2017年6月21日 星期三

23.10 男鹿 ~ 寒風山食風


二O一七年四月六日 (晴→雨) 續

離開弘前前往秋田男鹿半島, 天氣開始沒那麼好, 如果在男鹿天氣不好會很掃興, 因為頗多景點是在戶外, 但往往天氣都是不似預期要調整心情隨遇而安.



中途在上次曾經來過的 (大館~尋找秋田犬) 大館站停留吃午餐順便看看秋田犬精品.






這間食店是出發前在電視節目 Go Japan TV 介紹, 剛巧會經過便作為午餐地點.



食店是吃秋田比內地雞著名, 到達剛好過了午飯時間, 所以等了一會便可以入座.

竹筒雞飯.


親子飯.


途經的道之駅, 女兒說上次已經來過但自己一點印象也沒有.






到達男鹿的寒風山, 名符其實又寒又大風加上有雨, 像是那次在北海道神威岬一樣連開車門也困難, 山頂展望台餐廳前沒有停車場正想離開之際, 有職員出來指示可以停在門前, 可能這樣天氣沒有人會來.


如果天氣好的話可以眺望男鹿半島.



結果是躲進土產店買買買, 連展望台也沒上.




晚上住在男鹿溫泉鄉, 本來打算黃昏可以到入道崎看看日落, 不過凡事豈能盡如人意.


Oga Banseikaku (男鹿萬盛閣)





酒店大堂.




都是一般的和式房間.



都是這句, 天氣好的話景觀不錯.



古老夾萬.


古老電話, 女兒不懂用這種電話, 連怎樣撥號都不曉得, 撥號電話原來已經淘汰了許多年了.


晚餐安排在個室吃, 下去一看 : 嘩 ! 魚、全部都係魚的全魚餐! 那晚餐只吃了半條燒魚, 其餘兩人差不多多半份晚餐 😕


酒店特別介紹秋田的石頭煮湯, 放入燒紅了的石頭在湯中, 所有食材都可以煮熟.



豐富的海鮮湯.



早餐, 也是不合口味.


後記 : 可能溫泉旅館的關係房間浴室設備不是很齊備, 連風筒也沒有準備要到大浴場吹頭, 等待女兒浸完回來才下去吹頭, 當時趟大的大浴場空無一人, 感覺很不自在, 匆匆吹好了便離開, 不習慣浸溫泉其中一個原因是在浴場沒人時會驚, 有人時更驚!!


23.9 弘前 ~ 三度漫步弘前城


23.11 男鹿半島最北端 ~ 入道崎



30 則留言:

  1. 早晚餐都吾吸引>_<撥號電話已變了古董﹗

    回覆刪除
    回覆
    1. 所以唔係好鍾意住呢啲包食既酒店,尤其是我唔食魚,不過住喺山旮旯冇地方搵食冇辦法!
      撥號電話好懷舊,如果有得買都想買番個 :D

      刪除
  2. 有晚電視介紹舊式士多, 見到個撥號電話, 我地都有問小朋友識唔識用, 佢地好奇怪要撥先可以打電話

    回覆刪除
    回覆
    1. 唔好講你啲小朋友咁細唔知,我個女就係因為要打電話去詢問處至知佢唔識撥號.

      刪除
  3. 我地住在小樽的酒店都有個撥號電話,契媽 Kitty 好喜歡,後來仲喺日本訂咗個返香港放喺屋企,遲多兩篇 blog 都會影到
    好少酒店的晚餐簡單成咁(民宿就會),份量似早餐多過晚餐,通常晚餐都有幾片豬肉或牛肉的,好彩你仲有啖湯及兩啖海鮮食吓,如果唔係成個晚餐你係唔洗食的了 …… 酒店網站冇 show 到晚餐內容的嗎?

    回覆刪除
    回覆
    1. 好,會留意住你個blog.
      其實訂酒店時好少睇食乜,只係睇係咪一泊兩食同價錢,如果知道住既地方附近有嘢食就一定唔會包食,因為我地住溫泉酒店好嘥料,又唔浸溫泉同又唔識欣賞啲料理,就算佢有寫食乜都冇咩意見.

      刪除
    2. 如果有得揀,我都唔係咁like在溫泉酒店食晚餐和早餐。

      刪除
    3. 但係通常溫泉酒店附近既地區都冇乜食肆要焗住喺旅館食.

