俗語有云: 養兒一百歲, 長憂九十九, 或者都會切合自己的心情.
可能要由三年前的八月開始講起, 那時儘管覺得女兒的成績不會差到那裡, 但是仍然希望在會考放榜那個重要時刻陪著她一起面對, 剛好工作上的不愉快, 毅然辭去做了超過二十年的工作.
但結果她只得十三分, 就這樣撲了三天學校都沒有學位, 最後開了一次家庭會議, 與其可能只可以找到一些師資並不優良的私立學校, 浪費兩年時間到最後也可能進不了大學, 加上女兒希望讀些自己有興趣的科目, 她選擇了城大的副學士, 修讀日文與日本文化.
三年的課程完成, 她無法得到資助學位的 offer, 有的只是 self finance 的學位, 在現今的教育制度下, 那些學位讀完後也可能一無所有, 女兒的心願是到日本升學, 但是現在到日本讀書又談何容易, 況且現在真的經濟許可, 但是她還未曾決定自己的意向, 我們給她的意見是暫時出來做一陣子工, 趁這段時間想想自己的將來, 或許也儲一點錢, 雖然不是很多, 但總比無所事事好, 在現在很多青年都雙失的環境, 可能她懂日文的關係, 現在已經在一間比較高級的日本料理做兼職工作, 而她也樂意在那裡工作.
有時我們都會問自己, 是不是為她選錯了學校, 如果當初不是選了由小學直至中學的那間名校, 情況會不會不同? 是會更好還是更壞?
可能要由三年前的八月開始講起, 那時儘管覺得女兒的成績不會差到那裡, 但是仍然希望在會考放榜那個重要時刻陪著她一起面對, 剛好工作上的不愉快, 毅然辭去做了超過二十年的工作.
但結果她只得十三分, 就這樣撲了三天學校都沒有學位, 最後開了一次家庭會議, 與其可能只可以找到一些師資並不優良的私立學校, 浪費兩年時間到最後也可能進不了大學, 加上女兒希望讀些自己有興趣的科目, 她選擇了城大的副學士, 修讀日文與日本文化.
三年的課程完成, 她無法得到資助學位的 offer, 有的只是 self finance 的學位, 在現今的教育制度下, 那些學位讀完後也可能一無所有, 女兒的心願是到日本升學, 但是現在到日本讀書又談何容易, 況且現在真的經濟許可, 但是她還未曾決定自己的意向, 我們給她的意見是暫時出來做一陣子工, 趁這段時間想想自己的將來, 或許也儲一點錢, 雖然不是很多, 但總比無所事事好, 在現在很多青年都雙失的環境, 可能她懂日文的關係, 現在已經在一間比較高級的日本料理做兼職工作, 而她也樂意在那裡工作.
有時我們都會問自己, 是不是為她選錯了學校, 如果當初不是選了由小學直至中學的那間名校, 情況會不會不同? 是會更好還是更壞?
我非常之讚成你的女兒先出來工作，以賺取人生及工作經驗。這樣總會比較只顧讀書好上一萬倍。
回覆刪除[版主回覆08/14/2012 13:45:57]我都係咁諗, 與其不知道自己想點, 倒不如做吓工, 之後就會懂得讀書既好處, 自己去摸索應走既路, 我地嗰時都係自己搵出路無人幫.
個人意見就真係要慎重考慮俾個女去日本讀書！豚媽身邊有數十個朋友去左日本讀，一係未讀完就同日本仔结婚！一係就hea爆返嚟，份份工都做唔長！其中有個去日本讀設計，唔知點解返到嚟走左去做歌手，最惨就係做左幾個月又話唔玩！死未
回覆刪除[版主回覆08/14/2012 20:41:30]佢話而家做嗰度個日本廚師d 菜稍微有d唔滿意就俾咗佢地食, 同埋包食餐餐日本米, 而家係擔心會肥
[和豚媽媽回覆08/14/2012 19:27:02]豚媽以前打過2份日本仔工，都見識到唔少嘢！以前成日會覺得日本乜都好，到實際接觸過後就發覺原來做"港女"都唔差架！
[版主回覆08/14/2012 14:38:24]蜻蜓, 我都想佢嫁個日本人, 到時去日本包食宿, 唔知幾盞
[版主回覆08/14/2012 14:36:16]因為佢喺城大讀嗰科好多同學都去咗日本讀, 所以佢心思思都想去, 我都係咁話, 除非入到d名牌大學, 唔係返黎都無咩用, 講真而家喺香港日資公司都買少見少, 期望打日本仔工既希望都幾渺茫, 而家等佢喺間日本料理做吓, 接觸吓日本人先.
[路過蜻蜓回覆08/14/2012 09:01:11]同日本仔結婚? 好喎, 落地生根, 慳番好多機票錢, 做歌手都好喎, 呢個經驗唔係人人有架
而家啲後生真係好喇, 有父母同佢地傾下前途啊學業啊, 我以前全部都要自己諗自己決定(甚至中學揀邊一間都係), 因為會考實在俾我好大打擊, 所以之後都變得"是是但但", 哈哈
回覆刪除至於你有無為佢選錯學校,你揀左呢間, 就唔會知道你揀第二間條路喺點, 發展係好過定差過, 你都唔會知道, 所以無得諗番轉頭。
俾啲時間佢自己諗下自己想行條咩野路, 條路始終係佢自己既, 學下自己承擔責任, 跌下撞下先會成長同獨立架!!
