2011年9月27日 星期二

日元

每日看見日元都驚心動魄, 常常盼望有一日會回落, 之前想佢回到九初, 原來是奢望, 而家見到個九字都願.
回想去年尾換的時候是九二, 已經覺得太高, 回來後見九四便急不及待將剩下十多萬換回港幣, 到年中女兒去的時候後悔已無用.這是一個壞習慣, 每次回來見高少少就換,311後, 以為會回落, 還叫老公的妹妹將手上高 rate的日元換回.
回想當時98, 99年去的時候五幾, 買東西時都輕鬆很多, 跟著縱使時有起落, 但都可以接受, 曾經戲言朋友去日本要日元當美金使, 以為已經很高, 但原來高處未算高.
還有個多月起行, 熱切盼望要低!低!低!

4 則留言:

  1. 我上星期唱錢, 黑仔到我唱嗰個差唔多係近來rate最高嗰日 > 10.2xxx,而家已經回落番去10.1xxx喇, 雖然唔係差好多, 但係唔忿氣囉!!
    [版主回覆09/28/2011 17:08:08]係喇, 使果時唔好諗咁多, 記住"蘇州過後無艇搭" 我喺日本時成日記住e 句話. 旅途愉快!
    [路過蜻蜓回覆09/28/2011 15:00:46]"賺"....你講你啊? 有米小肥, 儲埋唔少日圓備用金, 唔使捱"十算"...
    [小肥回覆09/28/2011 12:58:07]上飛機 . . . 洗多d . . . 咁咪賺囉 . . . ^o^

    回覆刪除
  2. 五幾我都試過, 之後升到7當時仲話貴, 依加諗番轉頭7已經好平喇! 如果落番去9都會開心d, 9初就更加好.....
    [版主回覆10/04/2011 12:22:34]係呀, 98, 99年果時五幾買野好開心, 因為好多時會平過香港, 但而家同一樣野香港會仲平, 除非香港真係無得賣就會買.

    回覆刪除
  3. 我而家升緊級喇!
    [版主回覆10/06/2011 09:08:38]你那個升緊級的狀態我升級時都有, 持續左好耐, 但係見到舊blog d 野過得黎七七八八就無理到, 登出熄機, 之後就發覺唔見野.

    回覆刪除
  4. 到而家果條bar仲係度行緊,唔知佢攪邊科?
    [1733回覆10/09/2011 09:01:01]昨天已經無左條BAR喇!不過我仲未得閒睇下有無野唔見左。
    [小肥回覆10/08/2011 23:20:08]喂, 我又嚟 . . . 條BAR 可以留幾耐視符你D相多唔多. . . 我爛相多, 條BAR出現咗個幾星期, 唔駛理佢 . . .~^^ 登出熄機後發覺唔見咗嘢嘅情況我就無發生, 因為, 我比較早上火星, 所以, 嗰日無熄機. . . @_@
    [版主回覆10/06/2011 10:52:10]可能你太多post 所以會行慢d 卦, 其實我都唔係好清楚, 最識既小肥去左日本.

    回覆刪除