2014年5月20日 星期二

輕狂歲月 ~ 上世紀 XX 年之意大利之旅

前幾天發牙痕講開下年會去那裡, 自己一直想去沖繩或者四國, 但老公就想去意大利, 自從他妹妹和意藉丈夫返回米蘭那麼多年, 其中只有他們回港, 而老公的弟妹媽媽, 甚至女兒都已經去過米蘭多次, 而我們一次也沒有到過, 而且老公也未曾衝出亞洲, 回想自己已經去過歐洲三次, 但是婚後一直只在亞洲裡鑽, 是因為有了包袱或是甚麼, 始終覺得那些地方縱使是美但不夠安全, 要去時有太多的顧慮, 加上越來越怕搭乘十多小時的長途機. 以前揹著背嚢那種瀟洒隨著年月逝去, 心口的勇字漸漸褪色. 那時沒有傻瓜機借了部 FM機和兩支鏡頭就走了, 從來沒有為遺失或損壞担心過, 換了現在一定不會做, 既不會問人借也不會借人.

那時也不是大膽到自己去意大利, 只是那段期間剛好在倫敦, 有朋友從香港過來, 於是參加了由倫敦出發的 local tour, 當時只有一張地圖, 幾頁介紹意大利的資料, 三個女孩子這就出發, 那團會去甚麼地方? 住那兒? 包幾多餐? 全部都不清不楚, 不過很多時都會離團自己去玩, 因為每次 tour 有 option 要加錢我們都不會跟隨.
為何我對意大利的治安那麼在意是因為第一站到佛羅倫斯離團覺得冇問題, 第二站在羅馬的黃昏因為 option 食意大利菜很貴所以沒興趣, 於是旅遊巴在許願池附近留下我們, 拿了回酒店的方法, 附近瀏覽一會便到了一間小餐館, 剛好是台灣人開的, 見到同是中國人於是便聊上幾句, 她說我們三人晚上在羅馬很危險, 這一帶常有搶掠, 她自己也試過, 還有我們等巴士回酒店的地方也很靜, 當時我們給嚇得不知如何是好, 那女孩說她有朋友剛好有車子可以送我們回去, 我們便這樣信了她, 還好她真的是個好人.

翡冷翠, 喜歡這名字比佛羅倫斯多


梵蒂岡, 尤其欣賞西斯廷小堂米高安哲羅的壁畫





聖伯多祿大教堂













羅馬















威尼斯










47 則留言:

  1. 如果時間許可,當然歐洲自駕開心得多。現在資訊流通,容易找budget hotel,有手機有網有cam,有車代步,點都安全少少(心理上)。

    回覆刪除
    回覆
    1. 米蘭,威尼斯冇問題,因為佢個妹有車,但係羅馬就麻煩啲,連佢妹夫都話治安極差。

      刪除
  2. 意大利的向日葵花田呀 ~ :D
    我諗我冇咩機會會去歐洲,因為怕撘長途機 8->

    回覆刪除
    回覆
    1. 我都係越來越怕搭長途機,上次搭去札幌五粒鐘已經成日望幾時至到。

      刪除
  3. 作者已經移除這則留言。

    回覆刪除
  4. 嘻嘻, 大小姐十八姑娘一朶花 當年已經好似攞住部單反.
    如果叫聖伯多祿大教堂, 你係咪天主教? 鬥獸場諗起李小龍vs羅禮士

    回覆刪除
    回覆
    1. 嗰部係 Nikon FM,借既 :D
      冇敎呀,好多人都叫聖伯多祿所以跟住叫。

      刪除
    2. 旅途中有幸遇到貴人忠告是好事, 九一年我獨自去了LA, 有日攞住份地圖行去灰狗站買車飛去 Las Vegas, 未到之前行到間餐廳食早餐, 老板娘可能見到攞住份地圖就同我傾計, 原來佢係香港移民, 仲叫我行去灰狗站條街要小心, 不過我都係獨自行去, 果條街鋪頭間間關哂鐵閘真係得人驚, 去到巴士站嘩成地墨西哥人好似難民營, 問左來回飛要50US, 卒之行番轉頭, 回程中有條烏頭問我坐唔坐車, 我對住佢笑就行開. 當時孭斜袋有部 F4E, 仲帶住隻身金銀潤 ;D

