2014年5月5日 星期一

16.34 富士之行 ( 6 ) ~ 絕景。西湖、四合目、本栖湖


二O一三年十一月十七日 ~ 第二十一日 (晴)

昨晚原本打算天黑前到達酒店, 不過人算不如天算, 在河口湖的車大打"困籠", 走出河口湖時天已經全黑, 因為今晚住的酒店在富士ヶ嶺, 看地圖是要穿過青木原樹海中的道路, 一直沒有講過酒店所在希望可以專心揸車, 日本夜間道路已經很少路燈, 尤其是山路, 所以一定要開高燈行車, 高燈照在遠遠的樹, 真是有些怕人, 雖然路上也有其他車, 但偏偏一路上我們都是頭車, 至第二天才敢說出昨晚行的是甚麼路.

第二天第一站是紅葉展望台 レストハウス, 不過原來上那裡的路活像一條越野賽道, 如果是四驅車的話肯定過癮, 不過以普通車來說就不是味兒, 行了一會已經想掉頭走, 因為不知之後的路會不會更惡劣, 但是因為是單程路加上凹凸不平要掉頭也不可能, 唯有逐步逐步爬上去, 途中後面跟著一架掃帚佬想讓他先行也不可以, 結果也要跟著我們龜速上去, 還好可能早的關係對頭車不多, 不過去到看見的景致又覺得是值得.

富士 クラシックホテル, 這間酒店是今次整個旅程中最大的, 不過也是第一次晚餐在酒店內吃杯麵.

酒店入口在極遠處



這酒店賣點是每間房都可以望到富士山


酒店大堂

房間是一般


在酒店望到的富士山, 不過大背光
 紅葉展望台 レストハウス, 上到只得一間土產店, 忘記好像給百五円老闆娘便可以上樓上的展望台, 台上面是 360 度看週邊.

精進湖

西湖, 不過不記得後面的雪山是甚麼


紅葉台望出富士山

紅葉台展望台望出富士山



接著的是道の駅 なるさわ, 因為是星期日的緣故非常熱鬧, 停車場也要按指示泊車.




從道之駅望出的富士山
從有料觀景台望出的富士山



道の駅內的 なるさわ富士山博物館, 館外展示了很多天然礦石.



跟著開始上五合目, 在料金所前職員講了一大堆話, 最終問我們前去與否, 中間雖然有些不明白, 但一場來到還是要上去的.

一路望著富士山上山, 富士山越來越大

富士一合目望出的富士山


一路上一路見雪, 有點像上次北海道前往旭岳纜車站的情景, 覺得有些不妙.




到達四合目的大沢駐車場已經封了前往五合目的路, 原來職員說的是這個, 這停車場非常熱鬧, 大大小小的旅遊巴都停於此, 停車場便成為景點.






既然上不了五合目也沒有再在大沢駐車場逗留而繼續前往本栖湖, 這裡是看千円札富士的地方.

上次到本栖湖是等車到格列佛樂園, 所以沒有怎麼去行


可惜到望到千円札富士的地方富士山的山頂被雲遮了, 有些失望.

本栖湖望出的富士山


離開本栖湖的時間是二時半左右, 以為從那裡走避開了河口湖的塞車便沒有問題, 怎知上了高速公路不久便開始塞車, 車輛以慢速前進, 一路上見不到交通意外, 只是不明所以地慢行, 到達東京還車時已經過了八時, 即是由富士山返到池袋用了五個半小時, 期間連道之駅也不敢入, 因為再塞出大路更厲害, 不過有一點是在日本塞車人都不會暴躁, 因為大家都很守秩序一架跟一架, 沒有像香港塞車那樣有些車尖來尖去, 沿路上見到左右兩線的車跟著總是那幾架.

接近九時才吃的晚飯, 在 ねぎし吃牛舌, 回到東京便開始進入最後的五天倒數, 不過煩惱是那已超載的行李.



雞扒

16.33 絕景。富士 ~ 河口湖


16.35 吉祥寺 ~ 井の頭恩賜公園



56 則留言:

  1. 有無雪軚?料金所前職員係咪話積雪呀?

    ねぎし,好懷念。

    回覆刪除
    回覆
    1. 冇雪軚呀, 完全冇諗過會有雪. 料金所前職員係話五合目封路你比全費差一合目上唔到如果你覺得唔抵就無謂入去喇 :))
      唔駛懷念ねぎし你都就黎去東京, 依啲連鎖店梗有一間喺左近.

