2013年5月23日 星期四

一些親身經驗和一些傳聞

今次的行程很多都會舊地重遊, 也挑起一些在這些地方有過的事情.

可能有幾位網上的朋友都知道我都會幾避開去一些鬼怪的地方, 一方面對那些地方興趣不濃外, 二方面..............

今次當我老公知道要去福岡時, 第一時間講的就是千萬不要住 Green Hotel. 因為上次住的時候曾經遇上一些事情.

其次是今次會在廣島住上三天, 記得除了當時晚上回民宿迷路, 兜兜轉轉總是在平和公園附近外, 另一點從來沒有在blog 中提及, 話說當年第一次(老公和女兒) 到日本旅行, 緊張就不在話下, 當時"傻瓜機" 不甚普遍, 而他用開的是F(x) 的大機, 所以專誠買了一部F90X 的 AF 機, 為求影相方便, 可能還未熟識操作(而家就只可以這樣說), 但在東京用時沒有異樣, 連坐火車前影的相也沒有問題, 但到達平和公園舉機想影的一刻發現日子跳到 1900 年, 總之 set auto mode 就是這樣, 無論怎樣 set 都是回到 1900 年, 之後唯有用回 manual mode , (相機回港後第一天就賣掉, 因為始終覺得有些不妥, 也有藉口在日本即買一部F4), 跟著就發生了迷路事件. 所以今次在廣島會揀近車站或者市中心的酒店, 還有一晚住長崎也要好好盤算一下., 須知這兩處地方曾經發生過甚麼.

跟著次年到奈良京都同樣地發生少許問題, 今次是攝錄機, 話說在奈良影鹿都一直相安無事, 到東大寺外時也沒問題, 當買票進入的一刻從觀景器望到景物完全反白, 難道......(當時的東大寺是大火後復修不久), 因為並不影響攝錄效果, 便繼續如 常地用, 後來回大阪後又變回正常, 也沒有放在心上, 直到翌日到達京都, 情況又再次出現, 今次也是打去manual mode 就沒有問題了, 回港得知是 auto mode 的問題, 純粹是我們多疑, 不過在奈良京都發生問題, 很難不令人產生聯想................

另外當女兒知道我們會去富士的時候, 千叮萬囑我們不要隨便走進樹林, 因為那裡有一個樹林是自殺熱點 (福井的東尋坊也是), 十一月是收"腊鴨" 的時候.

8 則留言:

  1. 富士山下自殺勝地是青木原樹海, 啲人話指南針都會定唔到方向, 又會迷路走唔返出嚟咁話, 呢啲咁恐怖既野我就梗係深入虎穴睇過喇, 而家仲可以回應你, 即係無野囉
    [版主回覆05/24/2013 12:03:42]傻既咩, 梗係唔會去啦, 仲入去 .
    如果喺日本既鎮仔夜晚出街通常都會帶埋電筒.
    [路過蜻蜓回覆05/24/2013 09:34:00]Nerissa, 帶個指南針去試下啦
    講開日本夜晚街燈極少同陰森, 的確好有同感, 今次住京都民宿, 好鬼遠(東大寺再落幾條小街), 行過東大寺已經好靜, 仲要轉入小路行到尾先到, 又黑又靜......
    [コーさん回覆05/24/2013 00:52:47]本來我打算7月去山梨/富士山,所以睇咗好多資料。JPTIMETV 2009年中有幾集介紹樹海,話地面D石頭磁場好強,影響指南針⋯⋯

    當然,好多日本人係樹海自殺係真嘅。
    [版主回覆05/23/2013 17:36:00]上次就係貪平住民宿, 仲要冇雷公咁遠, 如果早知喺平和公園附近, 打死都唔會住, 日頭冇咩, 夜晚都好陰森吓, 加上日本 d 街燈超少, 越行越驚 :- s
    [路過蜻蜓回覆05/23/2013 17:25:00]廣島站附近住宿唔平(單人房), 我上次搵得好辛苦先搵到間離JR駅至少行10分鐘既廣島ANNEX, 叫做平少少, 無諗過廣島既住宿咁貴.....
    [版主回覆05/23/2013 17:24:59]咁你有冇 post d 相睇睇 (包括有冇"腊鴨")

    回覆刪除
  2. 我今期九州都係住green hotel, ok播冇事發生!成間酒店旺到飛起,仲要排隊check-in
    [版主回覆05/24/2013 12:25:16]我都唔知咩事, 嗰晚係瞓到矇矇矓矓時我老公叫醒我話出面好嘈, 要一齊開門睇吓, 但開門出面冇野, 但係佢就"形"住有野, 所以今次唔會再住嗰間酒店, 免得佢瞓得唔好.

