二O一九年十二月九日 (晴) 續
到達小樽只是三時許, 因為女兒已經非常不舒服, 於是先到酒店 check in 後卸下行李, 女兒留在酒店休息, 然後我和老公到小樽站附近還車, 初時預計會很快辦妥, 怎知結果因為那輛車折騰了很久.
回酒店後與女兒一起外出找吃的, 因為她沒有胃口於是隨便找一間普通食店.
這時車站附近很多食店已經打烊.
找到這間吃完隨即閂門.
從來沒有試過覺得拉麵會難食, 但這間真的不好吃.
Hotel Nord Otaru (ホテルノルド小樽)
2008年和2012年在小樽都是住在小樽站附近的 Green Hotel, 記得上次經過運河時, 心裡唸著下次來小樽一定不住 Green Hotel 要住運河附近, 所以落實日子後即搜尋酒店, 剛好這間有 early bird 預付優惠, 二話不說就扑鎚, 先前還預想可以悠閒地行行運河, 老公還帶了腳架預備影運河夜景, 但是現在一切都泡湯.
小樽站.
十幾年前壞掉的小件都有得免費補，真係好好的的售後服務，哈
回覆刪除最重要係仲有得賣, 初時我地諗如果有得買配件已經好好, 點知佢話免費換俾我地添 :D
刪除小樽我只試過雪中沿着運河半天遊, 曾看過 youtube 小樽歷史是個漁港, 上世紀也因建做運河試過示威.
回覆刪除上次我試過去揾煤氣鐘位置但揾唔到, 只見過温哥華果個煤氣鐘, 傳聞係兩姊妹黎
老甲虫賣八萭五円抵啦, 汁佢返黎當古董車
揾唔到煤氣鐘即係你冇行入去硝子館同音樂盒館嗰條街?
刪除"老甲虫賣八萭五円抵啦", 不過運費會係天價, 同埋手續費會好金呀!
E, 今日去唔去過海影下樱花呀? 四五點去最好
刪除話時話, 喺日本見到外國車好多都左軚車, 唔知係咪任揀
上次去小樽無乜資料只係單撈份運河步行地圖又唔多識睇 (硝子館同音樂盒館好似有入過, 但唔記得) , 所以只行咗幾粒鐘就坐番JR返札榥
無呀，呢幾個月都係宅喺屋企，冇乜必要都唔出街，出街返屋企要搞好多清潔消毒 😩
刪除日本既外國名車好多都係左軚，唔知係咪平民車就會有右軚呢？
個鐘就係喺音樂盒館外面應該會見到架？
[從來沒有試過覺得拉麵會難食, 但這間真的不好吃]
回覆刪除我去日本既次數唔多，我都超like食拉麵，但我都遇過好幾次D拉麵唔好食，亦試過難食。還好是好食既就多過唔好食既好多。
好多時食既拉麵普通居多都會食晒, 可能阿女同老公冇胃口食剩, 但係連我食食吓都唔想食.
刪除去咗11次北海道，只有一次無去小樽，每一次嘅路線大致都係由小樽駅行去運河再逛堺町通，到咗蒸氣時鐘就折返，反而第一次自由行有去南小樽築港，之後再無去過
回覆刪除哈哈, 原來嗰度叫堺町通 ! 我淨係識行唔知個名 :P
刪除3J 家庭 : 我都係呀 ! 我當然冇你去咁多次，但路線一樣，就好似一個習慣咁。而且我都係第一次有去南小樽築港，之後再無去過 XDD
刪除我都諗唔到小樽仲有乜地方行，來來去去都係嗰度，不過行去都係為咗買嘢。
刪除病住去旅行真係好辛苦又總會帶少少遺撼，絕對明白病者當中的感受，慶幸第二天家人精神些可以逛一逛，影到天晴下的小樽和維修好音樂盒(有新的是驚喜)，已彌補到昨晚獨遊小樽的孤獨感覺。有時睇返啲相都好值得回味 ~
回覆刪除呀 ! 我而家睇返你啲相，先想起以前每次去小樽我都必定要影一次果個大鐘的，但前年同阿女去果次冇影到呀，嗚 ~~~
"病住去旅行真係好辛苦又總會帶少少遺撼"~ 絕對同意, 但有時係自己攞黎, 好似我老公去旅行之前有一日突然凍, 全部人都著長袖, 叫佢著衫佢都要著短袖, 結果咪冷親要帶住藥去旅行再傳俾全家人.
刪除帶個鐘面去維修都係踫運氣, 十幾年嘞好彩仲有生產.
你話唔記得影大鐘就好似我上次唔知點解冇影運河一樣.
「有時係自己攞黎」，絕無明白，因為我果件都係咁，呢啲天氣都會赤膊上身、衫都唔著，成日話自己壯，所以一有少少咳或鼻子就俾我同奶奶媽叉佢 XDDD
刪除我好唔明白著多件衫拎多件衫有幾難？熱咪除咗佢囉！
刪除男人嫌麻煩的，就好似明知落雨都唔帶傘ㄧ樣
刪除Bingo 👍
刪除