      刪除
    2. ねぎし唔係我左近,check過全部係最繁忙地區,無泊車,有都貴,我都唔入。:))

      刪除
    3. 我喺池袋見到行兩步已經有一間, 仲以為好似7仔咁度度都有, 原來淨係旺區.

      刪除
    4. 係唔係燒雞扒? 見到都流口水. 不過見你食係多肉少菜 :D

      刪除
    5. 嘻嘻!食肉獸黎架:P 喺日本食飯好少有得叫一碟炒菜嘛 :)) 咪食多啲生果補番。

      刪除
    6. ねぎし全部都駅旁,池袋、新宿、上野,揸車去唔到,第時唔自駕先去食。

      和幸反而仲有得食,佢地好多時跟AEON MALL開分店。

      刪除
    7. 和幸又係去到邊都見到, 而且價錢都好經濟, 所以每次都會食一至兩次.

      刪除
  2. 行緊國道71有無望下後後鏡睇有係唔係多左位老友 :D

    回覆刪除
    回覆
    1. 我又唔係司機, 夜媽媽行依啲路梗係唔望倒後鏡啦, 前面燈射唔到既地方都唔會睇 [-X

      刪除
    2. 大小姐, 請問從飛去九洲自駕遊如何入手? 邊處入邊處走? 謝 :)

      刪除
    3. 你想去那幾處地方?幾多日?

      刪除
    4. 九天, 亞蘇一定去, 其他唔知有乜好景點 :D

      刪除
    5. 嘻嘻, 你冇溫書哩! 我九州個 index 差不多包晒百分之七十個九州, 阿蘇喺中間, 差不多去邊都會經過.

      刪除
    6. 同邊個去都唔話你知, 唔係你好似踢爆月巴個長髮姑娘咁 ::_1553

      刪除
    7. 哈,如果t先生自己,咁就多D影相位啦。

      月巴自己po出來,仲話會分享浪漫恋愛故事嘛。:))

      刪除
    8. 不過如果我再去,呢堆名我會行:阿蘇、別府、九十九島、天草,熊本城、桜島、其他就睇下係咪順路。

      刪除
    9. 咁就最好由福岡入>九十九島>熊本>(天草係咪熊本嗰便?)>桜島>阿蘇>別府跟住福岡走

      刪除
    10. 大小姐都係長髮姑娘, 又有明星風範, 真係人見人愛, 車見車載 :D
      十月想去道東又想試下去九洲, 不過唔知係九洲點行點住, 所以要高人指點 :)
      Koosan, 天草有乜睇?






      刪除
    11. 你用道東同九州比,我諗呢度好多人揀北海道,定係你一次過去哂?

      天草係近海温泉區,有海鮮+温泉,景點記得有「天草五橋」。
      例:http://www.kumamoto-brand.jp/brand/WebEki/Shosai.aspx?brId=315

      刪除
    12. Koosan, 你地疊水就可以一 take 過, 我就明日又要堐.
      心思思想去九洲因為未去過而童年時睇電視唔記得康太定星神都有賣去鹿兒島旅行團廣告

      刪除
    13. 唔係化,我疊水?我撘LCC咋喎。:))

      九州都好玩,學大小姐去睇氣球節?

      定係好似albert先生,佢旅遊目的好專一,氣球節都影咗三日。佢D遊記相片好精彩架。
      http://goo.gl/WgySDO

      刪除
    14. e, 呢位高手影咁多靚女 :D

      刪除
    15. 係呀,初初睇有D唔慣,好似睇緊高登巴打D文。
      睇耐D,男女老少都有影,尤其高空用移軸,好好feel。

      刪除
    16. t 先生你咁講我面都紅晒 ::_364

      刪除
    17. 九州同北海道比我覺得九州揸車時間會長啲, 如果你鍾意影相日南同高千穗峽都好靚, 住就我通常住 cheap 酒店, 冇溫泉架.

      刪除
    18. 嘻嘻, 我都係講事實 ^^
      我都覺得九州揸車行國道好長, 上IC又無HEP優惠又好似幾貴, 酒店同食住我都無乜講究, 反而呢間睇日出好正
      http://www.cinqmale.co.jp/

      刪除
    19. 呢間酒店好正喎, 又唔係太貴.
      九州揸咗十日買路錢大概兩萬零円, 不過有d 租車有ETC 租就會平好多.

