二O一五年六月十九日 (晴)
選擇出遊東北最大的目的是很想看看奈良美智的兩隻狗 ~ 青森犬和弘前犬.
一直去旅行最大興趣是逛博物館與美術館, 喜歡看的是歷史古蹟, 尤其喜歡頹門敗瓦, 不過與家人一起不能盡是去那些地方, 也要選擇一些他們想去的, 所以今次一人出遊盡量滿足自己的興趣.
買了JR東日本火車証, 預算乘搭的班次全部都劃到指定席, 今天開始從東京北上, 本來也想買駅弁試試, 但是太早的緣故實在吃不下飯還是吃三文治適合.
東京往新青森也需三小時,
東京站, 坐在新幹線的車廂內感受那種速度感不會太明顯, 有幾次在其他站等車期間, 另一部列車通過, 雖然已經隔著一條軌道也感到那種震撼感, 我喜歡那種感覺.
新青森站 (2010年夏天經過還沒有開通), 在這裡轉乘巴士到青森縣立美術館.
前往函館的列車, 聽說北海道新幹線將於明年三月開通, 心癢癢地想再一次坐車上北海道, 之前2002年花了差不多十二小時轉了三次車才到達札幌.
青森縣立美術館
牆上有兩顆眼睛一個X.
原來是 Miffy 展覽.
美術館內不可攝影, 但在戶外途經拍下唯一的一幅 :P
終於見到我的最愛, 這個表情就是茶々對著牠的狗糧誓願一模一樣.
離開美術館徒步前往三內丸山遺跡, 其實已經來過, 不過因為距離下班車的時間還有很多, 再去一次也無妨.
天氣比上次來時好很多.
你應該放一張"茶々對著牠的狗糧誓願"相片對照一下嘛!!
回覆刪除顧住鬧佢唔食嘢都唔會記得影相 ~X(
刪除讚成蜻蜓既建議 ^_~
刪除一於後補“茶々vs狗糧”照睇吓 XD
冇“茶々vs狗糧”既相, 因為通常都係樣衰冇影到.
刪除Miffy展!!! 唔知年尾仲有無呢？
回覆刪除九月休館到出年三月╮(╯_╰)╭
刪除輝哥原來你對Miffy 咁有興趣，知道幫你買啲限量紀念品啦，𠴱度好多Miffy嘢，啲人妻買到停唔到手，一籃籃咁買。
刪除今年60周年，前一轉去咗銀座松屋嘅展覽，已經出咗血嘞。
刪除係呀，好鐘意miffy同Dick Bruna其他作品。簡單、純潔。去荷蘭我特登去utrecht睇佢museum㗎。
睇番原來展期好似到7月20號咋, 我都唔知 Miffy 咁有來頭, 知道影多幾張相啦 :P
刪除荷蘭國寶咁滯啦！不過日本人好叻，同姆明一樣，比原產國更火熱。
刪除外國啲公仔除咗廸廸尼之外好多都以為係日本產物.
刪除出奇地MIFFY呢隻COME FM 荷蘭的物體在日本都幾受歡迎~皆日我老公掃左好多miffy product XDD
回覆刪除我仲以為 Miffy 係日本本土既產品 :P
刪除我咁大個人從未坐過子彈車, 真係大鄉里, 睇圖案就唔知綠色果架係乜, 叧外果架三隻雀係朱䴉.
回覆刪除至於藝術, 我真係識條鐡 :D
t先生，有我倍你做大鄉里呀。
刪除你地自駕冇坐過子彈車唔出奇吖, 我知道有位仁兄成日日本週圍去都話未坐過.
刪除t先生揸車應該快過新幹線。
刪除t 先生揸車係極速傳說 :))
刪除咁開車已經快過新幹線又無理仲坐新幹綠嘅。
刪除作者已經移除這則留言。
刪除你地錯哂, 至今日所見嘅 blog, 記錄保持者應該係小姐所駕駛 1.8 Prius
刪除如果你地有機會非假日由日出康城出九龍都要小心, 果D泥鬼簡直當條路得佢一架車行緊
刪除泥頭法拉利，我都經常見識。
刪除最誇張係裝滿野，滴哂水，左cut右cut，條路冇人敢行。
小姐簡直係女車神 XD
刪除通常見到呢啲法拉利一係快啲過咗佢, 一係放慢架車等其他車攝入黎, 如果唔係返屋企架車有排抺, 好彩東廊所見唔多.
刪除泥頭法拉利冇得避，佢地失驚無神cut去你前面“放水”，跟著就踩油走了。
刪除你架車就變成泥鴨 << t先生術語。
如果架車變成泥鴨, 就會聽到好多蝦蟹 =))
刪除:D
刪除https://www.youtube.com/watch?v=EPX9Okq5Z-g&feature=youtu.be
喺前面真係避無可避 >_<
刪除[本來也想買駅弁試試, 但是太早的緣故實在吃不下飯還是吃三文治適合.]
