2016年1月22日 星期五

19.11 四万十川 ~ 佐田沈下橋と船形屋

四万十川被諭為「日本最後の清流」


二O一五年十一月六日 (陰)

昨晚抵達民宿時看見附近有間經營遊覽四万十川屋形船的商店, 可是已經閂了門, 詢問民宿老闆娘原來這間已經停止營業, 於是拜託老闆娘幫忙預訂其他屋形船, 老闆娘問了我們預算乘船時間後很快便預約了民宿附近佐田沈下橋的 さこや屋形舟.

離開安並水車の里來到佐田沈下橋, 迎接我們的是一隻流浪小貓咪, 小貓咪見到女兒後便一直黐著她不願離開.

佐田沈下橋








來到登船地點看不到有其他人, 原來船伕只在有預訂的時間才前來, 所以一定要預約.






船伕和太太在川中捉魚和蝦.


屋形船.







小貓咪.


陀地的肥貓, 主人是屋形船船伕, 牠守著通道不許小貓咪超越半步.



整艘船只有我們一家所以非常舒服.



船伕從開船一刻便一直與女兒談話, 所以女兒說真正的四万十川她好像沒有看清楚.
船伕問我們有沒有吃四万十的鄉土料理, 當告知我們吃的是家庭料理店時他覺得很可惜, 他說就是不吃外面的鄉土料理也要吃民宿老闆娘做的料理因為他吃過覺得非常好.



船伕請我們吃之前從四万十川捉來的蝦, 名為"手長エビ炭火焼", 燒後的蝦連殼也可以吃.




四万十川的沿途景色, 船伕說如果是晴天的話河水是清澈見底, 也可以看見四万十川的名物鰻魚.



其他屋形船坐了很多人, 甚至有旅行團.













悠閒地渡過了一小時的船程, 結束後便要離開四万十川, 而這地方是整個四國旅程中最喜歡的, 希望有機會可以再來及品嚐民宿老闆娘做的鄉土料理.





19.10 四万十 ~ 安並水車の里


19.12 足摺岬 ~ 灯台と金剛福寺




28 則留言:

  1. 第二幅的貓尾形狀及船倒景嗰兩幅,超美。

    回覆刪除
    回覆
    1. 多謝.
      我都冇留意條貓尾,見到隻貓行緊黎即用電話影連相機仔都拎唔切出黎.

      刪除
  2. 哩度感覺非常好喎!一個鐘收費要幾多錢呀?

    回覆刪除
    回覆
    1. 遊呢條川好舒服,每個人兩千円,所以我地六千円就包咗隻船:)

      刪除
  3. 得幾隻蝦唔夠喉~有無得在船形屋上開大餐? (LUNCH / DINNER)

    回覆刪除
    回覆
    1. 好似食多啲就要收錢, 我地都唔知有得食係船伕話啱啱捉到幾隻請我地食.
      船形屋上有得開餐, 好似加多千五至三千円, 都係要預約時講定.
      http://shimanto-sakoya.moo.jp/new1004.html#label3

      刪除
  4. 小貓好可愛
    如果昨在網走破冰船見到運航中就好

    回覆刪除
    回覆
    1. t先生,道東既路開通咗?

      刪除
    2. 前日道東主要國道都開通, 我由中標津町去砂湯再去弟子屈住宿一晚, 再上斜里去網走然後去女滿別夜機落東京

      刪除
    3. 你而家喺東京?東京都好凍喎,不過香港仲凍:))

      刪除
    4. 即係你冇喺千歲返東京?喺女滿別走係原先計劃定因為大風雪?

      刪除
    5. 今午去過靖國神社, 屋頂同地下仲有D未溶哂嘅雪

      刪除
    6. 有去N記博物館, 有部 D5 display
      仲有去睇忠犬八公

      刪除
    7. 行程係釧路入網走走

      刪除
    8. 之前我個女話東京都好大雪,交通大混亂,佢要早一粒鐘出門口返工。
      部D5有冇得拎上手玩吓?
      八千公,涉谷嗰隻?

      刪除
    9. 好彩網走走,如果唔係要返札幌就麻煩。

      刪除
    10. D5 擺喺果排相機鏡頭最尾個位, 當然只係得個睇字
      呢隻八千公係有顔色, 涉谷嗰隻都有去睇, 反而對出果D斑馬線變成景點

      刪除
    11. 哦,跟年份擺嗰個display 。
      品川有八千公?

      刪除
  5. 响船食埋飯係咪都係一個鐘?食得嚟咪睇唔切景?

    包船好開心。倒影嗰幾幅超靚,再多少少好天氣就無敵嘞。

    回覆刪除
    回覆
    1. 如果喺船食埋飯就會有兩個鐘船程,一邊食一邊睇風景我諗會好寫意:)
      其實嗰日冇落雨已經好開心,因為前一晚好似落狗屎咁。
      隻船冇其他人可以好free,由船頭行去船尾再由船尾行返去船頭都唔會阻到人:D

      刪除
  6. 好鍾意第一張相. 我去個陣好似全程見唔到有船屋.

    回覆刪除
    回覆
    1. 可能嗰日好天所以幾多人遊川, 同埋有啲船(好似我地坐呢隻)要有人約至會開.

      刪除
  7. 呢度一定要去, 不過都要下次...
    隻貓超肥, 好可愛!!

    回覆刪除
    回覆
    1. 搵次去高知連埋四万十囉,趁而家未淪陷要去先,如果唔係遲啲多人去條四万十川塞船呀:))

      刪除
  8. 第一張相好靚,好似幅畫咁 :x
    呢度都好想去,睇嚟要跟你嘅行程走一轉 ~X(

    回覆刪除
    回覆
    1. 睇黎最後都要出篇景點既map code同電話號碼::_342

      刪除