[路過蜻蜓回覆08/14/2012 16:03:30]讀書呢家野真係好講當事人心態!! 放鬆啲啦朋友, 行行出狀元啊, 最緊要佢唔學壞, 活得開心咪得囉
[版主回覆08/14/2012 15:12:40]教育局成日話求學不是求分數, 但係會考十三分同十四分既分別就係十三分連攞張表黎填既機會都無, 怎不叫人沮喪
[版主回覆08/14/2012 14:52:11]有時真係好羨慕朋友的仔女, 好多都自動波讀書, 唔駛父母擔心. 其實一路以來我都無同佢講過我想佢點, 所以佢唔知道自己想點., 或者我只係希望佢可以一直讀上去, 但係而家不得不停落黎諗諗, 與其漫無目的咁讀上去, 不如搵到自己條路再行過.
[路過蜻蜓回覆08/14/2012 09:02:12]最重要係你嗰女想點, 唔係你地想佢點...
真係好開心, 以為就咁呻吓會舒服啲, 點知原來咁多朋友關心, 真係多謝晒 !
回覆刪除其實我想講白D既，不過就....................
回覆刪除[1733回覆08/16/2012 22:11:20]而家D後生仔就係少左遇上挫折既機會囉。
[版主回覆08/16/2012 16:44:50]我好認同你既觀點, 我地都係喺挫折中穫得經驗, 人生就係咁樣行落去, 有時我個女都會同我講佢啲同齡朋友唔肯面對現實令佢好激氣, 所以佢已經明白佢而家身處既位置, 我地可能只會在佢有需要時幫佢一把, 今後很多事情是要自己去面對, 好多謝你既寶貴意見.
[1733回覆08/15/2012 22:21:11]咁我要同D後生仔講下說話。唔係佢地生出黎之後就識得依賴父母既。可能係D父母為左滿足自己既慾望，就可以自己做編劇、導演，同時更要D小朋友做佢地既演員。
咁D小演員大個左之後，仲點有自己照顧自己既能力吖？
我欣賞你的女兒及你的做法。有時我地要識得放佢地行下、走下、趺下架，受少少傷對佢地都有好處既，只要唔好大傷就OK架喇。
經驗呢兩個字對我來說，就是遇上失敗，之後便認識失敗，再來就是盡量避免失敗囉！
[版主回覆08/15/2012 22:06:37]而家因為好多人都係一個起, 兩個止, 唔同以前我地咩都自己搞掂, 形成佢地咩都依賴父母同佢地搞掂, 呢幾年好多時自己都會放手俾佢自己做決定, 而家份工都係佢自己揾, 但係佢爸爸就成日驚佢唔慣, 而我就覺得試吓無妨, 好過之前佢幫銀行聽6000蚊d電話成日俾人鬧仲要返夜班.
[1733回覆08/15/2012 21:38:46]我覺得有一些年青人什麼都不懂，尤其是男仔。我想，這有可能是他/她們的父母在她/他們還年幼時，對她/他們太寵愛了。可能話簡直把她/他們放在溫室內養大。
有留意每年都有家長在校門前排隊，好讓子女可以入讀某校的中六。
讀中六，年齡都不會是十零歲啦！唉！
[版主回覆08/15/2012 14:56:03]無問題既, 我都想聽聽其他人既睇法, 請講
我而家的情況同你三年前都有的似，呀女成績讀唔到大學，佢身邊的同學個個都搵到個水泡，即係私家大學學位、副學士……，我唔讚成佢講，而佢就羨慕考得比她差的人都有書讀，我唔覺得佢明白一分耕耘、一分收獲的道理……有時唔係唔想比機會佢出國讀書，但怕佢Hea住來讀，唔知佢幾時先懂得珍惜和努力
回覆刪除[版主回覆08/16/2012 21:55:17]識消防員, 有d 奇怪?好似無咩關係
[和豚媽媽回覆08/16/2012 21:37:16]蜻蜓：你都唔熟行情，e家啲大醫生好多都搞gay架（我都識得有幾個係），不過做護士除咗識醫生之外仲可以識消防員嘅！
[版主回覆08/16/2012 16:48:46]蜻蜓, 其實你都好樂觀架, 但係你個blog就充斥著淡淡既哀愁
[路過蜻蜓回覆08/15/2012 23:07:04]收成績單嗰一刻, 心情跌到落谷底嗰個唔係我阿媽, 係我啊....
讀護士好啊, 可以識醫生, 哈哈
[版主回覆08/15/2012 19:10:53]讀nursing 好呀, 都識得有人d仔女讀, 將來既出路好好, 其實我個女係想讀寵物美容, 所以想去日本, 但始終覺得行頭窄, 唔係幾贊成.
[11回覆08/15/2012 18:28:56]佢依家等緊18號放榜，因之前in了OU的Nursing，聽日會去in HA 的 nursing 的HD如果唔得，佢話想repeat，等緊20號學校通知…大食人始終心軟，攞了假18號陪佢去看教育展，唔知點解，我們比佢當事人更緊張…好讚成你講那一句：俗語有云: 養兒一百歲, 長憂九十九。話你知，早幾日發夢，大食人起夢中同我講：「咁都收咗佢！」訓醒都開心了一陣……
[版主回覆08/15/2012 18:11:48]我一直好想問你個女既情況, 但係一路都唔好意思問, 三年前收成績嗰刻, 心情跌到落谷底, 我係好想佢可以讀到F7然後考A Level, 但係佢始終揀咗副學士, 雖然副學士的資格有d問題, 但係呢三年都讀得好開心, 我個女都好羨慕d同學出國讀書, 但係喺佢未決定讀咩之前, 我地都唔贊成貿貿然去, 浪費金錢更加浪費時間, 所以而家都係做吓野再決定, 不過我覺得你個女始終細d, 或者繼續讀日校比較好.