2016年12月31日 星期六

回顧我的 2016

做人這麼多年很少在文字上去回顧那一年的心路歷程, 除了讀書時硬著要作文之外, 但是今年真是覺得很不舒服, 回頭看依然有些戚戚然.

原本離開做了十多廿年的公司後一直都有做一些 contract, 每個 contract 大概做三四個月, 一年做兩個 contract, 因為做會計關係這些工很易找, 但是年頭發生了一些事情, 使我覺得要將時間放在家裡而停止再工作, 由於一直以來都是自給自足慣了, 一下子要事事都開口但總覺得難於啟齒, 心裡有時會覺得自己的價值很低.

自從女兒去了日本之後家裡很靜, 日間就只有我和茶々, 雖然說女兒在港也不見她會日日在家, 但總覺得家裡會熱鬧一點.

在社會上今年好像好多大事發生得令人喘不過氣, 我常說感到無力與無助, 但又不知道自己可以做甚麼!

因為年紀漸大的關係, 就曾經有人說過年輕時很少見的朋友聚會的地方是婚宴, 年紀漸長便會是殯儀的地方, 今年便送走了一位好朋友, 另外今年走了的還有很多自己年輕時喜歡的偶像, David Bowie, Glenn Frey 和 George Michael, 當時讀書沒錢要聽他們就只有伏在收音機前, 買他們的海報貼在床前, 後來出來工作後會買黑膠唱片, 不過後來唱盤式微唱片已經四散, 但是聽到他們的死訊還是有黯然.

上面一切好像太灰, 但這一年還是有開心的, 像是已經去了兩次東京雖然日數都不長, 但總是好像可以呌一下氣離開這個渾濁的地方, 再過十天左右又可以出去透透, 今次是完整的兩天.

還有自從寫了這個 blog 後, 每天上去看看朋友的文章照片, 自己沒有去過的地方看了當是去了還是愉快的, 有時聊聊天, 令到沈悶的生活上有些寄託,





22 則留言:

  1. 女兒在港,相信最開心是晚飯時間,我認為一家人可以一齊食飯是相當開心的^_^會計是最容易找到part time的,因為間間公司都需要會計處理賬目,不過到了某一個年紀,是時候要休息啦,祝你們一家人新年快樂﹗

    回覆刪除
    回覆
    1. 我也祝羊羊與家人新年快樂!身體健康!
      有時很多事情都身不由己,我會同自己說看開一點,樂觀一點,再度工作的可能性很低,唯一盡量將自己不會與這個社會脫節。
      幸好現在有廉航,有時間都想去多些東京探探女兒。

      刪除
  2. 送你一首我小時候經典名曲
    https://www.youtube.com/watch?v=2CGpK7ZgqIQ



    回覆刪除
    回覆
    1. 多謝,t先生.
      由我懂事開始,我都希望有朝一日可以"網開衝出不再返".

      刪除
    2. 都係果句: 世事一切是已是有所安排!

      刪除
    3. 或者有少許不甘心 -_-

      刪除
  3. 2017年衰氣會走晒架喇!! 期待 "2整日" 之旅啦, 哈哈!! >:)
    2整日會去邊度玩啊?

    回覆刪除
    回覆
    1. 多謝,承您貴言!我都祝你身體健康,明年多啲飛飛飛!!!
      2整日預算會再去鎌倉,因為有人話好耐冇去-_-!有冇嘢要買?

      刪除
    2. OK,見到靚既同埋晴天娃娃都會買 ^^

      刪除
    3. 哈哈, 你真知我心意!!! >:)

      刪除
    4. 所以呢,以前我都唔係好買御守,而家搞到自己都買埋一份^^

      刪除
  4. 由於一直以來都是自給自足慣了, 一下子要事事都開口但總覺得難於啟齒
    >> 兩公婆老夫老妻你諗得太多~一定有特別原因令你連contract呢D時間上較易就的工作都要放下~
    你先生一定唔會介意~你都有為家庭付出啊! 起碼都叫做做到個女都廿幾歲先引退嘛

    回覆刪除
    回覆
    1. 多謝您的開解 ^^
      在有工作的時候,自己既財政是獨立,自己搵自己駛,是大花筒月光族,無無謂謂鍾意乜買乜,但係而家總覺得唔可以這樣瀟灑,相信做職業女性會感受到的.

      刪除
    2. 我以為你果個年代係興老公成副身家俾晒老婆管~財政獨立硬係覺得我地呢代的產物(我地係溝埋一齊洗)

      刪除
    3. 嘻嘻,因為我做會計呢啲職業病,公共開支會整一個 pool ,以收入多少依比例放入去,其餘既各自為政互不相干 😅

      刪除
  5. 我相信我哋都屬於同一個年代的人,我讚成兩公婆係要財政獨立,公共開支每人會負責某部份,搵得多D就俾得多D,我唔叻無老公咁本事,除咗結婚頭幾年幫下手供樓外,之後屋企所有開支基本上都係老公俾,所以一直以嚟都叫做賺錢買花帶,我都鐘意買嘢架,不過就有節制,唔容許自己無錢剩,女人始終要有D私己錢幫身好D,因為世事難料,過幾年唔做嘢的話,就算唔問老公攞,自己都有舊錢慢慢搣

    回覆刪除
    回覆
    1. 係呀,我地係同一個年代,年輕時正處於香港最好既年代,當時要搵一份穩定又收入不錯既工唔難,當初都係供樓,供車同埋供個女是吃力點點,到咗叫做甩身之後所謂既私己錢都係儲在公家,而家唔想為咗買啲無無謂謂既野用咗佢,因為個女仲喺日本要用既錢都唔少-_-

      刪除
    2. 我D私己儲全部都响自己到,無阿公架,因為咁先有安全感囉...哈哈!
      所以宜家睇到嗰班80後覺自己嘅年代真係好好彩,但係就會擔心阿仔依班90後,宜家香港社會只會越嚟越差,佢哋將來都會越嚟越辛苦

      刪除
    3. 我諗我地呢代人諗得最多係佢地,雖然佢地受教育比較多,不過佢地既路難行好多,最沮喪係睇唔到希望,乜野事情都係畸形發展,越來越冇制度,加上仲要面對三十年後唔知會點-_-!

      刪除
    4. 我覺得畸型嘅唔係個社會或制度,係啲人嘅諗法。英國人响度時乜都無得話事反而開心。無論點都好,香港其實好好。

      廉航多優惠,yen又平咗,飛多幾轉日本,換下心情返嚟啦!祝你新一年身體健康。

      刪除
    5. 多謝輝哥.
      我覺得而家既香港搞成咁係因為太多嘢唔理制度,任意妄為,鍾意點就點,有法不依,想益邊個就益邊個還要沾沾自喜,禮崩樂壞.

      刪除