    回覆刪除
  3. 咁邪...
    可能我時運高,從未遇過D咁不可思議嘅事,上次都係住Green又無嘢發生...
    記得20幾年前第一次跟團去富士山,好多人都話山中湖D酒店都有D奇異事件出現,好彩我哋又無事發生
    其實除咗日本,你有無試過响其他地方遇到咁嘅事情
    [版主回覆05/24/2013 18:24:14]所以今次富士山都會揀住河口湖.
    2011 年去台北住東龍, 俾咗間有小露台既房, 我唔覺得有問題, 但返黎後我老公同我講覺得唔係好"聚才", 不過怕我驚冇出聲.
    所以日本訂房如果有得揀我唔會揀和式情願要細間西式, 我鍾意間房一眼見晒.

    回覆刪除
  4. 估唔到妳有咁多呢D經歷
    我和花先生每次返到HOTEL都攰到死, 一覺就天光, 出面下雷雨都聽唔到
    不過花先生就有話過我成日BOOK D溫泉都無人, 自己一個人浸其實都好驚吓, 佢話成日驚有貞子係水到爬出來嚇佢
    [版主回覆07/08/2013 18:50:14]所以次次訂既酒店都在大街大巷, 貪夠方便夠熱鬧.
    [寶媽同寶爸回覆07/08/2013 09:34:14]我地都有同感,日本好多過氣嘅溫泉酒店,平日人氣極少,有次住桃の木温泉,成間溫泉酒店得三組人,溫泉酒店又係森林山內,入夜後都幾恐怖~~~
    上年有次住京都東橫inn,一入房呀仔扭計+勁喊,第二朝望出房外原來有個寺院,入面有個墓園對到正,你都咪話唔信邪~~~
    [版主回覆05/25/2013 13:45:19]可能細胆, 對於有些地方比較敏感, 好似99年去京都伏見稻荷大社,去到已經開始天黑, 覺得那些一排排的鳥居有些陰森沒有入去, 情願有機會下次再去過.
    同埋我地好少住溫泉酒店, 一方面由於不太喜歡浸溫泉, 二方面覺得"人氣"唔夠太靜, 總之都係鍾意 business hotel 地方一眼見晒.

    回覆刪除
  5. 相機呢單野都好邪喎 .
    [版主回覆05/27/2013 14:45:32]所以我好信邪架, 好多時都寧可信其有.

    回覆刪除
  6. 講開相機,我試過其中一次去完日本後,o係相機張咭發現幾張唔屬於我地既相,日期是旅行中的某一天的
    但冇理佢,delete 左佢當冇事發生就算
    [版主回覆06/01/2013 14:58:28]其實好多鬼古都係由"鏡頭"衍生出來架.

    回覆刪除
  7. 既然有人話有神,咁我就覺得有其他既野。
    我唔會唔信,但我抱著是共存的心態,互相包客,互相尊重。
    [版主回覆06/12/2013 14:29:45]我都係本住佢唔犯我, 我唔犯佢既原則, 所以旅行好少揀 d 鬼鬼怪怪去睇, 話我細胆都係咁話.
    [1733回覆06/12/2013 06:49:56]在香港我都曾多次遇上一d奇異既野,當時遇上都有起雞皮架。不過就叫自己先唔好驚,你不攪人,照理唔會攪你既。快手走人算。
    不過就一次就走極都走唔到,無辦法之下唯有掉頭走嚕。我唔敢夾硬黎呀!
    好似你咁,既然只係唔比你影相拍野,咁就唔好拍囉。

    回覆刪除
  8. 今次我地去廣島都無住平和公園一帶,入夜後感覺麻麻~~~
    [版主回覆07/08/2013 18:46:44]所以今次搵酒店都要車站附近.

    回覆刪除