2015年4月18日 星期六

Yama Dog ない山路行 ~ 大帽山郊野公園至深井


二O一五年四月十七日

自從沒有做長工之後, 一直做的三四個月的合約短工, 做工的心情一直是過客一般沒有歸屬感也不想要, 直到今年農曆年前做的這一份, 可能由於是和做長工那間同一集團關係, 做工文化很相似, 而且有過之而無不及.
今天早上公司全體員工開會, 下午安排了遠足晚飯直落, 第一次做工用返工時間出去 outing, 變相是放了半日假, 遠足也不是強制參加, 不參加的便可以放工或者晚餐時間再加入.
他們選擇了由大帽山郊野公園經清快塘至深井, 一條並不難行的行山徑.

首先是在西鐵荃灣西站乘 51 號巴士到大帽山郊野公園管理處下車開始行.

西鐵荃灣西站附近的荃灣廣場,





這幾天天氣如秋天地天朗氣清, 是一般在春天少見的天氣;
好像已經很久沒有一班人行山, 回想應該是女兒出世之前, 而且今次是離開港島的行山徑.


五星旗, 軍營?






很喜歡走在綠葉成蔭的路上.






遠望荃灣市中心, 可惜山上頗大霞氣, 否則連港島也看得清楚.







越野單車徑路段, 偶爾有單車疾馳而過.


蓮花山, 以為只在廣東.


下面是石崗.





路邊發現一個蟻穴, 裡面是成千上萬的螞蟻, 望見也有點不寒而慄.



樹木做成美麗的構圖.














很快便到達清快塘.



轉下這些小徑, 另一種行山感覺.








盛放的花朵, 總覺得今年香港的花開得非常燦爛, 就算走在路上抬頭看到人家種的或是野生的都很漂亮.




蓮塘很多蓮花, 可能遲些開得燦爛時整個蓮塘會很美.









遠處已是汀九橋與青馬大橋, 換言之距離燒鵝已不遠.



下山的路.














飛機航道所在, 頻率也很密, 住這裡有一定的噪音.



經過一間天地父母廟.



來到深井目的當然是那隻美味的燒鵝.



結果全程行了三粒鐘,  計步器顯示行了 19682步, 原來與行龍脊差不多.



18 則留言:

  1. 大小姐呢次踩過界, 香港人過新界仲係去大山 :D 上星期日我都經過大帽山, 不過係去嘉道理
    勒杜鵑一年開幾次花, 見得多就唔覺得佢靚, 唔知裕記燒鵝宜家賣幾銀隻

    回覆刪除
    回覆
    1. 嘉道理農場係咪要申請至入到去?
      嗰啲花原來叫勒杜鵑,成日見不過都覺得好靚,我住既屋苑都有種,總係好鍾意呢種色。
      其實我地冇喺裕記食,因為公司訂咗幾圍要有貴賓房佢地度冇仲要食完即走,唔啱公司搞 function。

      刪除
    2. 嘉道理唔駛申請, 去到放低三兜就入得去, 記得已前都係十蚊雞, 宜家入場時仲有人問你坐唔坐車上觀音山, 應該係已包埋票價, 仲有果D唔算係荷花, 係睡蓮應該叫蓮花, 荷花唔同蓮花, 荷花有蓮子, 蓮花無蓮子 :D
      深井陳記五,六年前都幫襯過都成380隻燒鵝, 裕記就97年食過180隻, 果時路口條坑渠真係污糟到死

      刪除
    3. 我咸豐年去過嘉道理, 嗰時冇個人遊, 一定係團體, 我地因為識個工作人員, 於是可以星期六喺裡面住一晚跟住第日佢揸農場既車車我地上到嗰時最高, 即係舊中環郵局四支大柱, 不過而家仲喺唔喺度? 跟住落山逐個點去, 啲旅行團嗰時至入到.
      而家嘉道理有冇泊車位?

      刪除
    4. 荷花同蓮花原來有唔同, 我仲以為係名稱有分別咋 :P
      深井我都有四五年冇去, 上次去睇到青馬橋夜景好靚, 啲燒鵝幾多錢冇晒印象, 淨係記得冇泊車入裕記停車場, 外面既停車場好貴.
      第一次入深井又係咸豐年, 嗰時泊喺爛地, 之後有人行埋黎收陀地費.

      刪除
    5. http://www.npc.edu.hk/staff/~ngtungying/album/album10_kfbg.htm

      刪除
    6. 入口前些旁有個車場, 不過我見對面車踣巴士站前都有人泊車, 我係坐西鐵, 錦上路轉64K門口落車, 亦有人喺前一個站落先去凌雲寺再去觀音山然後落嘉道理
      https://www.google.com.hk/maps/@22.433981,114.11785,3a,75y,62.24h,65.49t/data=!3m4!1e1!3m2!1s8PzT6AYSa0MEv9bt8lr9ag!2e0?hl=zh-TW
      聽聞觀音山個噴氣口已前係有暖氣, 確實又幾神奇

      刪除
    7. 唔該晒, t 先生.
      有暖氣, 唔通有溫泉 :))

      刪除
    8. 嘉道理農場閒日去接受網上申請開車入去架。不過而家有無改到我就唔知,最好去佢既網頁睇左先。

      刪除
    9. 可以開車入去咁盞,如果有時間去行行都幾好 :)

      刪除
  2. 公司安排遠足晚飯直落~真係未聽過有咁為員工健康著想的公司XD

    回覆刪除
    回覆
    1. 我都係第一次遇到公司會將辦公時間去行山,通常都係星期六、日至去。

      刪除
  3. 辦公時間行山咁正, 有無秘書空缺,有既通知聲,哈哈!>:)

    回覆刪除
    回覆
    1. 哈哈,成間公司都冇一個 post 叫秘書,個個都係一腳踢 :D

      刪除
    2. 我已經係打雜喎,一間公司得一個咋 :))

      刪除
  4. 真有趣可以在這裏見到你分享的點滴 BR Dennis

    回覆刪除