2011年11月25日 星期五

14.2 再遊土岐, 高山市


二O一一年十一月五日 (晴後雨)

名古屋 Super Hotel 的早餐, 各間的早餐大同少異, 通常是麵包, 沙律和少少的和式食物, 分別是多與少款式, 曾經在釧路食過即焗的麵包, 仍然回味著那熱騰騰和香噴噴的感覺.




一間很平的拉麵店, 上年曾經食過, 裡面只有一位婆婆收錢, 煮麵,清潔一腳踢.



食過早餐後便到豐田取車, 原來真是昨晚停在外面的那輛, 不過車牌怪怪的, 不是名古屋車, 和職員說想借ETC 咭, 但他們說沒有, 自己還作到似層層說有朋友都借過, 但最後還是沒有, 將行李搬上車後便向土岐, 高山進發, 由於沒有女兒同行, 後排座位全放東西, 方便很多.




由於上次由名古屋到土岐行錯路, 今次比較小心翼翼, 比原定時間還要早到, 可能是週末的關係, 前往的車子比上次多, 也有保安在路口指揮進入停車場, 同時覺得貨品比上次便宜很多.


離開土岐原想改變行程首先前往白川鄉, 因為從網上天氣預告得知明天會下雨, 但開車不久便開始下雨, 而且越下越大, 只有按照原定計劃到高山市,
途中經過道之駅休息, 竟然吃到最可口的燒牛舌.





雨已經下得很大, 這是另一個道之駅, 去年曾經到過, 當時後面的樹木光禿禿, 現在是漫山紅葉.


2010年12月



終於到達高山市, 雨並未小下來, 首先來到櫻山八幡宮, 泊好車後天色已經開始轉暗, 上次沒有來過, 但回港後看到鄭嘉穎的"最美麗的第七日"常常出現, 於是趁今次路經來一趟, 原本還會去中橋, 但天已黑和雨很大, 只有放棄, 可能還會有第三次, 留一點點給下次去吧.












晚飯原先想去"丸明", 但是人山人海而且不便宜, 加上答應女兒沒有她在我們不會太奢侈, 於是便到這間2,000 円的飛驒牛定食, 但味道還是不錯.







香脆的和牛可樂餅.





14.1 名古屋


14.3 雨中@白川鄉, 五箇山






8 則留言:

  1. 嘻嘻 . . .又第一. . .哈哈 ^O^
    [小肥回覆11/26/2011 12:24:23]嘿, 大家一講日本有好嘢食. . . 我就幾忙都會 飄浮出嚟 . . .哈哈 . . .為食鬼嘅怨氣 . . . 哈哈哈 ^o^
    [版主回覆11/26/2011 11:47:28]我都唔知尾張小牧喺邊處, 個車牌真係好易記, 近幾次租車d車牌都好靚.寿がきや我唔知係連鎖店, 上次去食時係晏晝3,4點, 淨係得婆婆一個人做晒.
    [小zoo回覆11/26/2011 11:23:36]小肥又話忙既.. 成日捕住人地, 做第一.
    [和豚媽媽回覆11/25/2011 23:42:20]咁要幾多份量先吸引到阿肥少你去呀?呵呵呵~
    [小肥回覆11/25/2011 19:21:46]即焗的麵包 . . .我系Tomamu 都冑試過. 睇住系烤爐出嚟都幾得. . . 寿がきや都算系連鎖店, 主打擔擔麵 http://www.sugakico.co.jp/ . . . 你嗰間一個婆婆打理? 勁. ^.^ 架車車牌怪怪的 . .唔系"尾松小牧" 系 "61-19" 倒轉都唔會記錯.. .哈哈哈 ^o^ . . 你寫咁少食嘢 . . 吸引唔到我去噃 . . . @_@

    回覆刪除
  2. 雖然說當時下大雨,但第二個道之駅的漫山紅葉已經好靚了 ^^ 晚餐的飛驒牛份量也不少呢 ! 流口水 ing ~
    [版主回覆11/26/2011 11:53:06]係呀, 以飛驒牛黎講,2,000円真係幾平, 上次食果間我記得都幾貴, 味道也不錯, 而且唔係d 拍烏蠅店, 都好多人食.

