2012年7月7日 星期六

2012 北海道, 輕井澤, 東京十八天 (大概行程)

Something old, something new, something borrowed.

這是我這些書的寫照, 看過後大概訂出一個 rough 行程.






因為今次會和女兒一起, 難得她肯同行, 當子女長大後與父母一起旅行的機會越來越少, 所以要等她一切定下來後才定到出發日期, 不過還是希望不會太冷的時候去.

今次預定十八日, 預計留北海道會是十至十一日.

第一日希望可以直飛札幌, 這樣便不用浪費一日的時間.

第二日會到旭川, 逗留兩天, 重點會是旭山動物園, 可惜十二月中才有小企鵝廵遊, 有可能遇不上, 另外想到三浦綾子紀念館, 讀書時期很喜歡她的小說, 差不多全部都看過," 冰點"這故事就是發生在旭川.

跟著到層雲峽, 04年那次已經想去, 但因為當時假期不太長的緣故沒有去, 08年夏天時總覺得層雲峽應該是秋冬才適合所以也沒有去. 這次到層雲峽可能留兩天然後到道東三湖, 阿寒湖去過所以只去屈斜路湖, 硫磺山和摩周湖, 應該共留三天.

接著再一次到釧路, 因為念念不忘丹頂鶴, 不過究竟有沒有機會看到也不知道, 但想去去白天的釧路, 因為上次只有晚上在釧路, 只見到黑漆漆的幣舞橋, 其次是一個很多人BBQ 的地方, 還有不大喜歡魚生但仍然會吃的勝手飯.

知床實在太遠和冬天太多地方會封路, 都是留待下次有機會夏天才去看花吧.

離開釧路會去十勝帶廣, 主要是為了"從愛的國度走向幸福" 也為了美味的豚肉飯, 另一地方是blog 友1733 去過的"熊人山" (但是還沒有資料), 回札幌如果有時間想經經美瑛, 看看沒有花的美瑛.

另一個想去的地方是"魚躍在花見" Chi Lam 同胡幸兒常去的燈塔, 但又不知道在那裡?

總之現在是在 plan 的階段, 只是一些出名的地方當然會去, 但是有些地方只是從其他的blog上看到, 所以地點尚在搜集中, 因為今次揸車日數會是最多的一次, 不想由一處到另一處地方揸太耐車, 而北海道的自動車道不多, 很多時會行國道, 比較費時.

回東京後會去多次輕井澤, 因為上次沒有預時間逛outlet一直被埋怨, 所以會去兩天, 順道去因為上次無做功課而miss的地方.

13 則留言:

  1. 原來你都有睇三浦綾子架!我都好鐘意佢,佢嘅書我全部睇哂
    [版主回覆07/10/2012 08:32:35]可以, 謝謝, 我去睇睇
    [和豚媽媽回覆07/09/2012 23:37:23]二手的簡体版可以嗎? http://damobooks.com/?ID=21366&set=sp
    [版主回覆07/09/2012 20:20:36]知唔知而家有無可能仲搵到綿羊山中譯本, 簡体都無所謂
    [路過蜻蜓回覆07/08/2012 23:10:37]我鍾意綿羊山多啲!!
    [路過蜻蜓回覆07/08/2012 23:09:55]冰點同綿羊山我都有睇, 好書!!
    [版主回覆07/08/2012 21:50:17]同你一樣, 讀書時都係睇佢地, 而家都一路有睇小說, 不過而家係日本推理小說, 狂迷東野圭吾, 仲有湊隹苗同乙一, 村上春樹就一啲啲故事.
    [和豚媽媽回覆07/07/2012 23:30:37]哈哈! 我同你一樣都係讀書時期睇架
    [版主回覆07/07/2012 23:02:20]日文定中文?喺邊度可以買到?
    [和豚媽媽回覆07/07/2012 21:40:24]绵羊山我翻睇咗三次!
    [版主回覆07/07/2012 21:11:26]我記得睇"冰點"同"綿羊山"都有喊
    [版主回覆07/07/2012 21:07:19]三浦綾子除咗"冰點"外, 我最鍾意"綿羊山", 因為讀書時係借既, 冰點可以買番黎再睇, 但綿羊山點都搵唔到, 就連台灣都揾唔到, 香港而家連圖書館都無得借, 前幾年買咗本日文版, 但睇得好辛苦

