2012年11月5日 星期一

2012 北海道 (道央, 道東), 輕井澤, 東京十八天 (感言)

一向以來人比較懶散, 連旅行也不例外, 通常都是依照旅遊書, 連上網找資料都懶.

自從去年到立山開始, 在 Blog 上認識了一班同是熱愛旅遊的朋友, 尤其是前往日本, 從中獲得很多寶貴的資訊, 令這次的旅程很充實.

今次主要參考了在夏天剛剛從北海道回來的小肥(唔知點解最近好像隱形一樣, 唔見黎搭咀), 3J家庭, 11 和 編號, 還有 man wai, 孖G妹 和 1733 的資料, 令這次旅程去多了很多地方, 真是要多謝一番.


在出發前遇到中日關係惡化, 也有點担心會否影響到接觸日本人時他們的態度, 或者會排斥中國人, 原來担心是多餘的, 今次接觸到的日本人和以前沒有分別, 一樣是那般親切好客.

一直覺得自己出門都招風雨, 就是出發前網上 check 天氣也是一樣, 雨和雲總是跟著行程走, 已經有心理準備只要 18日中有一半好天已於願足矣, 可能之前旅行實在太多雨天, 今次除了第一晚到札幌落"狗屎"外, 在旭山動物園和輕井沢因為大雨而提早回程外, 一般的雨只在晚間或早上落, 無損心情與行程.

今次值得一提是前往定山溪途中見到彩虹, 常常羨慕別人見到彩虹又影到.


另一是見到一隻奔跑的野生狐狸, 還好捕捉到牠的神態.


還有今次去北海道知道一定會冷, 但怎也料想不到會下雪, 幸好這次租了 4WD 的越野車, 沒有重演上次福井的驚險情形.


佐幌近距離睇黑熊, 看了 1733 的 post 已經想去.


帶廣車站的豚丼, 雖然想吃的元祖定休, 但小肥介紹的這間也好味.




厚岸肥美的燒蠔, 是man wai 的推介.


1733 曾到過大雪山旭岳源水, 流下的源水裝滿三個水壺, 再裝多一樽水抺車.,


從 11 和 3J家庭見到深山峠的大衛像, 無論如何也要來看看, 從展望台眺望, 景色原來是那麼美.


3J家庭介紹的海胆強飯, 連不吃魚生也要試試.


也是 3J家庭介紹的石水天婦羅, 是吃過最好吃的.


為了朝聖, 一定要去孖G妹提到的宗谷號, 可惜不能上船參觀








18 則留言:

  1. 行程好豐富喎, 不過北海道...要再排下先!!
    以小肥既身形, 想隱形都難啦
    [版主回覆11/07/2012 14:32:37]月巴終於浦頭喇, 以為你去咗立山添
    [路過蜻蜓回覆11/07/2012 12:22:58]日頭?? 我之前個留言係晚上11:15喎......
    [小肥回覆11/07/2012 10:12:29]
    [版主回覆11/06/2012 14:25:21]北海道要去玩既地方實在太多, 十幾日眨吓眼就過, 今次既旅程俾我既感覺好充實, 或者係miss 咗既地方唔多, 冇咩地方要補飛.

    回覆刪除
  2. 唔駛客氣喎,我都係响其他人D遊記攞料咋...最緊要你食完都讚好...
    日本人素質好,明白事理,唔似得D強國人咁野蠻,宜家佢哋暫時唔去日本,不知幾開心
    帶廣車站間豚丼我响三井outlet北廣島都食過,都幾好架...
    睇落你今次遊程都幾順利喎...期待你嘅遊記
    [3J 家庭回覆11/07/2012 10:41:46]通常去之前有合意嘅我都會搵定食乜,唔駛哂時間,如果真係冇頭緒的話先到時搵
    強國人消費力強對做生意嗰D一定有影響,都冇計...
    [版主回覆11/06/2012 14:16:40]睇完你個blog真係識去食多好多野, 平時其實冇咩留意去食咩, 有時喺條街踱黎踱去都唔知去邊食.

