2015年11月27日 星期五

2015 秋季大旅行之四國, 關西, 東京之旅 ~ 買物



因為今次搭 LCC 關係行李是每人計, 雖然已經每人買了 25kg 行李, 但要分配每隻喼的重量, 所以做成每隻喼根本未滿也不敢再放東西, 幸好最後都分配平均不用 check in 時要過喼, 甚至有一人行李一件 10.8kg 和一件 14.2kg just made.

給茶々畫了一幅卡通, 很多朋友都說神似.


茶々的衫仔玩具, 衫仔是女兒上月到大阪時買的可惜買大了, 幸好今次會到大阪所以可以拿去換.


茶々的去街袋, 話說見到這袋是在四國的高松, 可惜那裡不設退稅, 於是店員打電話給原宿分店幫我們留起然後我們到東京才買.


茶々的去街背囊, 這隻比之前買的輕便, 方便帶牠行山.


用品與零食.



無心插柳的打邊爐卡式爐, 是在遠在四國的琴平所買, 剛巧在酒店對面的 AEON 做特價, 因為很薄和價錢才三千多所以沒多大考慮便買了, 怎知到達機場才發覺原來卡式爐不能上機, 而雲哩那需要乘客在 check in 後多留十分鐘沒有問題才可以離開, 結果見到放卡式爐的喼後面那件行李停在行李帶很久, 幸好最後都順利拿回港.



花洒頭與厠紙架.


認錯以為是家裡用的型號大特價, 結果相差很遠.


門簾與枱布.


今治的毛巾, 連買毛巾都買到可以退稅.


大的毛巾給女兒留在東京用.


Nikon 的精品, 鏡頭是暖杯.


大 F 的 nanoblock, 女兒花了兩天砌成.


水撥, 燈胆與螺旋 cover.


買這酒是因為那個樽.



買肥妹公仔時老闆將瘦的那個送了給我.







連龜龜都有小小龜糧做手信.






土產食物, 很多是女兒留在東京食的.







小豆島的橄欖油產品.




一直以來江瑤柱都是在北海道買的, 不過剛好用完而在不久的將來也沒有計劃去, 所以惟有在東京買.









23 則留言:

  1. 哇~~~ 大豐收 ^^
    茶々張畫像好靚呀, like like like
    卡式爐咁靚仔, 見到都想買

    回覆刪除
    回覆
    1. 因為知道有地方畫卡通畫, 所以專登帶埋張相去, 但始終都係要返番東京至有得畫.
      如果知道隻卡式爐唔俾上機都可能唔會買.

      刪除
  2. 回覆
    1. [ 強 ] 既代價係返黎貼咗好多日 "撒隆巴斯" :(

      刪除
  3. 滿載而歸,依馬打薄邊爐,上海街見過,不過要三舊水,托得好!

    回覆刪除
    回覆
    1. check 番原來係2980, 正價都係4094, 不過如果知道可能唔俾上機我諗當時可能唔會買 ^^

      刪除
  4. 手提 gas 爐 喺七八十年代係高科技產品

    回覆刪除
    回覆
    1. 而家差不多每家人都會有一個用黎"十吓十吓"

      刪除
  5. 嘩嘩嘩。水撥,花灑頭,gas爐,厠紙架。巧勁。XD

    回覆刪除
    回覆
    1. 同埋LCC一般是合計,我通常三個人先買最大30KG. 唔夠再加。雲呢,UO,都是合計數不計量。

      Peach例外。

      刪除
    2. 麻麻勁啦 :))
      我去時搭 UO 條友話行李係跟人,一人20kg 喎,話我地雖然一個冇事但是另一個人超標,不過唔多就算數。
      返港時雲哩那嗰個又話要逐件行李磅,隔離兩個磅一齊加埋。

      刪除
  6. 兩公婆出發去咁多日唔帶大行李箱? 好多日用品XDDD

    回覆刪除
    回覆
    1. 因為大嗰個個女拎咗去日本 :)
      其實呢啲輭身喼輕身又可以裝得好多架,不過未裝爆但係已經就超重 :(

      刪除
  7. 超愛睇的戰利品篇 :D
    茶々的卡通畫像好靚呀 ! 方便話我知邊度有得畫嗎 ? 我都想幫忌廉或者我們一家畫一張,貴嗎 ? 需時耐不耐 ? 因我怕不夠時間逗留呢,thx !
    另外茶々的衫仔好靚,如果有小童甚至大人款的就更好了 ::mm1581
    今治的毛巾,睇到我都好想買 >:)

    回覆刪除
    回覆
    1. 呢啲畫好多地方都有,多摩既Hello Kitty Land 都有,我個女以前都喺度畫過.
      茶々既卡通畫係喺台場Venus Fort 1/F Family度畫,唔係店舖裡面而係行人通道既檔口,如果畫忌廉要預備張相,佢可以同你全家一齊畫,如果你地全家唔係用相而即場畫我諗會耐少少,我俾相佢畫用咗大概半小時不過要睇吓當時多唔多人畫,等候時間可以喺商場四處行出吓血>:)
      http://www.venusfort.co.jp/multi/tw/floormap/1f.html
      張畫2700加裝畫筒1000(裝畫筒可以自備),全部加稅3996.

      刪除
    2. 如果去四國真係要去今治買毛巾,買得多可以寄返黎架>:)

      刪除
    3. 唔該晒你呀 ! 忌廉年紀大了,而且雙眼已經睇唔到野,所以好希望畫張全家幅留念 8->

      刪除
    4. 唔駛唔該,呢啲卡通畫應該大城市都有,我叔仔就喺大阪心齋橋畫,所以你可以留意吓北海道札幌小樽有冇,唔駛一定專登去台場.

      刪除
  8. E, 我喺郁得巴士買左個人花洒頭原來同大小姐買果個完全一樣

    回覆刪除
    回覆
    1. 我喺東京手買,冇辦法我屋企啲高齡樓水壓唔夠一定要用低水壓花灑,香港買既貴,所以呢幾年都係喺日本買。

      刪除