2012年1月20日 星期五

14.13 豐田博物館 ~ 吃了閉門羹


二O一一年十一月十一日 (雨)

離開松本城兼程返名古屋, 一心前往豐田博物館, 途中停留的道之駅吃午餐.



另一個很大的道之駅.



只是普通的和牛串燒, 已經令人回味.


栗子包包, 原來是人氣食品.



山長路遠到達豐田博物館時已經四時許, 博物館關了門, 只有望門興嘆.



要求館內職員給我們入內看這架新型的概念車, 車子的燈光會變色.


古董的巴士.


2005年名古屋博覽會的概念巴士.




跟著回名古屋, 很怕揸車進入大城市, 由於很多高架路段, GPS 的指示會很混亂, 因為根本不知在上或在下, 上次回大阪已經錯過了路口, 今次也差點再上有料公路, 結果都是自己看路標才返到.

還車後前往車站的矢場豬扒吃馳名的味噌豬扒, 離去還多買一包肉碎回港, 撈麵吃一流.



跟著再吃一次名物手羽先, 因為不知道甚麼時候會再來.







14.12 松本市






11 則留言:

  1. 很怕揸車進入大城市, 好同意, 原來名古屋都係咁麻煩.........
    [版主回覆01/20/2012 20:29:50]係啊, 一揸到入去名古屋範圍, 明明在高架路, GPS以為在路面, 指示錯晒.

    回覆刪除
  2. 1. 睇到D串燒, 都有小小肚餓. 2. 好鍾意佢地概念巴士. 3. 我地差不多上HIGHWAY時, 都會有呢個情況. 就係付費同不用付費嘅路線同時出現. ( 一條係藍色, 一條係黃色). 黃色係不用付費.我地都要好小心睇清楚. 唔好行錯. 最初, 當然都有行錯啦. 4. 好鍾意食日本嘅雞翼. 所以見香港有個種汁, 就買嚟試整. 不過唔成功. (因為我用煎嘅方式,應該要炸.). 想再買個包汁再試, 但又唔係成日有得買.
    [版主回覆01/20/2012 20:46:59]1. 日本d串燒真係好得, 就算在這些道之駅都食到好好味既.2. 如果開門的話, 唔知有無得上去坐吓 3. 試過行錯, 俾多d錢固然唔抵, 最慘係嘥時間再兜過 4.我上次買過佢d味粉返黎洒喺炸雞翼度, 一樣有咁既效果.

    回覆刪除
  3. 哈!哈!原來你食了手羽先,好唔好味呀?
    [版主回覆01/22/2012 11:39:56]勁好味呀, 記住返名古屋食喎.

    回覆刪除
  4. 粟子包好似幾好喎!! 龍年祝你身體健康, 心想事成!!
    [版主回覆01/22/2012 14:58:49]大家咁話, 身體健康, 萬事勝意, 估唔到喺道之駅都要排隊買栗子包.

    回覆刪除
  5. 矢場DON 真係好得...出左幾粒瘡都值 :P
    [版主回覆01/22/2012 17:23:20]上年去名古屋因為時間關係無食到, 好在今次記得食番.

    回覆刪除
  6. 仲有2幾分鐘就龍年. 祝您年年返鄉下, 買野, 食野, 睇野, 樣樣順利.
    [版主回覆01/23/2012 21:32:33]大家咁話, 多d番鄉下促進經濟.

    回覆刪除
  7. 串和牛好正呀,流哂口水……啱啱踏入龍年,祝你龍精虎猛,繼續日遊食買玩!!
    [版主回覆01/23/2012 21:42:17]我都祝你年年返日本幾次, 仲有我地要祝美元高升, 日圓狂跌.

    回覆刪除
  8. 孖G妹、保羅及小新家族祝大家龍馬精神!龍精虎猛!龍體安康!行運一條龍!
    [版主回覆01/23/2012 21:45:09]祝你同保羅, 小新都龍年行大運, 身體健康.

    回覆刪除
  9. 恭祝你身體健康!
    [版主回覆01/24/2012 21:04:16]大家咁話, 祝你龍馬精神, 身體健康!!

    回覆刪除
  10. ,多謝你的分享,踏入龍年,祝新年進步,身體健康,萬事如意!! ~~ '''''''''' ~~~ 我又有新的手繪漫畫發佈 , 如果得閒黎我個YAHOO BLOG 睇下 ~~~ ''''''''''
    [版主回覆01/25/2012 21:30:52]多謝到訪, 恭祝新年行大運 ! 心想事成 ! 萬事勝意 ! 恭喜恭喜 !

    回覆刪除
  11. 拉麵 , 串燒 , 雞翼呀 , 睇到我好肚餓 , haha ... 呢次行程都幾多望門輕嘆喎 . =_= !!
    [版主回覆01/26/2012 09:33:31]每次旅行都有d 遺憾, 咁樣咪有藉口再去, yeah !!

    回覆刪除