2015年2月25日 星期三

Yama Dog 山路行 ~ 南丫島 (日落紅霞)

恭祝各位人日快樂 !!!


二O一五年二月十二日

很久沒有去過南丫島, 據聞現在的南丫島已經被強國人淪陷, 選擇不在假期前往, 除了希望遊人會比較少些外, 假日船費也有很大因素, 果然那班船充斥著此起彼落的刨冬瓜聲, 塞著耳機是一個不錯的提議.
起初預定會回到市區才吃晚飯, 因為夜後差不多要兩小時才一班船, 幸好最後也選擇留下來吃, 竟然給我們看到特別的天文現象.

到達碼頭剛好錯過了一班船, 下一班要在一小時後才開出, 百無聊賴地在碼頭拖著茶々行行重行行, 起初覺得天氣不是那麼好.



終於等到入閘, 今次會由榕樹灣行至索罟灣.



抵達南丫島榕樹灣.



遠處是南丫發電廠的三支煙囪.



沿著南丫島家樂徑前往索罟灣, 會經過洪聖爺沙灘.


可能已經很多年沒有來榕樹灣, 街道熱鬧了很多, 多了各式各樣的小店.


也有古舊的建築.



出名的建興阿婆豆腐花, 很多人到這裡也會歇歇吃一碗才繼續行程.


已經繞到發電廠的另一端.


天色越來越好.


第一個地點是南丫風采發電站, 吸引的是那座發電的風車, 雖然日本很多, 但在香港還是罕見.



前往的道路雖然是一般平路沒有石級, 但是一路上斜, 也花了點力氣, 而且是轉了一彎又一彎也望不到目的地, 不知怎樣有少許氣餒, 幸好一路上是藍天白雲.


茶々也有點累.



好像去了熱帶國度.


終於風車在望.


南丫風采發電站


茶々到此一遊.











很大的標示禁止狗隻內進, 香港實在有太多的地方狗兒不可以踏足.




數據顯示輸出的電力.


雲兒很特別.






遠景是華富邨和華貴邨.



自從開始行山後, 發覺香港的藍天日子也不少, 可能是秋冬的天氣比較好.







除了華富邨和華貴邨外, 連貝沙灣也望見.









抵達洪聖爺灣.










山頂觀景亭.


差不多到達索罟灣.






這兒的景觀完全不像香港境內.






索罟灣大大小小的漁排與海鮮酒家, 難得見到香港的海水清澈見底.





這裡的消防龍頭很特別, 除了紅色外還有銀色.


神風洞 ~ 相傳第二次世界大戰時, 日軍佔據香港後, 在南丫島進行了秘密的軍事計劃, 於模達灣, 索罟灣及蘆鬚城一帶挖了很多巖洞, 讓其"神風敢死隊"收藏突擊快艇進行突襲.




對面已經是鴨脷洲.



海水清澈連水下的藻類也清晰可見.



索罟灣天后宮.










天色很美.



繼續前往模達灣.




模達灣.



街渡前往香港仔.


索罟灣沿岸的海鮮酒家, 當日雖然只是年廿四, 但很多酒家已收爐, 所以初時打算坐船回中環, 因為五點半的渡輪後, 下班船已經要到七點半, 幸好最後都選擇留下, 結果看到了美麗的日落景色.


南丫島漁民文化村.



坐進海鮮酒家裡面, 因為當時顧客不多, 老闆安排了望海位置, 太陽開始下山.


雲彩有些特別, 老闆也說這樣很少見.










金黃色的落霞.



太陽落山後, 天空出現粉紅色的晚霞.


粉藍色中帶著粉紅色 ~ 日落紅霞, 原來香港比較少見.





這晚的海鮮餐不過不失, 以三百多元的價錢算不錯, 加上看到美麗的日落是此刻無價.

椒鹽鮮魷

黑胡椒海蝦

紫菜海皇羹



入夜後很多人專誠坐船來索罟灣晚飯, 也有私人遊艇前來, 如果不是很多酒家已經收爐, 相信更為熱鬧.


