話都幾唔match，我用iphone宜家去旅行影相只用電話，D相直上icloud再upload 上屋企電腦好方便。
而家用電話好唔鍾意成要 download 啲乜app物app,搞到電話成日話儲存量不足, 換電話又麻煩, 所以好多嘢我會儲入 ipad度, 但係又冇理由拎住個 ipad 四圍走.
刪除總之而家咩都人面識別覺得成日俾人監視住既感覺好唔自在, 或者真係好似你話咁慢慢會習慣, 因為全世界已經係咁😥