2016年8月22日 星期一

2017 東北之旅 ~ 由這本書開始

自從去年四國回來之後, 心中計劃著下站會是那裡, 自己很想去和歌山與熊野古道, 但另一半還是念念不忘北海道, 所以一直都在拉鋸中, 直到看見剛剛出版的 HKW 封面, 被綠色的國道吸引著, 一致通過再去一次東北.

因為之前已經去過東北一些城市, 今次也許不再重複, 所以重點會是青森, 秋田, 山形, 新潟等等地方.

之前幾年去日本大多數選擇秋天或者夏天出發, 所以今次會在春天, 希望可以看到櫻花, 因為櫻花一直與我無緣, 春天時份去過日本三次, 第一次 2001年 東京未開, 第二次 2005年 和歌山開完, 第三次 2007年 北九州看到了不過相機出問題, 拍攝出來的相片變了色, 所以希望今次能如願以償.

所以快刀斬亂麻即到AM換機票, 怎知那麼順利電話一打即通, 訂了四月一日至二十一日成田入羽田走, 就此落實了 "2017 春季大旅行之東北, 關東之旅", 這是女兒中學畢業後等待最長的一次旅行.




26 則留言:

  1. 嘩﹗21天好長假期呀,這個時間,一定會給你遇上美美的櫻花的﹗

    回覆刪除
  2. 21天,我要退休先有機會了。東北櫻花近年都早開,呢個時間一定可以遇到滿開櫻花XD

    回覆刪除
    回覆
    1. 橫跨大半個月我都希望睇到一朶半朶櫻花啩 :D

      刪除
  3. 大小姐, 你講好左過三月睇丹頂之旅呢? 唔通想走數 ? 等你出相㗎 :D

    回覆刪除
    回覆
    1. 諗諗吓要去都係三月尾既水尾,啲鶴飛走晒到時係一"鶴"眼淚 :))

      刪除
  4. 可以喺日本過埋生日喎、正呀!東北我都想再去,等睇你個遊記

    回覆刪除
    回覆
    1. 和豚媽媽好心水清喎 :)
      我都係而家開始巡 blog 左抄右抄,大把時間可以慢慢砌出來。

      刪除
    2. 大家都係4月生日,一定記得啦!哈哈

      刪除
    3. 咁就同樣一齊心想事成!

      刪除
    4. 係喎,呀女今次都去埋?

      刪除
    5. 仲未知,因為佢未知四月幾時開學.

      刪除
  5. 回覆
    1. 其實大概十二,三日留東北,預算買JR pass 去到租車三兩日用火車做長途接駁.

      刪除
  6. 21日.....無言.......預祝玩得開心啲。

    呢排AM真係超易打!

    回覆刪除
    回覆
    1. 多謝輝哥!
      估唔到星期六下晝都一打就通。

      刪除
  7. 21日...其實要有相當的體力~連續21日出街其實好累XD
    btw~如果睇櫻花~你個期青森同秋田可能有d太早?新潟應該有機

    回覆刪除
    回覆
    1. 21日其實喺東北都係十零日,其餘七八日都係喺東京 hea 吓,同個女食吓飯 :D
      至於櫻花都係隨緣都唔會刻意去追。

      刪除
  8. 勁又二十幾日, 我平時去十日都成日俾人話我去咁多日:-? 佢地真係唔知咩叫咁多日:))
    不過俾我去二十日, 我都唔知有無咁既體力::_359

    回覆刪除
    回覆
    1. 就係唔知有冇咁既體力,所以今次預算JR+揸車,去到當地才揸車兩三日,將整個旅程拉長唔會趕趕趕。

      刪除
    2. 我就拉長幾多天都無咩用,我一定又變成趕趕趕(^_^)

      刪除
    3. 而家都未知會點行,不過會預一日一至兩個目的地,唔似以前一日四五個,同埋唔會由一個縣揸車去一個縣,司機話頂唔順 ::kk3163

      刪除
  9. 呢本書我都買咗,雖然唔知要等幾耐先有機會再去東北,但仍然對東北的一切如風景、美食、物產以及人情味等都念念不忘,真的好希望再去,所以好期待你的遊記 ::_1561

    回覆刪除
    回覆
    1. 我都會去你個blog度睇,好多你去過既地方今次都會想去.

      刪除