    回覆刪除
  2. 睇了12本書做參考,都米話唔辛苦。仲有你一定會睇埋好多blog友既料架啦?
    點解搵唔到"熊人山"既資料?
    你去sahoro resourt搵下就搵到架喇。
    不過,冬天去佢唔開噃,冬天佢會變左做滑雪場架。
    [1733回覆07/08/2012 00:02:19]我個人覺得呢度住呀,玩下勁正架。
    [版主回覆07/07/2012 23:13:59]其實本本寫既都差不多, 又想搵d其他地方, 所以問人借咗日本書睇吓, 至於"熊人山", 好多書都無講, 應該話書上十勝帶廣既資料好少, 但係我今次想玩多d嗰度, 原來"熊人山"冬天唔開, 我仲以為好似登別咁冬天都有得去.

    回覆刪除
  3. 嘩 ! 咁多書真係睇書都睇到頭暈,不過仲有好多時間 plan,可以睇得仔細o的、plan 得周詳o的,18 日 … 正呀 !
    [小肥回覆07/10/2012 13:14:24]哈哈. . . MISS 咗唔緊要. . 至緊要你肯走多轉. . .
    [版主回覆07/08/2012 12:40:08]你知我地成日俾小肥話唔溫書, 而家睇多啲書, 唔好去完返黎睇人地既blog至知道miss咗好多地方

    回覆刪除
  4. "魚躍在花見" Chi Lam 同胡幸兒常去的燈塔係道南嘅"恵山岬灯台" http://ja.wikipedia.org/wiki/%E6%81%B5%E5%B1%B1%E5%B2%AC%E7%81%AF%E5%8F%B0 (維基百科)
    除非係去函館,不過就算去函館都唔太順路,要特登揸車去,都會花不少時間。
    [版主回覆07/09/2012 20:12:50]自從睇完"惡人"套戲後就好想去有燈塔既地方
    [小肥回覆07/09/2012 09:47:41]嘿 . . . 11月去睇灯台 . . 真系會好鬼凍. . .
    [版主回覆07/08/2012 14:27:13]謝謝
    [3J 家庭回覆07/08/2012 13:57:45]你想去燈塔,其實如果你有仔細睇我俾你以上條link,網頁最下面嘅"関連項目"下面"日本の灯台50選"個表入面便有介紹北海道著名的灯台,你可以逐個click入去睇吓。
    不過根據你嘅行程,相信可能只有えりも町的襟裳岬灯台及室蘭的チキウ岬(地球岬)灯台(登別落少少),至於距離及需要時間,你自已計計。
    所有灯台都位於海邊十分空曠,會比較大風,如果冬天會好凍,你嗰段時間去要留意天氣及溫度。
    [版主回覆07/08/2012 12:46:25]唔知點解成日都以為嗰度係小肥想去既神威岬, 可能因為個燈塔, 今次想去一去燈塔, 喺道東有無啲類似既地方?

    回覆刪除
  5. 我買得最多旅遊書就係北海道. 見到印刷精美就會買. 而家會等真係去, 先買本UPDATE嘅. 希望您今次去番晒之前MISS咗嘅地方. 不過難得一家人去, 去邊都咁開心啦.
    [川廿口夫回覆07/08/2012 14:59:03]今次漏咗, 下次去番. 我都仲有好多地方未去.
    [版主回覆07/08/2012 12:58:22]自從11年頭嗰次返黎後已經各有各去, 好難得佢肯跟去就就吓啲時間, 橫掂都係租車, 多一個人感覺抵啲. 我成日都去漏地方, 好似睇咗你個blog至知道原來名古屋都好多地方無去到

    回覆刪除
  6. 其實去旅遊都無話去漏左邊一d既地方嘅。尤其是你唔會只係去一次嘛?
    [版主回覆07/08/2012 17:15:51]又係既, 咁就有藉口下次去多次

    回覆刪除
  7. 嘩!好充足的準備!與女兒一起十八日旅程,實在難得!
    [版主回覆07/09/2012 20:05:59]每次去旅行都想去好耐好耐, 唔想咁趕, 好似10至11年嗰次原本想去23日, 但係原來一個月票好貴, 所以18日已經是極限. 我諗再過一兩年個女已經唔會跟住去旅行, 所以點都就吓佢時間.