      刪除
    3. 嘩,金銀潤好富貴呀!日光日白都好猖狂o下,美國我從來冇諗過要去,因為都係覺得治安好差。

      刪除
    4. 02年去倫敦,再轉eurostar去巴黎,一落地就中招。攞住10euro買地鉄飛,部機法文唔識睇,有條黑鬼,埋來show職員証,好快就話幫我買咗1 day pass,要收13euro。
      我呆一呆,一來無諗住要1day,二來我地兩條友,一張點用呢?
      當我呆呆之際,條友搶走我10euro走了。兩秒後就有三個差佬,兩個去追,追唔到。
      差佬用英文同我講,係巴黎要小心。

      個張其實係值1.3euro單程飛。法國用1,3為1.3,所以外國人容易睇錯,條友用呢招屈人。
      我一落地唔見8.7euro,買過敎訓。
      之後幾日,見到黑鬼我就彈開。

      刪除
    5. 一聽到 Hey Man 真係即彈開 :D 我去過罪惡之都有首選華盛頓, 第二 LA, 跟住芝加哥, 然後NY, 入夜就要返酒店或 Inn

      刪除
    6. 我仲未寫法國,喺巴黎凱旋門下面條隧道試過俾黑鬼追。

      刪除
    7. 仲有喺阿姆斯特丹一出火車站就差啲俾人搶行李,跟住唔敢自己去玩唯有 join 酒店既local tour.

      刪除
    8. 以前跟團去milan,某某廣場,一班吉卜塞細佬,十歳八歳,好似玩咁撞埋來,我已經避,都hi中。當時背包放前,撞過正着。

      過咗幾秒,班細佬叫停我,俾張紙我,原來係我張機票票尾。

      佢地原來已經一秒間就開了背包外袋偷野,不過以為張紙係機票,驚出事,居然俾返我喎。此外無其他損失。

      刪除
    9. 跟團一大班人佢地都夠膽行埋黎?嗰時無論喺意大利或者法國一見吉卜賽人都會彈開,所以叫我邊夠膽兩個人去意大利吖。

      刪除
    10. 跟團,但都有自由時間麻。
      P.S.你好似話未跟過團。

      刪除
    11. 有,跟 local tour 嗰啲,跟過英國去意大利同埋一日阿姆斯特丹去風車嗰度。
      仲有好多年前香港去曼谷,嗰時自己去曼谷唔方便。

      刪除
    12. 比烏頭追求.....好激喎 :D

      刪除
    13. 所以咪話嗰時不知天高地厚,試過喺紐卡素等巴士有車停低叫我上車,因為試過喺日本坐過順風車之後有人叫我唔好一個人上人地d車至冇上到,唔係而家我都可能唔喺度 :))

      刪除
    14. 我見人坐順風車,都係坐truck後面,裝貨區,大家安全。

      刪除
    15. 我坐過一架私家車,由山中湖去新宿,一架客貨 van,由昭和新山去洞爺湖火車站。

      刪除
    16. 外國坐順風車, 不論男女, 上左車真係叫定杯大檸樂, 除非立定架生 :D

      刪除
    17. 咁上年man wai小姐坐架van仔,咪好勁?

