2014年6月5日 星期四

2014 台北 ~ 西門町 & 台北車站

寫台北, 其實更多人比我更熟, 今次又沒有特別的地方去過, 況且天天下雨, 所以都幾行貨.

五月十九日(星期一) 早機到達桃園機場, 因為沒有計劃甚麼行程, 加上下雨, 也不怎樣匆忙, 從航班降落已經一粒鐘仍然逗留在機場.

裝修後的桃園機場第一航廈.



今次住在西門町的萬事達旅店二館, 本來想住回 2011年住過的東龍大飯店, 因為上次回來老公說那酒店有些不自在, 而今次只有我和女兒兩人, 所以也不便住東龍.
這間酒店門面不大, 但房間尚算闊落乾淨, 加上地點方便, 價錢不貴可以接受.








西門町街頭中華路.



台北 アニメイト. 現在香港也陸陸續續開了幾間, 論規模台灣香港怎也比不上日本.




老天祿滷味, 整天都人山人海.


晚上停了雨去了士林, 十多年後再來, 街道沒怎變, 但熟食市場已經搬遷到附近.


台北很多 ABC-MART, 不過價錢比日本貴.


從士林坐捷運回台北車站, 途中在一個站停了很久, 甚至有時連車廂的燈也熄滅, 廣播說前幾站突發事件, 叫趕時間的乘客改乘其他交通工具, 但是很多人都是靜靜地等, 沒有像香港那般有些甚麼都鼓譟一番.


第三天 (五月二十一日, 星期三) 從淡水回來經過西門町有條小巷建築物小火, 很多消防車趕到.








其實當天還有一件震驚兩岸三地的大新聞 - 捷運屠夫, 當時我們是在板南線的台北車站候車回西門町, 事件發生在兩個站後的龍山寺站至江子翠站.

台北台鐵車站.




這間基隆本舖的鳳梨酥, 終於在台北車站地下街有分店了.



最後一天 (五月二十三日, 星期五) 在台北, 幸好整天沒有怎樣下雨.

西門町.




來台灣十多次記憶中第一次影西門紅樓.




機場的候機室, 竟然有"膠劇"西遊記的裝飾.




2014 台北食。Hea。玩五天 ~ 美食


34 則留言:

  1. 最尾候機室你點解覺得係“膠劇”裝飾?

    回覆刪除
    回覆
    1. 裝飾的級數同品味拍得住無線套膠劇...XD

      刪除
    2. コーさん,你唔覺得好似花果山咩?
      Hitomi,我都覺得堂堂一個國際機場候機室整到咁樣啲品味差啲。

      刪除
    3. :)) 我淨係睇到士多啤梨蘋果橙。
      可能你講套「膠劇」,我一秒都無睇過,連promo都無。

      刪除
    4. 套「膠劇」一開始做,我就立即熄電視,唔係誇張,第一集時望o左幾眼,覺得唔舒服,所以之後即熄 :P

      刪除
    5. 我識好多人都冇睇啦, 唔知點解仲唔腰斬, 搞到我晚晚電視新聞送飯, 睇新聞又成日見到啲乞人憎既人, 篤眼篤鼻 ::_2115

      刪除
  2. 楂萬事得住萬事達 ^^ 大小姐試左架新 M3 2.0未呀? 內籠幾正 :D

    回覆刪除
    回覆
    1. 揸萬事得住萬事達有折嘛 :))
      再買車都唔會買萬事得,因為港島區冇晒維修服務中心,有乜事下下要過土瓜灣好麻煩 :(

      刪除
  3. 西門町 …… 我有 10 年冇去了 ^^"

    回覆刪除
    回覆
    1. 西門町已經變咗好多, 台北去幾日行吓食吓都唔錯.

      刪除
  4. 回覆
    1. 大小姐今個月都去東京hea,邊度仲記得台北呢?

      刪除
    2. 仲有, 仲有, 呢篇係西門町 & 台北車站之嘛 8-> 宜蘭同故宮會遲dd.
      宜家仲諗緊東京hea 行程, 睇吓抽唔抽到時間搵日去輕井沢 ::ee5092

      刪除
    3. 我見你連候機室都出埋, 以為你1篇攪掂, 哈哈!!
      去輕井澤1個鐘之嘛, 梗係去啦!! >:)

      刪除
    4. 作者已經移除這則留言。

      刪除
    5. 今日喺你個blog度留言, 扲完掣佢都出2次.....

      刪除
    6. 出2次咁奇怪, 我喺其他人度留言冇喎, 唔通有人攪野 ::mm1566 , 你去第二度留言有冇出2次? 莫非有二度空間 ::kk3192

      刪除
    7. 唔記得喺標題加埋台北機場添 :))
      去輕井澤唔係1個鐘既問題, 係錢既問題, 兩個人新幹線來回要兩万円, 巴士兩個人來回都要過万円仲要成三粒鐘一程, 咁不如揸車, 不過揸車要求人嘛 ::_353

      刪除
    8. 一張PASS八千幾三日,好抵喇喎。

      刪除
    9. 係喎,唔記得 pass 添,又有得諗諗 :)

      刪除
    10. 有時間去埋成田山新勝寺都得(JR成田駅)。

      http://www.tripadvisor.jp/pages/InboundAttraction_2014.html

      刪除
    11. 我都試過,撳咗發佈無咗影,再撳就變咗post兩次。

      我十幾年前第一次去,住華西街,返嚟俾人笑我住紅燈區添。

      刪除
    12. コーさん,我到第一晩已經會住成田。

      刪除
    13. Fai 哥,我第一次去華西街係N年前,嗰時仲係紅燈區,一條巷兩旁係平房,小姐企喺門口,啲男人經過要㩒住眼鏡呀,筆呀,如果俾小姐攞咗入去要攞番就大鑊 :D

      刪除
    14. 哈哈, 你買得個pass就唔會hea啦, 只怕你愈去愈遠, 愈玩愈忙咋 !! >:)

      刪除
    15. 今年富士山好好景,飛多次即日河口湖啦,又或者去伊東。

      刪除
    16. 蜻蜓, 所以我一定唔會買 pass, 費事 hea 變趕頭趕命 ;)

      刪除
    17. コーさん, 如果唔係富士返來會塞車, 我係想去御殿場, 其實輕井沢又好, 御殿場又好, 都係想去 outlet 買野咋.

      刪除
    18. 東京周邊有十個八個outlet,唔洗一定去咁遠?
      好多都有高速巴士直達,例如MOP木更津?

      刪除
    19. 你係成田出入,預啲時間去酒々井?
      http://www.premiumoutlets.co.jp/shisui/

      刪除
    20. 我想去一啲大既 outlet, 三井嗰啲細少少, 唔該晒你提議既酒々井, 而家諗緊啲時間, 因為第二日會由成田去池袋, 走時 pack 好晒喼又唔係好方便. ::mm1613

      刪除
  5. 你咁多地方想去,東京個trip都幾難hea...
    台灣都有6年未去過,台北基本上係飲飲食食,再去想去台中,不過硬係無乜心機去plan台灣行程,有時諗不如跟團去算囉...

    回覆刪除
    回覆
    1. 東京個trip plan plan 吓原來都唔係剩好多時間行街.
      我成日諗如果唔去台北去台灣其他地方既話, 我好想跟師公1733 去一次, 到時真係乜都唔駛理 :))

      刪除