二O一八年三月二十九日 (晴) 續
來過箱根三次, 不過最近一次已經是二十年前了, 那時女兒只有六、七歲, 所以今次問她想去富士或箱根時她選擇了箱根.
離開御殿場往箱根正式進入塞車區域, 經過上次富士五湖裡面塞車困獸鬥的經驗後, 已經不選擇在週六週日在箱根, 希望可以避開與本地人一起駕車出遊塞車情況, 但是道路情況同樣不妙.
從御殿場往箱根經過富士松天望台, 時間不合富士山比較濛濛, 反而由箱根回程東京再經過時就清晰美麗, 不過沒有時間看完便算.
大涌谷, 遊客多到在任何地方都有人龍, 地標拍照, 小食部買雪糕雞蛋土產要排隊, 就是塞入停車場已經花上差不多一小時.
這裡看到的富士山更濛.
另一選擇前往大涌谷可以坐吊車, 之前三次都是坐吊車.
總覺得今次在大涌谷的活動範圍比當年小, 記得那時是可以上山的, 是不是與幾年前大涌谷有火山活動有關.
大涌谷地標, 前面已經有攝影專門人員擺站影相兼且長期人龍, 影這地標便要在背面.
還有哈囉吉蒂黑溫泉蛋.
就是排長龍這黑色溫泉蛋還是要吃的.
跟著到箱根神社.
湖上鳥居.
蘆之湖.
箱根神社.
經過遊覽船碼頭旅遊車之多連想停車看看都沒有空位泊車.
路上也有鳥居.
終於遠點可以停下來看看蘆之湖.
到達箱根關所本來都想一齊下車行行, 不過同樣地沒有泊車位, 在一間沒有營業的餐廳門外有位, 不過覺得那樣泊車不大好就是應該沒有人會知道, 但是另一港人租車便好少理照樣泊低離開.
一個人下車在附近走走, 經過杉並木.
箱根關所.
沿路順時針圍繞蘆之湖一週, 上山經過道之駅.
另一角度看蘆之湖.
之前到過的湖上鳥居.
ホテル箱根パウエル (Hotel Hakone Powell)
適當時分應該可以望見富士.
一泊兩食, 晚餐也不錯, 魚佔的比例不多.
第一次去日本就係箱根，但個遊記已經消失風雨中
回覆刪除好多人第一次去日本都會去箱根，我第一次帶屋企人去日本都包咗箱根。
刪除箱根我都是去過3次，最後一次不過亦係老公第一次去就落狗C，
回覆刪除箱根完全唔分淡旺季亦唔分星期一至日，日日都係多人XD
箱根不慚係旅遊景點既一哥，大部分去過日本既人都會去過箱根。
刪除之前三次去第一次係人帶我去，跟住第二第三次都係我帶人去，總覺得一個旅程𥚃面可以坐幾種特別交通工具，又有溫泉又可以遊湖又有美術館，好天仲睇到富士山，一次滿足晒多個願望 XD
你諗下廿年前我當年第一次去日本的大阪+東京七天團點都要塞個箱根入去，可想而知XD 不過箱根交通工具幾豐富，又登山纜車又吊車又有船本身又有景，係幾有賣點ge
刪除哈哈, 廿年前我帶佢兩父女去日本都係點都要塞個箱根入去, 好似咁至有代表性XD
刪除我上次去都落大兩，人都係多到喊。第二次去就純住。不過都未必翻單嘞。
刪除去完今次之後可能都會N年後至再去。
刪除上次去箱根都冇去大涌谷,第一次去十幾年,都唔係好記得囉,不過記得有買黑玉子, 食唔晒重帶返香港添
回覆刪除箱根啲黑玉子出晒名，遊客就算排長龍都一定買黎食。
刪除仲有黑咖喱同鐵蛋拉麵。無試？
刪除冇呀，如果要坐喺度食既條人龍長到喊😂
刪除箱根去過3次，第一次係28年前跟團去遇著打風，第二次係16年前遇著大風唔纜車唔開，第三次係3年前，其實嗰日天氣都唔好，幾乎去唔成大涌谷，後來天氣轉好咗死唔忿氣再上一次，好彩係自駕先至去得成大涌谷，我都有買黑玉子
回覆刪除大涌谷係第一次去箱根既必去景點，又係坐纜車到蘆之湖既必經中途站所以就人山人海，而家又冇得自己浸蛋幫襯佢地係必然既。
刪除大涌谷條步道以前可以行的, 而家都無得行。係咪逢下午都係咁重煙霞睇唔到富士山呢？
回覆刪除係啦, 我印象中係可以行既不過而家好似封咗.
刪除又好似係好多時間下午睇富士山都好濛, 唔知係咪頂光或者背光關係.
我上次去江之島好好天, 但上午睇富士山已經濛濛地, 下午係直頭眼前消失左, 當時係一舊雲都無!!!