    回覆刪除
  3. 元祖定休? 有藉口下次再去過.....
    真係好大雪......
    宗谷號, 係咪拍"南極大陸"那隻船? 木村主演的我大部份都有睇......
    [版主回覆11/06/2012 19:55:52]係囉, 咁啱去嗰日定休, 好在預早問定小肥仲有邊間介紹, 火車站嗰間都好好味, 至於再去既機會唔大, 因為帶廣實在太静, d 店舖又早閉店, 無地方好行

    回覆刪除

  4. [版主回覆11/07/2012 14:35:38]

    回覆刪除
  5. haha ... 估唔到我個名會出現 , 唔駛客氣喎 , 互相幫助 , 我D料咪又係其他Blog友度搵番黎 , 取之社會 , 用之社會嘛 .
    想問部車有冇雪呔架 ? 如果冇既話 , (雪地行)會否跣呔呢 ?
    另外想問 "宗谷號" 邊度架 ?
    等你既遊記 , 不過唔駛太急 , 慢功出細貨 .
    [版主回覆11/08/2012 12:52:17]部RUSH真係唔錯, 雖然冇雪呔, 但係4WD, 因為車身夠高, 所以行雪地都冇事, 我老公話如果加埋雪呔, 冬天既雪地應該冇問題, 唔似上次喺雪地揸bB咁跣到攤攤腰.
    宗谷號係喺台場船の科學館, 可惜我去到時入唔到去參觀.
    遊記真係要慢慢來, 因為淨揀相已經頭暈

    回覆刪除
  6. 已經下雪了!噢!遇到休息嗎?不能上船!
    [版主回覆11/09/2012 14:28:51]估唔到北海道既雪會落得咁早.
    可能因為船の科學館閉館, 不過蜻蜓都係閉館時去但上得船, 但外面又冇寫明.

    回覆刪除
  7. 真係話咁快就玩完返黎呀
    [版主回覆11/09/2012 21:39:38]返咗黎喇, 去玩d 時間過得特別快, 好彩今次係部四驅車, 唔係都要掉頭走, RUSH 唔算大車, 得1,500cc咋, 不過幾好力, 裝3 個人同埋d 行李上山都冇問題.

    回覆刪除
  8. 唔記得你既行程 , 想問今次你有冇去 "惠山岬" 果度呀 ?
    聽講係當年拍攝 "魚躍在花見" , 露天溫泉既取景地方 , 好靚架 ~
    [man wai回覆11/10/2012 23:36:34]Nerissa : 係架 , 果度真係好正架 , 只要佢唔關門 , 即使十號風球 , 一於照上可也 , haha ...
    [man wai回覆11/10/2012 23:32:42]3J家庭 : 正常既情況下 , 來年都未排到期去果度 , 多謝提供資料 .
    [版主回覆11/10/2012 13:40:13]我今次去神威岬都好似香港10號風球咁, 連車門都驚吹甩, 我驚到叫話要原車走唔好行, 不過我老公照行上去, 結果佢落黎之後話一定要上去睇, 唔係會後悔咁話.
    [3J 家庭回覆11/10/2012 09:57:59]man wai︰恵山岬灯台响函館http://ja.wikipedia.org/wiki/%E6%81%B5%E5%B1%B1%E5%B2%AC%E7%81%AF%E5%8F%B0
    由函館車揸車約1個鐘左右,如果你下次去函館的話,可以兜一轉,
    [man wai回覆11/09/2012 23:44:40]曾經聽人講過係積丹半島 "神威岬" 燈塔 , 不過未經證實 .
    至於呢個 "神威岬" , 上次去到(大風)食閉門羹 , 呢次又過門不入 , 在公在私都要去番次報仇雪恨 . (希望順利入到去啦)
    而明年暫定5月中出門 , 不過未落實 , 地點可能係 "青森" + "北海道" , 依家慢慢咁搵料中 ...
    [版主回覆11/09/2012 22:15:38]問過好多人都好似冇人知, 我記得曾經問過你添, 明年又去北海道?咁邊個季節去
    [man wai回覆11/09/2012 22:03:35]咁查唔查得出邊度 ? 如果順路既話 , 明年我或者可以去番趟喎 .
    [版主回覆11/09/2012 21:46:53]冇去呀, 不過我一直都想去"魚躍在花見" Chi Lam 同胡杏兒個燈塔

    回覆刪除
  9. 一句: 多謝支持 !!

    成班超級高手係度, 我都係睇佢地D 文拎料咋..

    大雪山咁快有雪....
    [版主回覆11/10/2012 13:26:58]係囉, 似乎真係太快, 還好之前plan係11月出發, 可能到時咩都變晒白色.
    [編號回覆11/09/2012 23:31:34]唔好唔記得個度咩都係快過人..
    [版主回覆11/09/2012 22:22:36]全靠班高手, 搵料唔駛咁辛苦, 去多好多地方, 食多好多好野
    我都估唔到上大雪山睇紅葉變咗睇雪

    回覆刪除
  10. 已經落雪了,好似好快經歷了唔同的季節,期待詳盡的報告
    [版主回覆11/10/2012 22:47:59]估唔到咁早有雪, 在北海道經歷秋冬兩季, 回到東京還似在夏天,
    今次只係去到釧路就上去道東兩湖, 冇去網走和知床.
    咁快又plan咗出年五月去北海道, 真係羨慕可以成日飛日本.

