已經差不多兩年沒有往來, 只有物品可以飛來飛去, 往郵局的次數多過以前去機場.
之前一路只是用 EMS和平郵, 但是EMS夾太貴平郵又太慢, 現在還有一份十月底寄的在海上漂流.
最近有朋友介紹用 E-express, 在網上填妥一切後往郵局便搞掂, 7至14日便會收到, 壞處是上限 2kg, 如果太多便要分開包裝, 所以月中16號便一寄三份, 慶幸 24號那天全部收到.
這年女兒成為鏡粉, 很多鏡仔的東西都想要, 還好她在香港的朋友, 姑姑叔叔嬸嬸幫忙, 我只是負責交收完全不用去撲東撲西, 而且很多不是去撲便撲到, 最要命是有些雜誌, 就是老公早上六點返工仍然買不到, 但是姑姑竟然買到, 之後這責任便落在她們身上 :D
在香港喜歡日本，在日本的喜歡香港，搵嚟攪...
回覆刪除3J 家庭, 新年快樂 !
刪除"在香港喜歡日本"比較簡單, 只係上網訂吓嘢同去日本時買吓嘢.
但係"在日本喜歡香港"就麻煩, 因為太多物品想要同埋好難搶架 !
上次郵局個叔叔都教我用，我原本諗住寄聖誕禮物俾日本朋友，點知超快，三日就寄到。
回覆刪除輝哥, 新年快樂 !
刪除E-express 真係太好, 你就好啦, 我寄咗年幾兩年嘢郵局只係叫用EMS會快, 從來冇講過有 E-express 呢樣野, 之前上網見到 E-express 一直以為係只係商務用.
新年快樂! 平郵寄去日本咁慢? 日本寄船番香港倒是比想像中快，最快試過頭尾14日就到屋企!
回覆刪除郭太同屋企人新年快樂 !
刪除我都唔知點解日本寄番黎會快咁多, 同埋都係平郵, 好多時我寄咗去阿女至寄番香港, 我一定會快過佢收到, 好似最近佢12月寄既我已經收到, 但係10月寄俾佢既而家都未到 !
遲來的問好, 祝大小姐一家新年快😃
回覆刪除t 先生, 新年快樂 ! 身體健康 !
刪除