2013年3月31日 星期日

十劃應該有一撇

2007 年去完北九州之後, 一直想再去一次九州, 因為太想去睇櫻島火山, 日南, 還有緣慳一面的阿蘇.

自從北海道回來後便一直構想, 但是很多行程想不通, 九州一定會租車, 因為上次花在往復的時間太多, 今次預算會再到廣島一轉, 因為司機要去"萬事得"的總壇朝聖, 還有上次遺留的岩國, 問題就在司機不想揸那麼多天, 加上如果福岡拿車廣島還車的話, 那麼one way charges 一定很"融", 已經沒有計算買路錢, 但是如果兩三日買JR pass 又不怎樣化算, 終於在昨天看到 blog 友的京都網誌內的紅葉而動起心來, 決定買四天的山陽 JR pass 由博多經廣島再上京都, 大致行程也決定了.


第一日 :   香港 >> 福岡
第二日 至 第十日 : 九州
第十一日 :   博多 >> 廣島
第十二, 十三日 : 廣島, 岩國
第十四日 :   廣島 >> 京都
第十五日 :   京都
第十六日 :   大阪 >> 東京
第十七 至 十九日 :     富士五湖
第二十日 至 二十四日 :    東京
第二十五日 : 東京 >> 香港

九州的行程目前正在參考其他的blog, 待五月目前這份 contract 約滿後會有多些時間, 到時訂到幾時便幾時出發, 預算會是十月尾至十一月.

10 則留言:

  1. 一撇就25日,哩啲咪叫唔駛做囉
    [版主回覆04/05/2013 21:00:51]我啲人一離開香港就咩都唔記得, 或者今次會掛住個女同隻狗.
    [路過蜻蜓回覆04/05/2013 15:39:39]我試過28日, 不過玩到尾真係思鄉, 哈哈
    [版主回覆04/02/2013 12:48:22]哈哈, 我嗰種機票最長去到30日咋, 有時間就去長啲, 唔駛搭咁多次飛機.

    回覆刪除
  2. 25日睇怕要等退休先得,就算我可以提早退,老公都唔得,要搵旅費嘛
    但如果我有得去25日的話,我又未必會選日本,可能會選遠D e.g. 歐洲,日本機程短可以斬件分幾次去都唔會好辛苦,歐洲下下坐十幾個鐘頂唔順,25日可以坐一次去多幾個國家都得
    [版主回覆04/02/2013 21:03:31]春天通常都係雨水多d, 不過睇到櫻花就咩都唔記得晒lu, 我都好想睇一次燦爛既櫻花, 唔好成日睇埋d 頭頭尾尾, 不過你識得去邊度睇, 我就好多時去到都唔知邊笪最靚.
    [3J 家庭回覆04/02/2013 14:00:19]尋晚返...全程只得兩日有太陽,其餘陰天同有雨 (陰天多D),不過又唔影響得好大
    最緊要一D重要景點係好天,一日好天係坐ropeway上穗高,個朝上到展望台仲睇到雲海,超正...
    另一日好天係尋日,有半日响名古屋睇櫻花,又係好正...
    遲D搞掂D相,或者先出個簡報先
    有親戚响嗰邊仲好喇,有地方住,玩耐D都得
    [版主回覆04/02/2013 13:08:15]哈囉, 返咗黎? 天氣好唔好?
    歐洲後生時唔識死去過幾次, 同埋太長途機而家有啲怕怕, 如果真係去的話就好似你咁話老公要退埋休先得, 因為她妹妹住在米蘭, 連我個女都去咗兩次歐洲, 佢就從未衝出亞洲, 去的話我諗起碼兩個月

    回覆刪除
  3. 廿五日!羨慕中
    [11回覆04/02/2013 21:41:55]只不過一次冇咁多假,除非唔撈
    [版主回覆04/02/2013 21:07:03]其實我嗰25日都冇你地成年加埋去咁多, 只不過一年飛一次慳番逐次既機票錢.

    回覆刪除
  4. 嘩 ~ 繼上次 18 天,今次有 25 天 !
    [版主回覆04/03/2013 13:17:29]18日係平時買機票既上限, 再長就會好貴, 但今次係redeem可以去到30日, 見到有時間, 屋企又放得低咪去耐d, 盡量慢慢去行.

    回覆刪除
  5. 25天!
    [版主回覆04/03/2013 13:29:18]我就係想每個地方停留耐d, hea 住咁玩, 所以選擇拉長d 日子.
    歐洲最好都係五六月, 日照長又唔係咁熱.
    我都冇咩計劃要睇d 特別祭典, 因為如果有就人多, 都係隨遇而安, 剛好遇到就去睇吓.
    [KITTY回覆04/03/2013 09:35:02]我12月都有假期, 但勁愁唔知去邊好

    回覆刪除
  6. 嘩.......正呀..........京都紅葉在11月尾,而九州就再遲d!!!
    [版主回覆04/04/2013 15:48:37]哎呀, 京都紅葉要11月尾, 九州仲再遲d , 我仲諗住十月尾十一月頭去添, 因為十二月就去唔到?

    回覆刪除
  7. 非常特特特特級羨慕中!!!!!!!
    [版主回覆04/05/2013 12:47:42]唔駛羨慕喎, 我只不過將你一年去幾次group 埋一次過去咋.

    回覆刪除
  8. 嘩嘩嘩..........去25日.......我都想呀!
    勁羨慕!
    [版主回覆04/05/2013 12:50:05]因為次次去都好似唔夠喉咁, 所以今次有時間咪去耐d.

    回覆刪除
  9. 嘩, 25日....
    [版主回覆04/05/2013 20:57:30]同你復活節去一次, 暑假去一次, 國慶去一次加埋都多過25日噃

    回覆刪除
  10. 25日 ? 真係勁到爆 , 佩服 (兼羨慕) 得五體投地 .
    [版主回覆04/06/2013 15:01:19]好多年前已經想去廿幾日, 不過買既機票去到盡都係十八日, 今次redeem就可以長d, 希望d 円更低低低啲, 咁樣咁多日既住宿都可以平啲.

    回覆刪除