2016年6月27日 星期一

2016 一個人在途上 ~ 關東遊蕩 - 小小總結 x 撮影

今次是婚後第二次獨自去旅行, 有了上次的經驗, 一個人住一間房已沒有那麼樣害怕, 貫徹不開電視的習慣, 每晚回酒店第一件事是開了電腦上網聽港台的節目 "風騷快活人", 叫房間有點熟悉的聲音.

因為女兒四時放學六時要返工的關係, 為了要與她一起吃晚飯, 在她要返工的日子就是去了其他地方都會盡量四點前回到東京, 所以有兩天我們是下午四點半已經在吃晚飯, 而在返港的前一天更在晚上十一時出外與她到居酒屋宵夜至凌晨十二時多, 這是去日本以來的第一次.

可能平日與老公一齊不會太早出門口, 但今次因為要早點趕回東京, 相對早了時間出去, 剛好遇上早上繁忙的通勤時間, 那天去鎌倉坐的湘南新宿線上了車跟本動彈不得, 擠迫到簡直不用扶手也不會跌, 覺得自己一路上由池袋去到新宿都 "堅尼地", 就算那時要打乞嗤都不可能掩到口鼻, 更枉論如果遇到某些有企圖的人, 後來與女兒談起, 她說通常上車前已做好保護姿勢, 因為不可能中途轉變形態 :))

另外見識到日本人的排隊文化, 可能近年去的地方都比較少人, 很少需要輪候一段時間才可以入場, 不過今次在鎌倉的長谷寺便要等候一個半小時才入到寺內, 就是入去裡面也人山人海所以最後都是放棄. 另一處是美少女戰士展, 當日去的時候是星期六還要是最後兩天, 到達六本木時要等兩小時, 於是唯有離去晚上再折返晚飯後再入場, 晚餐的餐廳竟然是對著亮燈的鐵塔, 這也是去日本以來的第一次.

日立



鎌倉





橫浜



六本木





鐵塔


淺草


後話 :

香港地鐵的優先座常給人詬病給普通人霸佔著沒有讓座, 今次便見到一個強國大媽帶著一個小女孩在電車車門一開便衝入車廂裡面的優先座前, 滿以為日本人一定會讓座給她們, 怎知無論她們怎樣做, 坐著的人都視而不見.
女兒現在打工的是一間大型的百貨連鎖店, 她說差不多每天都捉到三至四單的竊賊, 而且清一色都是強國人, 最犀利的一次是從賊仔的袋內搜出二十多萬円的物品, 不過這些都已經計算在成本, 結果在強國人爆買的情況下公司都是賺錢的.
另外說蠻不講理的也不是強國人的專利, 女兒便見過有香港人沒有帶護照但野蠻地要求退稅, 她們說護照那麼貴重的物品當然是留在酒店裡, 吹脹 !!!!!!!!






20 則留言:

  1. 班強個人偷咩多? 捉到會報警?

    回覆刪除
    回覆
    1. 個女冇講偷乜,可能都係垃垃雜雜順手牽羊,佢地嗰間舖頭乜都有得買.
      捉到係會報警,試過有警察搵我個女做翻譯,講講吓佢聽唔掂啲強國話都係要搵返嗰度做既中國留學生幫手.

      刪除
  2. 強國人令人討厭,但香港人亦都一樣,係喎﹗一個在房,開住收音機有熟識的聲音,就忘記了身在異地^_^

    回覆刪除
    回覆
    1. 係呀,個節目3 小時剛好返到酒店執吓野沖埋涼聽完就瞓得覺 :D

      刪除
  3. 今次去大型電器舖都見到很多電器加了防盜。

    回覆刪除
    回覆
    1. 而家覺得佢地防範咗好多,有冇留意藥房啲藥係空盒,到俾錢時至換盒真野。
      仲有唔記得講我用咗 JR pass 咁多次,今次有一次行過後俾個站員叫返轉頭認真去睇我張証既日期有冇 expired -_-!

      刪除
    2. 上次一路向西就次次都check pass,今次南九州有幾次見我攞住個pass就比我過><

      刪除
    3. 我諗唔止強國人,應該都有拎住 pass 既人搏懵,所以日本仔而家嚴謹好多,自從嗰次佢 check 完之後,過親閘都"隊"埋去俾佢睇清楚 ^^

      刪除
  4. 強國人的行為,去到邊都令人討厭!

    回覆刪除
    回覆
    1. 佢地有錢買野既態度已經丟臉,冇錢偷野就更加丟臉。

      刪除
  5. 所以我幾咁懷念早期自由行去日本旅遊嗰種感覺,情願用身體語言去同日本人溝通總好過宜家搵D人同你用普通話溝通,將香港人當做強國人看待

    回覆刪除
    回覆
    1. 我都好懷念嗰啲日子,至少行得舒服啲唔會咁逼,同埋週圍都充斥住財大氣粗既強國話,不過佢地都係為咗賺人仔冇辦法,全世界都要為五斗米折腰 :(

      刪除
    2. 鬼叫日本經濟差咩,以前好時根本唔自在你班遊客,宜家班強國人財雄勢大,又捨得買,唔搵佢哋錢都唔得喇,唯有死死地忍佢哋囉...

      刪除
    3. 就黎會好似香港咁,老細賺到笑呵呵,前線員工做到面黑黑,已經發覺佢地既笑容少咗,多咗機械式.
      仲有今次去池袋一間食過好多次早餐既咖啡店,去到見到執咗,以前好少見日本既小店會唔做.

      刪除
  6. 我都係星期六去美少女戰士展,六點鬆啲去到,寫住排一個鐘,但實際八、九個字上到去嘞。

    夜景真係幾靚。

    無品嘅遊客我又覺得不分國籍喎,總之去到邊我都當睇唔到。

    回覆刪除
    回覆
    1. 哈哈,排咗一粒鐘即係差不多七點入去,嗰時我都係喺六本木,不過喺四樓食緊飯,知道上去搵你打尖入去,做個無品既遊客喇 :))

      刪除
  7. 唔知你有無睇過viu TV果套"又要威又要戴頭盔"節目~有集有幾個空姐上來清談爆料之類~
    佢地話香港人比強國人更加惡頂

    回覆刪除
    回覆
    1. 因為都係同一個民族,覺得老子有錢出去遊埠就好巴閉。

      刪除
  8. 而家日本人無論喺巴士還是JR 都冇人讓座的了,雖然我冇打算等佢地讓座,但都感覺到佢地望我地啲眼光唔同咗,有時都唔多友善

    回覆刪除
    回覆
    1. 因為佢地分唔到強國人,台灣人定香港人,只係覺得呢班人講野"B哩巴啦"好乞人憎 :(

      刪除