2013年1月20日 星期日

15.13 旭岳 ~ 大雪旭岳源水 と 天人峽


二O一二年十月二十一日 ~ 第八天 (續) (陰)

離開纜車站, 雖然偶爾有雪花飄落, 已經基本上離開了橫風橫雪的區域.

來到大雪旭岳源水, 完全沒有下過雪的跡象, 但只不過是不到二十分鐘的車程.









停車場停了很多貨 van 之類的車子, 很多人推著手推車, 將一樽樽裝滿泉水的水樽運回車上, 他們是將水自用, 用作食店用水還是作為瓶裝水出售.



我們也將帶來的三個水壺裝得滿滿, 更裝多一瓶拿來抹車, 給車子也嘗嘗泉水的滋味.


跟著進入源水的源頭, 赫然豎立了一塊這樣的警告牌, 當時真的走去問問工作人員, 答覆是沒有貼上日期便沒有問題.


大雪旭岳源水之源頭.



在大雪旭岳源水看到一張地圖標示天人峽, 見距離不是太遠便兜去看看, 因為之前沒想到要來, 甚麼資料也沒有, 只是依照路牌前往.

七福岩.



由於沒有資料, 沿途經過甚麼地方便不得而知.




直至車子到了盡頭已無路可行, 本來想去的羽衣の滝也沒有指示, 周圍便只有山環抱著, 遠處山上好像有水流下, 但是不是也無法求證.

車子停泊的地方是一間溫泉酒店, 酒店的露天風呂清楚可見, 還見到"楊貴妃"出浴呢.



雖然見不到羽衣の滝, 但離去途中山谷間倒是看到這不知名瀑布.




8 則留言:

  1. 呢度同上篇落大雪 , 真係差天共地 .
    呢度落山紅葉 , 正 ~
    你有冇試試D水 , 係咪真係咁正呀 ?
    [版主回覆01/21/2013 12:58:27]我地有飲d 水, 係咪咁正就唔係好識分, 不過就好清涼, 話晒都係雪山流落黎

    回覆刪除
  2. 呢度環境唔錯喎,山光水色,適合慢慢散策呀 ! 但唔知有冇公共交通工具可以入到黎呢 …
    [版主回覆01/21/2013 21:07:31]其實我去嗰時都叫做紅葉期, 只不過葉唔紅仲有少少鵝毛雪咁啦.
    [ck 鼠回覆01/21/2013 14:10:18]我講緊天人峽呀,有山有石有河流,現在景色已經唔錯,相信紅葉期去就一定更加壯觀,不過冇巴士到呢…就冇得去啦 !
    [版主回覆01/21/2013 13:01:30]你講既係大雪旭岳源水定天人峽?不過兩處都好似唔見巴士站

    回覆刪除

  3. [版主回覆01/21/2013 13:04:46]你講既係大雪旭岳源水定天人峽? 天人峽仲有好多溫泉, 不過露天風呂會俾外面既人睇到喎.

    回覆刪除
  4. 七福岩幾壯麗。
    [版主回覆01/23/2013 13:03:53]呢個係路過見到幾靚於是停車睇睇, 四圍人跡罕見.

    回覆刪除
  5. 有時無諗住去既地方,誤打誤撞去到都有驚喜架。
    [版主回覆01/23/2013 13:05:38]不過揾唔到羽衣の滝有點失望.

    回覆刪除
  6. 天人峽又係N年前既冬天嚟過, 不過已經無晒印象lu....
    [版主回覆01/24/2013 12:53:52]通常長假期都飛, 羨慕死人
    [路過蜻蜓回覆01/23/2013 14:04:19]度緊復活節, 不過都唔係北海道, 哈哈
    [版主回覆01/23/2013 13:07:27]好易啫, 蜻蜓拍吓對翼就飛啦.

    回覆刪除
  7. 上次真不知有個咁正地方, 又走漏眼 :(

    回覆刪除
    回覆
    1. 上次就係去之前睇晒1733北海道既 post 至識得去。

      刪除