2012年12月28日 星期五

15.9 雨雪中的層雲峽


二O一二年十月十九日 ~ 第六天 (續) (雨雪)

離開津別峠, 向層雲峽進發, 來到兩個小時車程後的道之駅, 天氣仍然不錯.




在前往層雲峽的山路, 兩旁的樹木開始掛著薄薄一層的雪, 順著雨點飄來是片片的雪花, 氣溫一直下降.

到達層雲峽雙瀑台的土產店前, 第一件事並不是拿相機出來, 而是拿出旅行喼將 fleece 套入 Gore-Tex 外套內, 這樣便可以防風擋雨又保暖.

銀河瀑布.




流星瀑布, 此時因為雨開始大, 夾雜著雪花, 倍覺寒冷, 也不便走上雙瀑台, 只是躲進土產店內.



待雨勢稍為細少, 繼續前往大函.







去完大函, 本來跟著去大雪高原溫泉, 但是判定在這樣的天氣下, 而且車程也不短, 可能到時天已經黑了, 決定取消改到纜車站看看情形.

黑岳登山纜車站, 因天氣關係停開, 站內充滿失望的旅客, 希望明天天氣好轉, 讓我們有機會登山.




層雲峽溫泉街.






離開纜車站往酒店 check in 後便前往溫泉街搵食,因為同樣地我們也沒有訂晚餐,  初時想像溫泉街應該比不上登別, 但也應該像伊香保, 甚至銀山溫泉也可以. 怎知只是小小的一條街, 全街有三間食肆, 一間沒有營業, 另一間行完溫泉街回來已關了門, 為了不重蹈昨晚的覆轍, 於是急忙進去吃了便算, 那時是下午五時左右.



15.8 沒有阿寒的道東三湖 - 屈斜路湖

15.10 雪之黑岳

9 則留言:

  1. 我記得登別的溫泉街都是冇咩食的,不過遊人算多,不會冷清 … 但有o的就人影都唔多個,我喜歡熱鬧的溫泉街
    [ck 鼠回覆12/31/2012 22:54:15]我都係第一次去浸溫泉時尷尬o的,之後都算是習慣了,但就未試過( 亦唔想)同識得嘅人一齊浸…始終去日本唔浸溫泉,總係好似差左o的野咁 !
    [版主回覆12/31/2012 17:37:01]記憶中浸溫泉都係一次咁多, 都唔係話想浸, 而係間房無浴室而迫住要去浸, 所以而家訂房一定要有浴室同廁所.
    [3J 家庭回覆12/31/2012 15:38:45]我最初去日本住溫泉酒店都幾抗拒去大浴場,尤其最初係跟團去,一定唔會去浸,怕尷尬,後來到自由行時,由於係自己一個人去浸,入面嘅人完全唔識,咁就無所謂,宜家都習慣咗,但係依然都會唔想同識得嘅人一齊浸囉...
    [版主回覆12/31/2012 15:19:11]我地係check out 俾錢至知, 不過就算早知都唔會浸, 我地怕醜嘛.
    [11回覆12/30/2012 18:02:37]150Yen是入湯稅!比了錢點解唔浸
    [版主回覆12/29/2012 15:03:49]住嗰時酒店冇講話收入湯費, 而我地根本冇浸過, 只係埋單時多收每人150円叫入湯費, 見又唔係多錢所以冇同佢拗.
    [ck 鼠回覆12/29/2012 10:50:07]所以我咪話喜歡熱鬧的溫泉街囉 ! 代表多店鋪可以 shop 呀 !
    [版主回覆12/28/2012 18:11:34]月巴啱既, 食飽就浸, 訓醒又浸 因為嗰度根本冇得 shopping.
    我住咁多次酒店, 收入湯費都係第一次見.
    [小肥回覆12/28/2012 18:10:25]CK鼠
    [ck 鼠回覆12/28/2012 18:04:07]食飽就浸, 訓醒又浸唔係唔好,但係中間冇左 shopping 呢一 part,總有o的缺陷既 …
    [版主回覆12/28/2012 17:49:52]我喺層雲峽都冇浸過, 但酒店照收入湯費.
    [小肥回覆12/28/2012 17:45:18]
    [版主回覆12/28/2012 16:14:23]可能我地好少喺溫泉街度住, 所以總覺得應該有野食有野買, 原來夜晚人人都去咗浸溫泉, 冇咩人行街.

    回覆刪除

  2. [版主回覆12/28/2012 17:55:23]我喺層雲峽都係應該零度左右, 飄住雨雪凍到震, 最慘係冇預到咁鬼凍.

    回覆刪除
  3. 土產店早收我都可接受, 但連食肆都咁早收真係好難接受呀
    [版主回覆12/28/2012 21:12:53]可能住喺溫泉區既大多會一泊兩食, 好似我地咁要出黎搵食既係極少數, 所以天寒地凍都係早啲閂門好過.

    回覆刪除
  4. 我去雲層峽已經是兩年前既事,但睇你D照片。一點也沒變樣喎。
    [版主回覆12/28/2012 21:16:44]一般黎講日本好多地方都十年如一日, 唔會有太大改變, 更重要係佢地會保育地方, 唔會事事向錢看.

    回覆刪除
  5. 咦, 我記得好似留左言架, 無左既?
    層雲峽N前年2月嚟過, 流星滝都變埋雪條, 所以無野睇, 哈哈!!
    [版主回覆12/29/2012 15:09:02]咦.
    我地係幾條雪條望住冇變雪條既滝.

    回覆刪除
  6. 呢個 "道之駅" 都幾得意喎 , 成個主題公園咁款 , 有意思 .
    大函果度都幾好風景 , 唔錯呀 .
    最終有冇登山呀 ? 好心急想知呀 ...
    [man wai回覆12/31/2012 20:55:32]多謝 ~ 大家咁話 , 新一年事事如意 , Yeah !!
    [版主回覆12/31/2012 15:16:54]祝你新年快樂!!!!
    呢個道之駅好大吓, 不過唔記得個名.

    回覆刪除

  7. [版主回覆12/31/2012 15:08:16]多謝月巴, 我都祝你新年快樂!!!
    明天遊行, 我撐你.

    回覆刪除
  8. 其實唔上雙瀑台都唔係損失,分別只係一眼望哂兩條瀑布啫...
    我反而無行到層雲峽個溫泉街,好似連店鋪都唔多喎,係咪呢..
    [版主回覆12/31/2012 18:07:11]今次有架, 有豆沙包, 仲有一盒月餅.
    [3J 家庭回覆12/31/2012 17:41:29]咁你下次再去依D地方時,記住去便利店買定D杯麵、乾糧,萬一真係搵唔到食,都有嘢頂住
    [版主回覆12/31/2012 17:31:57]因為我地唔係咁食魚, 魚生就更加麻麻, 早餐又唔食日式, 所以訂房時通常唔訂食事, 平時住城市都好啲, 今次住鄉下就出事.
    [3J 家庭回覆12/31/2012 15:49:11]大家咁話...新年快樂...去多D日本
    去到D咁僻嘅地方唔訂晚餐搵食都幾麻煩,好多做完午市就收舖,一入夜人都唔多個,真係搵鬼去幫襯咩..
    [版主回覆12/31/2012 15:03:29]祝你同家人新年快樂!!!
    層雲峽個溫泉街好細, 全部只得十零間舖, 無咩地方行, 我去過既溫泉街中好似呢條都叫做細.

    回覆刪除
  9. 新年快樂呀!
    [版主回覆01/01/2013 15:09:07]新年快樂!

    回覆刪除