      刪除
  3. 記得上一次由青木原樹海行上去紅葉展望台, 天朗氣清, 但係因為多樹, 總覺得好陰森, 點知上到去四週都係樹, 睇唔到富士山之餘, 仲係完全無view, 佢係寫住紅葉展望台架, 唔通"鬼掩眼"????::cc9019

    回覆刪除
    回覆
    1. 行到紅葉台上面有間好細既土產店同埋有個停車場, 入去土產店要俾錢上展望台, 你係咪上到嗰度? 如果上嗰度已經行到氣咳喎, 問你乜都"曉" ::_2136

      刪除
    2. 你有冇相俾我認吓 ::_1561

      刪除
    3. 我估我地應該去錯左第二個紅葉台, 因為唔見有土產店, 只係爛地一塊 ::_379 , 又或者去左異度空間............

      刪除
    4. 你可能去左三湖台, 佢喺紅葉台隔離, 不過我見到好多樹冇行到入去.
      Kitty 上次有影到紅葉台 http://kittystitch626.blogspot.hk/2013/03/2012day5part-2_6460.html

      刪除
    5. 唔係啊, 佢係棟左個牌寫住紅葉台架!!

      刪除
    6. Kitty post 第四張相似唔似你去嗰度? 如果唔係.........你可能喺青木原樹海蕩失路 ::_370

      刪除
    7. 蜻蜓: 你應該真系盪失路 ~ http://koyo.walkerplus.com/detail/ar0419e12605/ 同埋 ~ http://www.vill.narusawa.yamanashi.jp/forms/info/info.aspx?info_id=7299

      刪除
    8. 問題係, 我地行到上去終點, 真係棟左個大牌標示住"紅葉台"喎, 所以印象先咁深刻 ......... ::_379 會唔會有2個紅葉台????????

      刪除
    9. 算吧喇, 晴天去紅葉台睇唔到富士山, 去中輕石教堂又睇唔到教堂正面, 黑囉!!!

      刪除
    10. 問題係你去紅葉台應該係N年前, 可能同而家既紅葉台好唔同, 嗰時可能未有土產店, 唔上展望台係睇唔到富士山, 可能唔係你黑仔呢 ::_344

      刪除
    11. 嗰時我未有傻瓜機囉 >:)

      刪除
    12. 未有傻瓜機真係好耐之前囉 ;))

      刪除
  4. 我都好記得上紅葉展望台個條路真係得人驚, 又窄又崎嶇, 一路行一路驚跌落山, 又驚自己行錯路:-w
    最後上到去, 只有店主一人, 成間店唔開燈係度睇電視::_379 , 我果時係超凍, 俾錢上展望台食風變雪條::vv4067

    回覆刪除
    回覆
    1. 返黎睇番你既 post 至記得你講過, 如果記得或者唔會上去, 不過都可能錯有錯著嗰度好靚, 我上去時冇乜人但遅d 就好多人.

      刪除
    2. 可能天氣凍, 我地係由頭到尾都無人::mm1566

      刪除
    3. 嗰日天氣好上到去又唔係覺得好凍, 不過上到四合目就非常凍 ::_2114

      刪除
  5. 幾時睇富士山都係咁正!

    回覆刪除
  6. 第二朝個富士山頂好似少o左好多雪咁o既 ?

    回覆刪除
    回覆
    1. 但係上到四合目已經因為有雪封路唔俾再上, 初時都冇為意原來山頂既積雪會影響到上五合目.

      刪除
  7. 越望呢幾篇富士山遊記, 就越希望可以有機會登到富士山頂~~~::_1626

    回覆刪除
    回覆
    1. 登富士山頂? 對我黎講係奢望哩 ::_366

      刪除
  8. 如果請到假, 希望今年暑假可以去得成旅行登到頂同去埋周邊D地方欣賞富士山美景~8-> 8-> 8->

    回覆刪除
    回覆
    1. 登頂係咪要 join 登山隊? 因為好似要喺七合目住一晚 ::_381
      你成日喺香港行山? 因為登頂需要體能不少 :-bd

      刪除
    2. Join就好似有咩突發事上嚟會穩陣D, 但又怕跟唔上大隊的速度要人等就唔好!反正沿路都有好多一同攻頂的人士,我估應該可以互相照應~喺香港同日本都行過山, 我估慢慢行應該應付到~哈哈, 爸爸超想去!

      刪除
    3. 昨晚啱啱喺 NHK World 睇咗個攻頂72 小時既節目, 佢地行吉田道, 睇落啲山路唔難行, 有小朋友都上去.

      刪除