    回覆刪除
  8. 哈, 睇咁多本參考書, 我通常搵1, 2本睇就算, 反而多去人地啲BLOG睇行程!!
    [版主回覆07/09/2012 22:03:48]1733 你又去韓國揸車, 好羨慕你一年去幾次旅行, 喺韓國睇d圓圈交叉會唔會好難
    [版主回覆07/09/2012 19:55:12]蜻蜓, 1733, 其他人d blog 邊有你地嗰d 咁詳細, 寫埋點樣去, 見到可能只係地名同圖片, (我自己d都係) 所以見到仲要搵書或者上網再找.
    [1733回覆07/09/2012 06:55:00]我都覺得睇人地既blog可以睇到最新既資料。
    10月中左右我都會去韓國自駕遊,我都係時候睇睇人地既blog既資料喇。

    回覆刪除
  9. [版主回覆08/07/2012 12:13:14]唔該晒
    [小肥回覆08/07/2012 11:48:36]紅葉特集. . http://www.club-t.com/hokkaido/special/kouyou/index.htm?li=cSoB
    [版主回覆07/10/2012 20:49:43]你唔好再咁話佢啦, 佢個行程已經"林憶蓮"- 灰色, ahahaahaha............
    [路過蜻蜓回覆07/10/2012 15:59:34]Nerissa, 小肥個遊記, 最有印象既係"陰濕"技安踩扁左蜘蛛俠一幕, 哈哈哈
    [小肥回覆07/10/2012 13:15:51]小肥個行程又灰又暗 ?? 系又陰, 又濕先啱呀 . . .
    [路過蜻蜓回覆07/10/2012 09:55:51]"明燈"?? 小肥個行程又灰又暗, 點做"明燈"呢...
    [版主回覆07/09/2012 19:44:21]謝謝, 北海道大使.

    回覆刪除
  10. WA~去18日
    [版主回覆07/12/2012 12:54:11]去18日係想將個旅程拉長唔駛咁趕就唔會咁辛苦.

    回覆刪除
  11. 嘩, 去咁多日....
    第一張相開心自由出的書你都有(借返黎?), 我識個作者, 依加佢好少出關於日本的書了, 我係搵佢幫我搞機票架....不過依加都係上網搵資料比較多......
    [Niseko2000回覆07/12/2012 14:30:40]係呀, 啱啱書展佢地都有個booth....
    [版主回覆07/12/2012 13:01:34]你識"二號仔"?依兩本書係02年去北海道時買, 之後借咗俾人唔見咗一本, 最近又再次俾我買番, 我鍾意拎住本書劃, 所以喜愛睇書, 上網都只係參考, 最終咩都寫晒本書度.

    回覆刪除
  12. 嘩去咁多日好利害, 我最多嗰次都係去11日,北海道+東京.
    3年冇去日本, 今年我地終於可以再去, 仲帶多一份新成員去.仲有1個月就出發, 但所有行程都未PLAN.....
    你囡囡都大個啦, 趁佢仲肯跟你一齊去玩就多去幾次.
    [版主回覆07/23/2012 13:13:52]趁住而家仲係自由身去多幾日, 你都知去日本點會嫌多. 3年無影"班相", 今次去影番夠本, 其實你地都唔駛點plan, 都係去小朋友啱去既地方. 我個女佢啱啱至玩完關西返黎, 但係又想去北海道, 咁佢肯跟就俾佢跟, 好過叫極都唔肯去.

    回覆刪除
  13. Wow ~ 果然係 "博覽群經" 喎 , 十八日真係超羨慕呀 , 我每次去頂多都係十日咁大把 , 佩服 !

    [版主回覆07/25/2012 19:51:10]因為要落返東京, 所以要預多d時間, 喺北海道既時間同你其實差不多

    回覆刪除