2014年4月15日 星期二

2014 東京 Hea 住遊遊蕩蕩八天 ~ 激氣事件

話說這次行程選用國泰假期, 國泰在我們 Blog 友群中的評價已經很低, 無奈覺得今次這個 package 有競爭力, 於是放棄平時用開的日航天地轉而用國泰, 但想不到就出事了.

說我保守又好, 除了用 Asia Miles 換機票焗住要打那個打到發脾氣的電話外, 一般我都喜歡到 Office 三口六面講清講楚, 當年就算換 ANA 免費機票也是上 Office傾. 那麼上星期四便去了國泰假期位於太古城的 office 辦理, 機位即時 confirm 但酒店需要等, 當時連信用卡也給了, 那職員對我說當酒店 confirm 便即時用信用卡過數, 臨走前還多口問句要不要再上來交錢, (因為用開的日航天地會給一個 deadline 日期, 日期前要交尾數否則當放棄論.) 記得當時那職員說不用他們有我信用卡資料到時他們會過數, 我冇聽到要 email confirm payment, 於是便大安旨意等著我的東京 Hea 遊之旅.

怎知剛剛收到國泰假期 send 到手機的短訊說我沒有交錢要 cancel 我的 booking 還有要 charge 每人三百大元港幣云云, 一睇即時嬲到到震, ::_369 "What the Hell !" 於是又打了他們那個難打到震的電話, 原來他們要我 email approve payment, 天呀! 而家有幾多人會日日 check email, 經過一輪周旋終於搞掂, 正所謂係咪平野冇好, 下次再要買 package 值得三思 ::_1556 .

10 則留言:

  1. 嘿, 又比你捉到. . . .::mm2065 快D 攞條虫去祭旗啦. ::mm1544

    回覆刪除
  2. 唉!今次真係捉虫,去咁多次旅行都未試過俾人話 cancel booking。

    回覆刪除
  3. 你反而電話落order,都無咁煩喎。
    以前買cx holidays,我都係揾priceline代勞,收多幾十手續費,唔洗煩。

    回覆刪除
    回覆
    1. “天呀! 而家有幾多人會日日 check email”

      乜唔係依家個個都手機收email咪?無時無刻都check緊?

      刪除
    2. 以前我有朋友喺 agent 做,嗰時乜都揾佢,後來佢冇做就開始自己搞一路都冇事架,我個女五月去揾日航天地都冇事,點知今次一轉就出事啫:(

      刪除
    3. 我冇喎,因為我唔係無限上網,同埋有咩都係 what's app。

      刪除
  4. 我依幾年去日本好少book package雖然經常都係坐CX,或者東京、大阪市內都係過境性質,前後逗留一晚,總覺得機票同酒店分開book會較有彈性,雖然價錢會貴D,有時package offer嘅酒店又未必啱心水,就算今次我有3晚住東京都無諗過book package

    最近係舊年夏天去新加坡就係book 國泰假期package,因為package內嘅酒店抵過自己book好多,不過我全程都响網上做,即時check到有機位同房即時book,依頭book完嗰頭就收到email confirmation,跟手係e-ticket, hotel confirmation & receipt,其實你可以試吓响網上做,好怕打佢哋D電話,成日都話線路繁忙請等一等

    宜家就算淨book機票我都係响CX網上online book,再唔係會搵agent做,不過都係send email來往,無特別事都費時打電話,因為有時响公司唔太方便講,對住電腦做會方便D

    回覆刪除
    回覆
    1. 除咗今次係香港東京香港之外,我通常都會係加一節內陸機,所以網上做比較麻煩,慣咗上去佢地啲 office, 講好哂就俾錢,今次上國泰都係因為佢喺太古城咁我又成日去太古城因利成便,初時如果佢唔係話 confirm 酒店佢地會過數我都唔會介意行多次,早知係咁我上去俾錢好過。

      刪除
    2. 識得 send SMS 嚇你 cancel, 都唔識 SMS 叫你 authorize payment, 依家啲人係咪腦殘的.

      好彩o者, 如果佢係 email notify, 咁連個位都無埋.

      刪除
    3. 咁都算佢識得SMS,如果email我真係一個星期至check一次,到時都唔知去邊追番個位。收到SMS嗰陣如果唔係佢話要charge我600元,真係想就咁走去出番日航算數.

      刪除