2015年9月21日 星期一

念金雀 ~ 未能由花樣年華走到2046

「未能與你走到2046,榮幸與你渡過花樣年華。」~ 金雀餐廳結業聲明

今早在朦朦朧朧中聽到林海峰說金雀餐廳結業的消息時也以為是發夢, 直至見到女兒發的很多流淚公仔的 whats App 才知是真, 最近去銅鑼灣常常都心思思想去吃晚飯, 不過就是因為懶由百德新街行到蘭芳道而告吹, 結果就是女兒去日本之前吃的一次變成最後一次幫襯.


結婚初期至女兒出世, 曾經做了一段時期 "無飯主婦", 那時在金鐘返工, 放工後到灣仔或者銅鑼灣吃飯至為方便.

初時最喜歡是到利園山道的皇后飯店, 那時王家衛的 "阿飛正傳"還未拍攝所以客人不多, 通常入內已經有位, 後來由於"阿飛正傳"效應越來越難搵位, 同時價錢越來越貴, 最重要是後來因為拆樓關係搬遷, 在新開的地方覺得已經沒有以前食開的味道所以越來越少去.

之後便改到金雀餐廳, (雖然後來金雀餐廳也曾被王家衛看中拍了"花樣年華"與"2046", 幸好之後價錢沒有大改變只是隨著生活指數而上升, 所以也一直幫襯到現在).

但凡到銅鑼灣想不到要吃甚麼時就會想起金雀, 更介紹了很多朋友到這裡, 在這間餐廳最喜歡吃的是全餐, 因為會多一味用白汁煮的魚, 那魚的味道已經不能在其他地方找到, 全餐由最初的四五十元到現在的一百四五十元, 而常餐與全餐的分別只是多十元而"多舊魚", 由女兒很小只會是吃全餐裡的魚及雪糕新地到可以自己完全吃一個全餐, 原來已經幫襯了廿多年, 所以對這次結業不無唏噓 !




14 則留言:

  1. 回覆
    1. 好似四位股東既糾紛,希望遲一啲可以傾掂數開番 :)

      刪除
    2. e, 皇家胃都係跟住大小姐揾場景, 下次會唔會到和幸 :D
      四五十蚊做到一百四五十蚊, 如果係自己舖就佢地都好無良喎 :D

      刪除
    3. t 先生, 而家應該冇乜呢類型既餐廳囉 :( 印象中剩番太子間金鳳餐廳.
      如果廿年由四五十蚊做到一百四五十蚊都唔過份嘅, 樓價都翻咗十幾倍.

      刪除
    4. E, 金鳳同佢係咪同一個老細啊? 果間似架步多過似餐廳 :D
      入面黑媽媽, 跌左隻小強入D嘢食度都以為係豆豉 @@

      刪除
    5. 吓,同一個老細?咁係咪應該快啲去食!唔係又執埋。
      美X都有小強,反而黑媽媽睇唔到當唔知 :P

      刪除
    6. 無去過食飯呀!我年青時住九龍,後來就搬左入新界住。所以好少去港島。

      刪除
    7. 係喎,新界人好少去港島,同我呢個港島人都好少過海一樣 ^^

      刪除
    8. 我都曾在港島工作過,不過放工就返屋企,無周維去。

      刪除
    9. 我有時都會過海食飯嘅,不過只限鐵路沿線 :P

      刪除
    10. 有時都去元朗飲茶添。

      刪除