      刪除
    18. 去過嘅地方, 日本人比較樂於助人

      刪除
    19. 所以去咗日本咁耐已經冇晒警覺性,再去一啲差既地方就會好驚。

      刪除
    20. 今日台北捷運發生斬人事件,好似三死唔知幾多傷?嗰時喺台北車站,發生事係下兩個站龍山寺。

      刪除
    21. ::_379

      台捷運斬人案 3人刀傷命危急救中 (18:33)
      台北捷運江子翠站發生斬人案,最少16人受傷,其中4名傷者送到亞東醫院,3人生命有危險,主要是刀傷所致,正開刀急救中。
      亞東醫院表示,4名就醫的傷患包括3女1男,其中許姓女子(37歲)腹部有6厘米傷口,深及腹腔;林姓男子(26歲)左胸刀傷;李姓女子(61歲)左胸背多處刀傷,有氣血胸現象。3人有生命危險,都在開刀或急救中。

      另一名42歲蔡姓女子,多處擦傷,自行就醫,沒有生命危險。

      刪除
    22. https://hk.news.yahoo.com/%E6%B2%B3%E5%8D%97%E7%8D%A8%E5%B1%85%E7%94%B7%E5%AD%90%E6%96%AC%E6%AE%BA8%E9%84%B0%E5%B1%85-090100672.html

      刪除
    23. 我都係蜻蜓 what's app 再上網睇至知,唔怪得等捷運時廣播話有事,原來仲有尋晩花蓮地震,有感覺搖仲以為發夢添。

      刪除
    24. 頭先睇新聞,果21歳o靚仔short架,自細都打算係捷運殺人喎?!

      刪除
    25. 即拉即審,原來佢已經手腳好慢,不過個個撘車都低頭玩手機,連隔離被斬都唔知,有個被捅一刀先知出事。::mm2414

      刪除
    26. 我諗緊如果人人反應快啲既話,以尋日既天氣人手一遮的話都可以格到幾下或者制服到佢就唔會咁多傷亡。

      刪除
  5. 羅馬治安真係差。親身經歷,同行朋友俾扒手偷嘢。响米蘭有人扮好心帶我哋去酒店跟住要錢。响地鐡站話收我地一蚊歐羅教我哋買飛。

    聽過去過羅馬同其他意大利方嘅人,基本上無人幸免。後面位同事俾人明搶咗支幾萬銀嘅鏡頭。

    但意大利嘅景點真係點都要去,所以惟有唔好帶咁多貴重嘢出街。

    回覆刪除
    回覆
    1. 唉,咁靚既地方梗係要影多啲相,但係一攞部相機出黎.............:(

      刪除
  6. 興趣大於一切~安全才是其次
    我妹去左兩轉歐洲結論係 --> 都係去日本好玩好多/ARM玩好多~haha~佢話未來十年都唔想再去歐洲XD

    回覆刪除
    回覆
    1. 下次你要註明,二妹定三妹,兩個妹唔同喜好,一個話幅射。:-w

      刪除
    2. 對於去慣日本既人去度度都會覺得差 d d, 好似今次去台北始終覺得d 服務態度唔係好得.

      刪除
    3. WAHAHA~怕幅射是大妹~XDD
      btw~我老爸問我下年family trip可否不去日本(因為佢去過4次雖然次次去唔同地方~對佢黎講依然是"日本"~於是覺得去極都是日本)~我宜家頭都大埋~~都唔知有咩地方既有雪景又可以燒海燒=__="

      刪除
    4. 去泡菜國?呢期好hit。

      刪除
    5. 好多食開蘿蔔既都轉咗食吓泡菜 ::_1554

      刪除
    6. 我老爸又係提議去泡菜國...最大鑊我係反泡菜派....我老公一聽到去泡菜國即刻問佢可唔可以唔去.....流汗...
      (雖然十幾年前都同呀媽去過一次)

      刪除
    7. 你同我個女一樣勁反泡菜, 不過我都係覺得去泡菜不如去日本, 因為機票價錢差不多, 講食又冇咁多樣化, 除非去整容我就會去, HaHa ::mm1544

      刪除
    8. 我老婆都唔會去泡菜國,佢話一見到韓文,就諗起「愛的肢解」。=))

      刪除
    9. 即係話你老婆冇睇「星星」,因為好多人睇完都話要去泡菜。

      刪除
    10. 無睇呀,我地好少煲劇。

      刪除