2014年3月23日 星期日

過大海 ~ 澳門


二O一四年三月二十二日

上次過大海已經是 2011年, 很多時同人講去日本密過去澳門, 好像有點"大口氣", 但事實確是這樣.
香港人去澳門不外乎食之外, 相信很多地方已經熟過香港, 至於入賭場, 現在好像已經不是我們可以負擔得起的投注, 很多賭枱投注最少已經 500元, 間中有"大細枱" 也要 200元起, 但已經插針難入, 試問打工仔可以賭幾多鋪, 所謂小賭可以怡情, 已經冇這支歌仔唱, 落注已經好似賭身家, 這是我的感覺.

昨日乘九時的噴射飛航出發, 現在過大海原來交通費可以慳不少, 在碼頭已經有很多免費的 shuttle bus, 隨便想去那裡都總會有一架合適, 我們第一站是氹仔威尼斯人, 因為曼聯躉始終要去看看有甚麼可買, 縱使今季曼聯的戰績慘不忍睹.

威尼斯人




曼聯店

跟著從威尼斯人步行向官也街.

威尼斯人

銀河綜合度假城, 如果只是去官也街, 坐車到銀河會比較近.

氹仔



午餐想吃葡國菜, 其實官也街葡國菜之多, 隨便走進一家相信都會好吃, 而今次吃都有很久歷史的公雞葡國餐廳.









馬介休球

葡腸炒椰菜

蒜蓉包

白酒忌廉汁炒蜆

葡國瓦煲雞
吃完原本到大利來記吃豬扒包, 已經坐下預備落單, 怎知如果要吃豬扒豬仔包要兩點鐘, 當時只是十二時許, 唯有起身走, 因為不想裝下其他食物, 其實官也街也有很多店舖賣豬扒包和葡撻, 只是這間比較有名氣, 不然可以回香港上環也有分店.
然後步行龍環葡韻住宅博物館.

嘉模聖母堂




龍環葡韻住宅博物館


土生葡人之家



海島之家

這片原來是濕地公園, 我還以為是地盤積水






官也街, 受電視劇影響, 覺得鉅記比前更多人



跟著乘的士回新馬路, 原本銀河也有 shuttle 到新馬路, 不過剛好見到吉的士, 現在澳門要找的士很難.
始終都想到地標大三巴走走, 不然好像沒有來過澳門, 怎知上大三巴路上比旺角人群要多, 犯不著與人爭路, 轉到盧家大屋, 澳門雖然近年也興建了很多高樓大廈, 但是保育舊有文化遺產始終有誠意.

盧家大屋
話說盧家大屋附近很多售賣咖哩魚蛋和牛雜的小店, 可惜因為要留位置給晚餐只有放棄.



 








大堂前地


福隆新街, 這街很多吃魚翅的地方, 上次來時便在這裡吃過很平的魚翅


街尾就是售賣手信的地方, 不知為何今次覺得比較冷清
今次來澳的主要目的就是要來水佬榮食飯, 因為上次只有兩人吃不下花甲蟹煲, 所有今次三人來一定要試.



花甲蟹煲, 從未見過這麼大的花甲 ~ 時價

黃金蝦 ~ @MOP98

回程在十六浦索菲特大酒店坐車到碼頭
 每次過大海都會買很多食物, 以前會到咀香園, 今次湊熱鬧買鉅記





其他地方的花生糖


香記豬仔肉乾, 已經急不及待拆了吃
每次過大海都是覺得想食的東西太多而時間太少, 未及消化又想吃其他, 還有覺得物價升幅也很厲害, 消費比幾年前多了很多, 一天的消費比較日本有過之而無不及雖然交通費可以慳下來.

26 則留言:

  1. 果灘地盤水夏天有荷花架 :D

    回覆刪除
    回覆
    1. 係咪好似地盤水呢, 濕地公園邊有咁細架 :P

      刪除
    2. 我記得都幾綠吓。
      九月:
      https://lh5.googleusercontent.com/-egQDO7K7wXg/Uy6n2IY7iWI/AAAAAAAAO78/uiuR84q9fBk/s1600/IMG_1882.JPG

      刪除
    3. 有咁大咩, 實景望落好細喎 ;))

      刪除
    4. 氹仔個名既由來係咪就係哩個氹仔 =))

      刪除
    5. 未有威尼斯人前應該都幾大

      刪除
    6. 即是話威尼斯人係填氹填出來的 :))

      刪除
    7. 以前四大酒店塊地,應該係兩島之間海水。

      地盤水係故意唔填,話哂果度係舊建物景點。

      http://attach.kawiforums.com/2007/04/08/20070408152326-0-7632.jpg

      如果佢地來香港,可能會由尖咀填到灣仔。:))

      刪除
    8. 如果政府每年派一萬, 話之佢填平個維港都得 =))

      刪除
    9. 咁又唔得⋯⋯咁少,起碼每人派D賭場股份先啦。=))

      刪除
    10. 嘻嘻, 我滿足架喇, 每年津貼一萬俾我幫補日本既使費已經心足, 唔駛而家淨係見到 d "新"香港人至有錢派.

      刪除
    11. 話時話點解叫氹仔唔叫氹女, 女先要氹嘛 :D

      刪除
  2. 聽聞e家着住件勁聯波衫出黎行要好大勇氣 :D

    回覆刪除
  3. 我都好多年冇去過澳門,起碼 4、5年,你影的地方好熟口面,但其實我當年去完都唔知邊度打邊度、叫咩街了 :P 不過睇其他人的 blog 都知澳門物價越來越高,所以更加沒打算去了 !

    回覆刪除
    回覆
    1. 今次去覺得啲野貴咗好多, 普通一個葡撻十元, 豬扒包三十元, 連飲杯野都二十五元, 仲係企喺度食咋, 唔計買手信, 根本今次去一日連船票既消費可以等於喺日本用兩日仲要多, 所以冇乜特別野都應該兩三年後再會去.

      刪除
  4. 唔好話200元, 我100元都唔捨得下注::mm1581

    回覆刪除
    回覆
    1. 嗰時入賭場都會細細地玩吓, 而家既感覺係賭身家, 玩唔起 :(

      刪除
    2. 嘿, 細細地玩老虎機囉, 上次我個friend擺100蚊玩5仙嗰隻老虎機, 唔夠十舖就嬴左千幾蚊, 好運到呢.....

      刪除
    3. 真係只有老虎機先啱我玩, 當係機舖入錢打機, 輸左無咩問題, 嬴左就當bonus;;)

      刪除
    4. 唔知我係咪 out 得滯, 新既老虎機我完全唔識點玩, 兩間賭場廵咗兩圈, 都搵唔到我識玩既 :P

      刪除
    5. 老虎機唔係拉個掣或按個掣就得咩, 仲要再複雜既我都真係唔識玩::_1554

      刪除
    6. 我見而家啲老虎機前面好多個掣,舊時嗰啲逐個銀入,而家就入一張紙幣,都唔知點玩 :P

      刪除
    7. 以前拉落嚟個隻好玩啲, 而家只係扲掣, 無咁好feel!!

      刪除
    8. 所以我鍾意一路入/收錢一路拉嗰種, 仲要有錢跌落黎鬼殺咁嘈.

      刪除