 |
| 今日立春 |
如果女兒還是小學生或者初中生, 無論怎樣艱苦生活, 5+1 這條路一定會走, 完 !
最近鬧哄哄的網絡大遷徙, 即使自己不走身邊的朋友都一個一個離開, 要保持聯絡就要在其他平台相見, 現在有一個好處是與家人會用 Line , 朋友們便在 Signal 相見, 因為通知鈴聲不同就是聽到已經大概知道是甚麼人.
另外很多朋友已經淡出 FB, 等待著在 MeWe 重逢, 所以現在在 FB 沒有甚麼朋友了.
至於 Youtube 上很多 KOL 已經在 Patreon 開壇, 除了要課金外手續也繁複, 但是大環境使然要 join 是遲早問題.
另一遷徙是看電視, 已經很久沒有看大台, 不過一直都有大台的 MyTVSuper 但只限於最平的 plan, 因為只用來看日劇, 其他節目不了沒有興趣.
反而大多時間會看 NHK World 或是 NHK World Premium, 因為那裡的國際新聞既快且新.
要看有質素的當然是 Netflix, 九十多元便可以有四個 log in 兼且 Netflix 原創劇還有 4K, 還有黃 VIU 每月$28可在多個平台上看, 絕對是自肅時期的選擇.
你個女在日本似乎已穩定生活，叫人羨慕，而且日本近，大家探望都容易。我同老公講以香港的樓收租，去邊個國家生活都無問題，朋友都問我地仲咩留香港，但老公話既然唔信呢個地方，仲要係資產係度？要走就要連根拔起，但連根拔起真係好難決擇。。。
回覆刪除一直以來對於佢喺日本生活都唔知係咪真係好，呢兩年就認同佢既選擇無錯，因為連我都唔想繼續留喺呢個地方😔
刪除好似你話齋連根拔真係好難決定，我地諗既唔係要移走，而係到另一個地方旅居，隔一段日子返黎，總之係唔想見到唔想聽到。
我啲朋友有讀書既仔女已經 plan緊，總之為下一代一定拜拜👋👋
你啲朋友係連根拔起咁走? 定係走d唔走d? 即係例如呀媽同小朋友先走，老公就做太空人/ 物業在港收下租等仔女大個自己揀，番去有地方住，咁樣?
刪除我啲朋友們好多係 plan 連根拔全家一齊走, 因為佢地好多都已經供完樓, 未完既贖樓都唔駛還太多, 賣咗層樓多個錢傍身, 而且佢地大多父母都有樓住, 將來真係返黎都有地方落腳.
刪除其實阿仔出細無幾耐曾經有個機會可以去另一個地方生活，只係因為當時後生仲想工作，唔想去到異地湊仔煮飯所以放棄，宜家退咗休，講真就算宜家阿仔要走我哋兩老都唔會走(就算香港幾差)，始終响一個熟稔的地方過退休生活總好過陌生環境，老咗適應能力好差，難聽D可能去到死快D，哈哈!
回覆刪除我身邊朋友無乜人轉網絡，所以到宜家都未裝Signal，MeWe就有但都只係一兩個朋友用，不過我見佢哋會FB同MeWe一齊用
我個MyTVSuper係寬頻網絡商免費送，要俾錢我唔會裝囉，反而有裝有線同Now，日劇响網上都搵到得睇，Netflix最近都有睇過下，不過大部份係西片電視劇唔太有興趣
我地呢代人見過幾次移民潮見住身邊既親人朋友同事一個一個走，就係自己冇走，好彩阿女而家叫做唔駛擔心佢，我地可以諗究竟我地會點。
刪除我傾開啲朋友大多都搬晒所以我要跟住搬，阿女日本佢地興用 line 所以我地就佢啦。
Netflix 一直都係黐朋友用，不過我啲姑仔佢地都想睇，佢地鍾意西片，而且有啲日劇係 Netflix 製作其他電視台睇唔到，我又唔鍾意電腦睇，不如就 join 咗 share 一齊睇。
我身邊嘅人要走早年已經走哂，剩落嚟嘅都一把年紀仔女都大哂，已經唔想離開去適應新環境，雖然宜家經常會聽到見到D氣憤嘅事，但香港始終都係我嘅家，我想留到百年歸老，而且交咗咁多年稅係時應要向政府攞番應得嘅福利，宜家唯一希望快D可以去旅行，咁就唔駛日日屈住响屋企
刪除最近朋友介紹我睇Nelflix套日劇「今際の国のアリス」，你有無睇? 我覺得太暴力太血腥太殘忍了
我啲朋友好多早年走咗又回流返港而家又再走過, 不過就容易好多, 因為反而佢地外國間屋有留住, 仔女又有外國護照, 我同你一樣覺得交咗咁多稅就黎可以攞番應得嘅福利要走好唔甘心, 我既希望係可以飛出香港去別的地方旅居而唔係連根拔咁走.
刪除我裝 Netflix 就係為咗呢套劇, 之前用朋友 account 好似唔太方便, 睇嗰陣如果有太暴力太血腥太殘忍鏡頭我會飛過佢 XD
咁回流外國有屋有護照就彈性好多，鍾意幾時走幾時返都得
刪除旅居，你打算每個地方停留幾耐? 如果有親人或朋友响當地居住留三幾個月應該無問題，不過我去旅行通常去到第十幾日就有D想返香港
我唔會有思鄉病架，其實如果唔係有瘟疫我地已經 plan 咗去米蘭個姑仔度，之前諗住去完外娚喺維也納畢業禮後會住一排，兩三個月左右，因為佢地屋企有種嘢同養雞，所以想試吓呢啲生活又可以帶埋隻狗一齊就後顧無憂。
刪除咁姑仔依D親人去打攪佢兩三個月就無乜所謂，外國屋大地大多兩個人住都OK，不果如果係朋友就似乎唔係咁好
刪除帶堆隻狗去係咪有D難度?
去咁耐最唔放心係隻狗, 俾人湊都唔方便.
刪除歐洲好多國家只要辦好手續, 狗仔入境唔係問題唔需要隔離, 當年姑仔就係兩大一細狗一齊走, 而且歐洲有航空公司好似德航可以人狗一齊坐, 唔駛入動物倉, 如果都唔掂都可以擺低日本阿女度, 不過只係初構想, 而家一切都泡湯 -_-!
我都聽朋友講過，疫情過後咪可以實行囉...
刪除唉 !!!!!!!!
刪除