      刪除
    4. 無錯,就係咁攪到唔想住都要住。

      刪除
    5. 師公,我以爲你地好鍾意住溫泉旅館浸溫泉添:D

      刪除
    6. 浸溫泉我like架,唔like住溫泉酒店係住過既溫泉酒店,大部份既早餐和晚餐都唔好食。

      刪除
    7. 我覺得係我地唔係太識欣賞日本和食,尤其係我唔鍾意食魚更加覺得唔好食。

      刪除
    8. 唔識欣賞日本和食對我來講就一定啦!因為我對日本認識唔多,對食又無研究。但我超like食魚架。

      刪除
    9. 哈哈,我就like日本蟹同牛肉,可惜喺日本食超貴呢^^

      刪除
    10. 呢兩樣我都like架。不過如果有得比我揀韓牛或和牛,我就like韓牛多好多喇。

      刪除
    11. 韓牛未食過,不過有得食就韓牛和牛都係好牛:D

      刪除
  4. 好少可會見你住溫泉旅館~咁最後有無浸溫泉呢?

    回覆刪除
    回覆
    1. 冇呀,住溫泉旅館都係為咗就腳,唔知點解真係冇興趣,去咁多次日本只係浸過一次咋,所以搵酒店一定要有獨立浴室。
      反而個女會浸,不過如果見到當晚有大嬸婆婆既話佢都唔會去。

      刪除
  5. 凍冰冰食碗熱辣辣親子丼超正。

    哎吔,咁多魚唔啱口味添。有無試過訂房時話比旅館聽唔食得魚? 我有試過留言唔食蕃茄!

    回覆刪除
    回覆
    1. 訂房時都知知哋會食乜,不過怕煩就費事改,一來唔知改咗價錢會點,二來都想嘗試吓可以食到幾多魚,不過原來勉強極都係怕食,只可以食咗燒魚既背脊,不過喺山形間旅館既魚又食到喎XD

      刪除
  6. 唔浸溫泉唔住溫泉旅館住宿費用慳好多,料理以前我都唔識欣賞因為唔知係咩,好多嘢都唔食,自從讀咗日文後就慢慢開始認識,宜家好都嘢都會食,唔啱食先俾老公食
    浸溫泉我就要同D唔識嘅人一齊浸,話知佢係大嬸婆錃,一定唔可以同相識嘅人一齊,親人都唔想,怕尷尬

    回覆刪除
    回覆
    1. 而家都有住吓溫泉旅館因為好多時唔想咁趕當一個中途點住一晚,但係民宿冇獨立浴廁唔方便,酒店又通常喺市裡面,唯有溫泉旅館會就腳啲.
      日式料理因為好多都係魚見到有啲怕,不過去得多日本都想慢慢適應,所以有時第一啖食覺得唔腥都會食落去架.
      浸溫泉以前個女細個陪佢逼住浸,佢大個之後自己去我就樂得甩難XD

      刪除
  7. 寒風山, 見到個名都覺得陰風陣陣...
    我想飲嗰個海鮮湯, 好似好正!

    回覆刪除
    回覆
    1. 成餐飯最好味就係個湯,三個人飲到捧住個肚都飲唔晒覺得好嘥😅

      刪除
  8. 寒風山展望台 當日都想參觀 , 可惜時間唔許可 , 唯有在呢度參觀 . THx . ^^
    另外日式酒店早餐一般都係咁上下 , 叫做OK啦 .
    反而晚餐石頭煮湯甚有特色 , 我當日在男鹿半島燈塔果頭都想試 , 不過驚食唔晒 .
    古老電話我都有幸用過 , 依家睇番就覺得好正 , 果陣用又唔覺得點樣 . XD

    回覆刪除
    回覆
    1. man wai 都去過男鹿半島?
      寒風山展望台如果好天應該好正,可惜我去時天氣都唔好.
      這個用石頭煮既湯一般都好大鍋,一個人一定飲唔晒.
      我記得當時用撥號電話既時候覺得撳掣好有型,買電話都要買撳掣^_^

      刪除
    2. 2013年去過果度 , 果陣仲上過燈塔 , 居高臨下 , 唔錯架 . ^^

      刪除
  9. 秋田犬公仔好得意,雖然我食魚,但晚餐都覺得少咗D,好彩有個海鮮湯

    回覆刪除
    回覆
    1. 其實最想睇到真既秋田犬,不過都好似傳聞所講秋田犬越來越少.
      晚餐最大賣點係個海鮮湯,可能咁樣其他要將貨就價XD

      刪除