    回覆刪除
  3. 租廠車如日產、豐田、萬事得等係冇ETC咭借嘅,但個別租車公司就會有,如ebudget、nippon rental car之類 ... btw 你哋晚餐嘅份量,對我哩講還可以,對大當家哩講,double就差唔多 ... 哈哈哈!
    [版主回覆11/26/2011 11:39:49]所以呢, 我老公都要加多件可樂餅至夠飽.
    [和豚媽媽回覆11/25/2011 23:40:58]補充 ... 北海道除外

    回覆刪除
  4. 丸明我每次去高山都會食1次, 都唔係好貴, 不過當然我地唔係叫最貴嗰款牛啦!
    [路過蜻蜓回覆11/26/2011 21:54:30]暈陀陀小肥, 我1人疲於奔命係九州啊, 高山係九州咩?? 前幾次同friend去丸明平均每人好似二百蚊以下, 不過係散叫, 樣樣叫啲! 多人去平啲, 你地2個人會貴啲囉!!
    [小肥回覆11/26/2011 12:27:26]??? 有d 唔妥. . . 隻昆蟲明明系話自己一隻 "疲於奔命" . . . 點解系 "我地唔係叫最貴嗰款牛 . . . " "我地 . . ." ???? . . . .=________="""
    [版主回覆11/26/2011 12:00:58]我睇d menu 每個定食都差不多 4,000円, 而且很多人等位, 加上答應個女要等埋佢一齊至食正野 :p. 所以果時日日都 post 我地果日食左d咩.

    回覆刪除
  5. 我第一次去高山都係食丸明,通常出名都會貴少少,ETC card 應該得北海道和九州某D租車公司先有得借,佢哋話冇係正常喎,你又唔應該大佢哋架,日本人一般都好老實,唔會呃你嘅。
    [版主回覆11/26/2011 12:07:12]咪係囉, 我之前問過blog友, 佢地都有, 無理由果間無, 結果係佢地攞張Form出黎叫我申請:(

    回覆刪除
  6. bB 黑色戰車, 我2次自駕都係比黑色車我。希望下次我可租到白色車。除左北海道, 日本其他地方, etc card唔係間間都有得租, 而且佢地都沒有說明有無得租, 我都係去到問下撞彩, 又點知有...其實我覺得佢地應該租埋比人啦, 租得車都會越穿州過省咁玩..
    [版主回覆11/26/2011 15:50:19]坐到, 佢內籠都好闊落, 後面兩個坐位拍低可以裝喼, 不過如果坐五個人加喼就驚唔係好夠力, 話晒都係 1,500cc車.
    [小zoo回覆11/26/2011 12:34:55]粉綠色Sienta 都好型喎~ e, 我想問, Sienta坐唔坐到5個人+2個o急呀?
    [小肥回覆11/26/2011 12:30:17]嘻嘻 . . ."白色車易骯髒" . . .咁鬼文雅 . . . 哈哈 "污遭" 得唁得 ??
    [版主回覆11/26/2011 12:15:26]近兩次都係黑色車, 白色都有兩次, 但係我最鍾意上次架粉綠色Sienta, 不過白色車易骯髒, 黑色好d.

    回覆刪除
  7. Wow ~ D拉麵真係好平喎 , 抵玩 . (間間都呢個價錢就發達哪) 黑色bB , 幾型仔呀 , 兩個人剛剛好 , 不過唔知點解 , 雖然我得一個人 , 不過比較鍾意大D既車XD . 聽過你講今次經常遇到落雨 , 都幾掃興 ... 牛舌呢家野 , 我真係未試過 , 真係咁好食 ? 飛驒牛 ~ 正喎 , Yeah !!
    [版主回覆12/02/2011 11:48:06]唔緊要噃, 日本d美食週圍都有, 我諗北海道一樣有其他做法的牛舌食.
    [man wai回覆12/01/2011 22:50:13]講到咁正 , 有機會真係要一試 , 不過支持住 "北海道" 先 , "仙台" 真係要下一Part 至得 , Thx ~
    [Yan回覆12/01/2011 22:15:01]日本牛舌真係好好食,當佢普通牛肉食,不要怕!仙台出名牛舌,有機會去食吓,支持吓佢哋!
    [版主回覆11/28/2011 09:10:03]唔知點解始終鍾情bB, 本來訂車時是訂Porte的, 但係訂完已經想改, 唔想浪費長途電話費, 去到時如果有得改就改, 大車始終食油同租車費貴, 所以選擇都係P2車, 牛舌去日本真係要試下, 佢地整得好好食, 但大前題係你唔抗拒食舌這種東西.

    回覆刪除
  8. 名古屋Sugakiya係名店呢!是一間主打平價拉麵和軟雪糕(兩者風馬牛不相及、人格分裂!)的庶民小食連鎖店,也是日遊窮人救星!哈!
    [版主回覆12/02/2011 11:52:40]我真係唔知佢咁出名, 上次都係因為想食拉麵覺得佢平至食, 今次去反而夾唔啱時間無食到.

    回覆刪除