    回覆刪除
  11. 我係去日本旅遊的新丁,因為只去過一次日本而已。我有什麼地方可以幫到呢?
    不過,我就真係覺得參考blog友資料及旅遊書都是必須的。但blog友既旅遊資訊就update過旅遊書好多。同埋,在blog裏是互動的。
    [1733回覆11/15/2012 19:38:47]無錯。
    [版主回覆11/15/2012 11:31:39]如果唔係要晨咁早book 好晒酒店的話, 我諗d 行程仲會比較靈活.
    [1733回覆11/15/2012 06:47:39]我嗰日去高山溫泉,都係落雨,而家諗返起,我都好想再去多幾次呀。
    行程既野,係自己plan,所以幾時改行程,隨心所慾。千萬不要受行程而限制,當然,每天所入住的宿點我是不會改變的。
    [版主回覆11/14/2012 21:39:30]其實好多時plan咗既行程, 很多時因為天氣關係去唔到, 好似去之前問你攞過高山溫泉既資料, 本來諗住會去, 可惜去到層雲峽天氣唔好, 落緊雪雨, 最後決定唔去, 不過之後上唔到旭岳, 但沿途見到天人峽就去咗.
    [1733回覆11/14/2012 20:59:26]我去自駕遊,如果比我在途中睇到一D地方想去,我會開車去睇睇架。好似高山溫泉就係其中之一個例子喇!
    [版主回覆11/14/2012 13:37:17]雖然你只去過一次日本, 但係我喺你個blog度揾到幾個其他地方都未見過既景點, 而且係我自己好有興趣去, 例如熊人山.
    我都係覺得喺blog 係互動, 一有d 咩唔明白, 佢地會即時俾條link 就可以好清楚搵到, 加上有blog上有現場圖片就更易搵.

    回覆刪除
  12. 我都係在定山溪睇到彩紅,仲好大條及好近距離睇到添。
    [1733回覆11/14/2012 21:00:42]你真係好記性。
    [版主回覆11/14/2012 13:46:43]我都睇到你blog 度定山溪條彩虹, 今次本來想去埋水庫, 點知俾個GPS點咗去果園, 後來因為唔夠時間再去就放棄咗.

    回覆刪除
  13. [1733 曾到過大雪山旭岳源水, 流下的源水裝滿三個水壺, 再裝多一樽水抺車., ]
    我只入了水樽用黎飲,唔敢用黎抺車。
    [版主回覆12/11/2012 18:16:48]d 書真係冇提過呢個地方, 係喺你個blog 第一次見喎.
    [1733回覆12/11/2012 17:52:40]咁大頂帽送比我呀?
    [版主回覆12/11/2012 14:50:57]呢個景點係1733 既好介紹, 如果唔係我都唔識得去.
    [1733回覆12/11/2012 13:59:18]梗係, 仲好好飲添
    [黑貓回覆12/11/2012 10:55:59]真的飲得架?
    [版主回覆11/15/2012 11:34:18]哎呀, 可能我寫得唔清楚, 裝滿三個水壺, 再裝多一樽水抺車係我地呀.

    回覆刪除
  14. [佐幌近距離睇黑熊, 看了 1733 的 post 已經想去.]
    我看了你這一張照片,使我而家好想再去。
    [1733回覆11/15/2012 19:37:48]我都話你好記性架啦!
    [版主回覆11/15/2012 11:36:58]你寫你去熊人山個post 真係好吸引, 我記得我即問你唔住resort 可唔可以去到架.

    回覆刪除
  15. 我下年應該以呢個行程做胆,好大機會放棄民宿、温泉旅館,主力住スーパー,和トマム。

    回覆刪除
    回覆
    1. 但係呢個行程除咗旭山動物園外,好似唔係咁啱小朋友, 因為都好悶 :P 淨係睇景.

      刪除
    2. 我主要揾食住,玩野我自己要搞返。
      睇來道東唔做一泊二食,可能有D麻煩。:))

      刪除
    3. 有啲地方如果唔做一泊兩食真係有機會冇得食架。

      刪除