回覆刪除所以呢, 同富士山係要講緣份, 我之前無論點樣天氣係唔出黎見你就唔出, 而家去好多地方都偶然會見到.
刪除入停車場都塞一個鐘，都真係好癲。
回覆刪除其實係由上山開始塞, 兩條路一條去停車場另一條到山頂不可以停低落山就好順暢, 我地之前已經知道去停車場會塞所以一早跟大隊行.
刪除師公喺香港揸開車都知道如果香港咁樣, 啲人一定喺另一條行車線行到差不多入停車場至打尖過黎, 結果兩條路都塞晒, 可能循規蹈矩既仲排得耐.
可能係我老土，我like跟隊排會有預算，唔like打尖。
刪除喺日本塞車人家會一架跟一架, 就算幾條線都唔會cut 黎cut 去, 香港啲車就成日打尖, 你行緊一條線隨時十架八架喺前面尖入黎, 最普通係入紅磡海隧唔塞車啲車全部行海隧嗰邊直到最後雙白線就尖晒入黎北角跑馬地線令到呢兩條線要慢晒搞到塞車咁.
刪除咁塞車既話，前面既車又成日比人爬頭又行得慢我都一定會cut線架。
刪除而家在多條隧道D車都守規矩好多，都會一架讓一架咁入隧道既管道架。當然我就有留意你話嗰個位就無呢啲現象出現。
刪除因為我講嗰條線劃咗白線可以cut 入唔可以cut 出，你以爲守規則行定條線但其他人走精面，而事實係如果人人晨早已經行啱冇人 cut 係唔會塞既。
刪除所以喺日本就算多車塞車但係人人都keep 住自己條線唔會cut 黎cut 去，啲車都會順住咁慢慢郁。
刪除唔知隻蛋本身係乜野顏色既呢？
回覆刪除師公咁問原來我都冇留意隻蛋入面係乜顏色 :P
刪除咁有無留意隻蛋殼原本係乜野顏色呢？
刪除嘻嘻, 蛋殼已經完全睇唔到顏色.
刪除明香，你買蛋時隻蛋就已經熟左。
刪除係呀，廿年前去時就有得買生蛋自己浸熟或者買熟蛋。
刪除所以話唔守規則既唔一定係大陸人嘅
回覆刪除但係強國人群裡面有好多唔守規則既人.
刪除咁呢樣就一定係，原因佢地絕大部份都係要搶先嘛。
刪除佢地自己唔守規則但又怕其他人咁做, 所以我就試過俾後面黐住我行-_-!
刪除呢啲咁既情景在好多年前在新聞報導睇過唔止一次喇。
刪除就係今次首爾走 check 手提行李時俾後面個大媽係咁黐住我。
刪除你哋講開強國人唔守規則，上次我由高松返港，响閘口排緊隊等上機，後面有兩個強國男子借D意行咗上我哋前面，我老公見到即刻話佢，佢就諸多理由話睇唔到條隊，仲話我老公態度差，我緊係幫拖話番佢，後來另外個男子出嚟勸交，原本大家都收口，死得佢口臭細聲咁同友人話我哋無教養，阿姐我聽到即刻火都嚟埋，我話佢打尖先至無教養，心諗唔好以為用普通話講我會唔識聽，我用普通話鬧人都仲得，之後佢朋友再勸佢先收口唔再出聲，依D咁嘅強國人正垃圾，講完。
刪除以上說話語氣有點俗，希望唔好介意。
我唔理佢係大陸人還是那一個地方的人，咁無教養就好難接受。
刪除唔俗唔俗，激氣上黎連粗囗都要講。
刪除講開俾人打尖喺首爾返港 check in 時就遇到兩港母女，當時未開始啲人已經開始排隊，原本我都唔知但係俾排後面那架車撞咗兩次所以知道嗰兩母女，後來 check in 人龍開始郁，我前面一家三囗唔知韓國定日本人停咗一停，後面嗰兩母女即刻衝喺我前面，我梗係排番佢地前面，佢地啲唔知乜邏輯我聽到佢地話我打佢尖我都費事理佢地，因為排到入去我已經網上 check in 咗排條隊快佢地多多聲，想快唔係靠打尖。
好彩我仲未試過，但諗起比後面嗰個人黐住晒好鬼核突。
回覆刪除如果有兩個人可以不停調位黎甩開，今次我一個人就用唔到呢招。
刪除如果佢係咁黐住我，我會啤住佢，佢再唔行開，我就同佢講唔好黐住我。
刪除因為除左核突之外，仲有機會比佢偷野，或者比佢袋左啲唔知乜野落我個袋嗰度。
我呢冇出聲，用一招就係成個背囊 fing 去後面當揹上黎打佢，不過一陣佢又黐番埋，過咗之後送瘟神咁俾佢行先我唔排佢條隊。
刪除