2015年4月12日 星期日

Yama Dog ない山路行 ~ 灣仔至香港仔

二O一五年三月二十九日

港島東的行山徑已經行得七七八八, 想起很多年前行過的灣仔峽, 當年是中秋節, 吃完飯後摸黑上山, 尤記得當時女兒很小, 不知那來勇氣行這一段路, 由於知道從灣仔上寶雲道一段異常斜會行得辛苦, 所以不便帶同茶々一起.

由灣仔石水渠街藍屋開始經過堅尼地道上寶雲道.


藍屋, 假日有導賞團參觀.


開始行上堅尼地道.



到達寶雲道, 向左行可到姻緣石, 直上就是灣仔峽, 向右可以行往中區.


樹縫可見皇后大道東的高樓.


寶雲道休憩處.






沿寶雲道向東行可到達姻緣石



再上差不多到達灣仔峽有條荷蘭徑, 是否寓意行到這裡"好X勁" =))






到達灣仔峽, 當女兒還小的時候, 假日常到灣仔峽公園打鞦韆, 因為有停車位, 而鞦韆的數目很多, 通常不用排隊玩, 不過現在已經改建, 鞦韆的數目減少了很多, 附近的警隊博物館是夏天過冷河的地方.


警隊博物館, 當年還是菲林機時代, 原來一張相片也沒有影過.


指揮交通的亭.



很奇怪這亭放了雜物, 明明都是警察更亭.


灣仔峽警署模型, 亦即現在警隊博物館.



車大砲.



警隊博物館, 裡面也是禁止攝影.






經香港仔郊野公園段前往香港仔.



已經望見香港仔.


香港仔水塘









回望山頂豪宅.


香港仔水塘郊野公園的燒烤地點, 經過時香氣飄來, 原來已經很多年沒有 BBQ了.


整段路連入警隊博物館過冷河都只是行了兩個半小時, 行了 10216 步, 行完這段後, 覺得可以帶茶々從香港仔上而灣仔落, 這樣行的話似乎並不太辛苦.







20 則留言:

  1. 灣仔至香港仔呢條山路我以前成日行的,因為我住香港仔的嘛 :D
    不過我每次都係由香港仔行到灣仔,以前細個就係爸爸帶我地一家人行,媽咪會整定o的雞翼腸仔在中途野餐,而家大個後就多數係我同 Ricky 兩個人行,對上一次就係 2011 年立山之旅前行,為行立山作準備 :))

    回覆刪除
    回覆
    1. 我覺得由香港仔行去灣仔冇咁索氣。
      而家仲係住香港仔?

      刪除
    2. 係呀 :D 所以年年都會去水塘 BBQ 的

      刪除
    3. 未結婚前老公住喺華富,所以都成日去香港仔,而家佢地全家搬晒去東區就比較少去,同埋謝記又執埋,連去既藉口都冇埋,今次去到覺得多咗好多人,又好多車。

      刪除
    4. 係囉 ! 冇o左謝記,而家我仲好掛住佢o的炸魚片 8-> 以前成日都會買小半條返屋企咬的
      而家香港仔何止多咗人呀 ! 更加多o既係國語人呀 !! :-w

      刪除
    5. 上次落到香港仔想食o下野都唔知食乜,見到舊時謝記附近間翠華都排晒長龍,冇理由入到香港仔仲食麥記啩,想揾南記又唔記得喺邊度,結果都係坐番4A出灣仔食。就係由謝記行去坐小巴條路覺得周街都係人。

      刪除
  2. 聽聞警隊博物館內有老虎頭, 有無見到?

    回覆刪除
  3. 起點响我公司對面,咁近我都唔知。

    回覆刪除
    回覆
    1. 係喎, 你講過喺呢頭返工, 石水渠街? 唔通係嗰間醫館? 原來食過夜粥 >:)

      刪除
    2. wakaka, 附近商業大廈咋。

      刪除
    3. 好多時我都會去灣仔, 下次等我周圍"目及"吓會唔會見到你先.因為我都曾經喺街撞過 blog 友 :-h

      刪除
    4. 捕獲阿輝? 最好時間係逢星期一至五,下晝一至二O(∩_∩)O。

      你嚟開我請你食飯又點話!

      刪除
    5. 多謝晒,輝哥。夾夾埋埋而家已經好多人話會請我食飯!
      我呢,通常就會避開一至二呢啲黃金時間,12點半前或者兩點後如果喺灣仔呢頭我會食鳯城豬扒米或者金鳯。

      刪除
    6. 金鳯有乜問題?成日都好多人架。

      刪除
    7. 鳳城豬扒都係我至愛,不過我貪心,加埋水餃雙拼。

      金鳳就一般啦。我寧願行遠啲食華星光速餐。

      刪除
    8. 行到華星咁遠就好多選擇,有豪華,北海道牧場,仲有大利清湯腩,講起都流晒口水添。

      刪除
  4. 以前藍屋行番落嚟有間starbucks, 我成日去架!!

    回覆刪除
    回覆
    1. 我印象中好似已經由綠色轉咗紅色。

      刪除