回覆刪除你班車開0820，都唔算好早吖？平時你在酒店食早餐都唔會遲過呢個時間掛？
早餐甚至午餐我都好少食飯, 成日見到人話駅弁好食本來想買來食, 但係買嗰時見到盒飯咁大盒無謂食兩啖唔食咁o徙.
刪除[前往函館的列車, 聽說北海道新幹線將於明年三月開通, 心癢癢地想再一次坐車上北海道]
回覆刪除知喇，你呢個係借口黎啫。
俾師公你睇穿添:P , 本來今年年尾打算去北海道, 不過更加想去四國, 於是就同人講明年三月可以坐車上北海道不如去咗四國先咁咪得米囉 >:)
刪除喂，去到新函館咋喎，到札幌要等多十五年。+_+
刪除乜唔係會到札幌咩? 咁咪報錯料囉, 好彩佢唔知啫, 去咗四國就神仙 ::mm2065
刪除你冇報錯，你話北海道啫。
刪除函館再坐SUPER白鳥（？）上去，都好快啫。
我等唔切佢開通啦!!
刪除11月走一轉函館＞青森先
如果真係坐車上北海道都會預算喺青森中途停留一至兩日再北上, 不過十劃都未有一撇, 而家都係搞咗四國先.
刪除唔該晒 Mandy 你個 Map code list.
コーさん, SUPER白鳥會快啲? 之前由函館上札幌要坐三粒鐘.
刪除我好耐無撘，已忘記白鳥是去青森or札幌，應該都要三小時。
刪除白鳥係青森去函館, 今次都搭咗由新青森去青森一個站咁多 :P
刪除Nerissa, 咁你有無白烏號資訊呀, 知唔知青森去函館幾錢呀, 即時購票還是網上先購票??
刪除咁即係去札幌係北斗啦，好似係，十年無撘過了。。
刪除Mandy, ekikara.jp 可以check normal fare。
コーさん, 唔該哂, 謝謝你喔, 等我入去睇睇先 ^^
刪除"ＪＲ特急スーパー白鳥 1時間53分, 運賃：4,970円"
刪除唔知係咪指定席,即時購票我諗都得, 因為一日都有7,8班, 密的話一小時一班, 最多隔兩個鐘.
明白, Thanks Nerissa ^^
刪除唔駛客氣 :)
刪除茶々唔like牠的狗糧？係唔係你比過D好野比佢食過呀？
回覆刪除佢乜都乖就係食野冇晒符.
刪除我冇俾其他野佢食過, 細個食香港既牌子食食吓直情唔肯食, 而家都專登買日本嗰啲好似出前一丁味既連新鮮雞肉俾佢食佢就淨係揀雞肉食.
唉。咁唔得架喎。
刪除你教既方法已經試過晒, 唔俾零食, 日夜都俾番嗰兜糧, 佢都係聞吓就行開, 吹佢唔脹 ~X(
刪除持久戰vs茶々
刪除養狗其實同養人差不多都係考耐性.
刪除最慘係狗仔比人更堅持, 好有性格架, 係唔食就唔食
刪除我以前隻狗仔，如果我過雞肉，牛肉，牛奶等野佢食。跟住嗰餐佢就聞下就唔食。但我就會哦佢，話佢，仲一定唔會比其他野佢食。餓佢兩餐佢都係好唔情願咁逐粒逐粒食，嗰時真係睇見都比佢激死架。但始終都會食囉。
刪除後來我都仍會耐唔中會比狗糧以外既野比佢食，但食之前就同佢講一輪，話比佢知佢如果唔食狗糧，以後就會呢D野食，直至佢kiss我為止我先至比佢食。真係work喎。
我果隻就好似氹細路咁, 仲要比人寵壞, 邊捨得餓佢丫
刪除一樣, 茶々就係一隻被寵壞既狗, 冇符 ::mm2414
刪除我同個女成日都話佢係一隻擦鞋狗, 識得睇人黎蝦.
我果隻都係睇人黎蝦, 激死 >_<!!
刪除Mandy, 你隻狗仔幾歲? 仔定女? 好少見你講.
刪除仔仔, 前年不在了
刪除Sorry !
刪除唔梗要, 傷痛已經過咗啦, 依家諗起的全都是他帶給我們的歡樂 ^^
刪除對, 雖然走了, 但歡樂是不會帶走的.
刪除我都試過o係月台等車期間，有另一部列車通過，快到好像只用了 2、3 秒就擦過了一樣，快到一陣風咁，都望唔到係咩樣的 ::_359
回覆刪除如果唔係隔咗一條 track, 我諗人都企唔穩 :))
刪除真係好驚㗎，魂魄都俾佢扯走咁。
刪除但係我又好鍾意𠴱種感覺，好似有啲變態咁 :P
刪除