Yama Dog 山路行 ~ 鰂魚涌至黃泥涌峽 (港島徑第五段)







33 則留言:

  1. 本來聖誕節假期間我們也打算到南丫島走走的,可惜當天落雨去不成

    回覆刪除
    回覆
    1. 得閒你都去行o下喇,啲路都唔係好難行。
      近幾年去南丫島主要都係喺索罟灣食飯,咁樣行好耐冇試過。

      刪除
  2. 九十年代我在南丫島工作過,你今日行既路線,我以前成日都要行。如果book唔到船,仲要趕船添。

    回覆刪除
    回覆
    1. 師公唔通喺港燈做?南丫島返工舟車勞頓都好辛苦喎,嗰時應該未有而家啲快船。

      刪除
    2. 我唔係在港燈做呀!當時我做離島民政事務處呀!當時我既工作轄區是南丫島和浦台島。
      無錯,嗰時係無快船架。不過如果book到政府船,我地都會坐政府船既,不過就好多時都book唔到。而office就在中上環既海港政府合署。做外勤既時候就要搭船和行山。

      刪除
    3. 原來唔駛日日去南丫島既;因為以前做間公司係港燈南丫發電廠個sub-contractor, 有幾個同事要長駐喺南丫島,所以都以為你都係做港燈。
      蒲台島都好正,可惜冇定期班次既船去,我都好耐冇去想去行o下。

      刪除
    4. 我地唔可能日日都做戶外,因為仲有好大量既文書工作要做。
      當時我地出site就一定會攞埋背包,內裝與工作有關的資料,風衣,傘,太陽油,水等。因為如果搭渡輪,8點幾船,去到南丫島都9點幾,一路做野。如果由島既北部即榕樹灣行去南部即索灣行到終點都12點幾1點,有時要趕航班,仲要急步或跑。大熱天時,好多時又遇上雨。冬天又勁大風。

      刪除
    5. 做政府工好吖, 多假期嘛.
      返工好似去行山咁都幾好, 唔駛日日坐喺寫字樓咁悶, 即係師公而家冇做離島民政事務處, 咁仲係咪民政事務處度做? 好似你地成日調部門喎 :)

      刪除
    6. 97後先至聽到有人話做政府工好。97前話比人知做份政府工,人地會話你無出色架。
      如果好似你咁抱住個行山心情,天朗氣清咁行就係好架。但唔係呢?都唔知幾想快D行完返office做野。
      我而家去左元朗嚕。
      我唔係調部門,係調區咋。

      刪除
    7. 唔係喎, 出黎做工我已經好想做政府工, 不過唔係咁易入 :(
      咁即係去到元朗民政事務處咪見到師公你囉 ;)

      刪除
    8. 你塊考AO就梗係更難啦。
      係呀!你幾時嚟搵我呀?

      刪除
    9. 等我做完而家份 contract, 平日得閒可以入元朗行吓, 我都七八年冇去元朗, 不過都要過埋個六月.

      刪除
    10. 等你。我請你去一間餐廳食飯,坐戶外可以同小狗一齊坐架。

      刪除
    11. 到時仲可以約埋コーさん添

      刪除
    12. 多謝師公,コーさん我負責約,到時再 contact 你。

      刪除
    13. 係呀,師公預埋你呀。

      刪除
  3. 天外紅霞如抹錦 檻邊桃杏斗新妝
    盈眸煙熳誰居首 美酒頻斟且酌量

    大小姐, 点解個太陽變左型? 仲勁過北海道四方太陽 :D

    回覆刪除
    回覆
    1. 好文采,t 先生,不過唔係好識解 :P
      我都唔知點解個太陽變咗形,呢個太陽勁過北海道個四方太陽,因為好多隻角 :))

      刪除
    2. 唔係好文采, 而係支中簽 :D
      揾個解簽佬解解佢
      https://hk.knowledge.yahoo.com/question/question?qid=7009050301749

      刪除
    3. 點解你咁快就揾到段簽文出黎?

      刪除
  4. 乜唔係有海鮮打包咩?

    銀色消防頭,我估裝完唔記得噴油吧!

    回覆刪除
    回覆
    1. 除紅色或黃色外,也有一些綠色或銀色的消防栓,當中綠色代表使用經處理的污水,而銀色則代表該栓未能交由消防處使用。

      刪除
    2. 係喎 コーさん,唔記得 call 你出黎 IFC 拎打包海鮮添 :))

      刪除
    3. 消防龍頭都有 wiki :D

      刪除
    4. 我冇諗過一個消防栓都咁多學問 #-o

      刪除
    5. 紅色係淡水、黃色係海水。

      刪除
    6. 又知道多樣野咯 :-bd

      刪除
    7. 嘻嘻, 有水放水, 無水散水 :D

      刪除
  5. 彩霞好靚!! 我嗰日放工都見到, 不過無得影!! :((

    回覆刪除
    回覆
    1. 所以個酒家老闆叫我地坐望海張枱,佢都話咁既雲霞好少見。

      刪除