2017年6月3日 星期六

23.5 東北 ~ 青森行

題外話 : 很多地方返來睇相才知道以為有影原來沒有影, 其實都是自己懶拎相機出來乜都影一餐的緣故, 有些地方經過睇完就算, 除非是到一些景點, 所以很多地方久而久之便忘記了原來曾經來過, 好像今次經過一些地點, 女兒說之前來過但自己一點印象也沒有, 想翻看照片原來沒有影過, 相信以後都會盡量機不離身, 影多啲等將來腦退化後看到照片會喚起一些回憶.


二O一七年四月三日 (晴)

由於不能早幾天換取東北火車証關係, 今朝晨早六時多便出發, 到七時半才開始辦公的東京站辦事處排隊換証, 以求同時可以劃到八時二十分到新青森的新幹線座位, 到達時還未到七時前面已經有十多人等候, 其實由開始辦公到列車出發時間都頗為緊迫, 幸好辦事處職員的辦事效率高, 搞掂還有時間買早餐上火車吃.

東京站.


到達新青森站將餘下旅程的座位也劃好了, 這樣便不用再費時找其他車站劃位, 因為由明天開始不會再坐火車直到女兒返回東京後才再用.

新青森站.









青森站.

今次已是第三次到青森了 (2010年, 2015年), 所以地方已經非常熟悉.




Hotel Abest Aomori (ホテルアべスト青森)

上次獨個兒在青森也是住在這間酒店.





很奇怪來了兩次都不覺察到原來 A-Factory 就在這裡.




ねぶたの家, 上次一個人來的時候沒有入去, 因為那些山車ねぶた形象始終有點猙獰, 害怕晚上一個人會睡不著覺.



























沿海邊步行到青森縣觀光物產館.


八甲田丸.





青森縣觀光物產館.





晚飯到亞希吃, 第一次來時吃了覺得很好吃, 上次想 encore 剛好遇上定休, 今次見到營業所以即入內.



內裡裝修有點古舊.




這裡的炸物不是吉列也不是天婦羅就像中式的酥炸食物.




23.4 東京 ~ 又是鐵塔


23.6 青森 ~ 雪見 @ 奧入瀨溪流






30 則留言:

  1. 好嘢!終於開始東北的行程了,要擔凳仔坐定定睇!
    我就係已經機不離身,立立雜雜乜都影一餐,如果唔係就真係咩都唔記得晒了
    青森我行咗好少地方咋,A-factory 都冇行,亞希我浄係記得佢隻炸帶子又大隻又厚肉,正!

    回覆刪除
    回覆
    1. 希望唔會令你失望!
      你地有小朋友更應該機不離身,因為細路仔既成長階段月月不同,錯過咗就係錯過咗,以前菲林相機就話唔可以隨時隨地咁影,而家用電話影就方便好多.
      我以為我out連A-factory喺邊都唔知添:P

      刪除
  2. 我每次都是在羽田一落機就去東京車站等開門換車票,通常六點半到達,排第一或二,七點左右就最多人來等開門,試過有二,三十人咁多,青森我來過兩次,睇你的相又有好熟識的感覺。

    回覆刪除
    回覆
    1. 今次換火車証有啲唔同,我地係要用盡十四天,因為一換就由嗰日開始計,所以要在出發去青森嗰日至搞得.
      青森車站嗰邊我諗好多人都會好熟.

      刪除
    2. 青森呀青森有乜動物影啊

      刪除
    3. 哈哈,青森既動物我只係知狗咋~青森犬和弘前犬:D

      刪除
    4. 喺北海道無乜留意另一種狗😭 真失敗

      https://zh.m.wikipedia.org/wiki/太郎與次郎

      刪除
    5. 活生生既樺太犬我諗唔會咁易睇到,因為就算秋田犬都唔係咁多,日本見到最多都係柴犬同貴婦狗.

      刪除
    6. 啊原來我見過當年南極物語死唔去嘅樺太犬次郎, 就在國立科學博物館內八千公上面 :)
      https://klnhk.blogspot.hk/2016/04/d8_24.html

      刪除
    7. 哈哈,太郎同次郎我喺托鰓既南極大陸都見過XD

      刪除
  3. 係㗎,而家影相係記事多過留倩影。之前唔見咗手機又咁啱未backup, 有個trip唔知自己做過乜!

    東北真係玩幾多次都唔厭。等睇你全集!

    回覆刪除
    回覆
    1. 我好少用手機因為成日話唔夠儲存空間,好多時睇咗以為影咗唔記得拎相機出黎,好似今次去奧入瀨在一個都幾有特色既休息站停咗兩次,第一次借完洗手間出黎唔記得影,回程再停顧住食野又冇影,結果返黎睇相係空白既:P
      輝哥,希望往後既遊記唔會令你失望!

      刪除
  4. E, 個亭造型咁得意, 好似卡通企鵝
    八甲田丸已前睇 nhk 知道係已前去函館嘅交通工具, 票價不平, 所以當年由青森過北海道謀生嘅人都不是年年可以往返, 唯有是望對岸輕嘆, 好似宜家仲有個當年船員做緊導賞員
    果D紙紥公仔真係惡型惡相, 第八幅藍色果個好似印度造型, 睇電視話近年已用 LED燈代替已前嘅燈膽

    回覆刪除
    回覆
    1. 好多時日本啲建築物都好似卡通,之前大台既千奇百趣都有介紹過.
      交通發達而家由青森去函館霎一下就到,我諗都冇乜人會坐船.
      用LED燈慳電又安全,東京都好似7月開始俾市民用燈膽免費換LED燈添:D

      刪除
  5. 我都開始搞緊東北紅葉嘅行程,今次會集中去青森先,太耐冇去東北,宜家訂溫泉旅館先知會炒房!

    回覆刪除
    回覆
    1. 東北秋天既紅葉應該好靚!
      雖然我冇刻意去搵溫泉旅館住,但係東北既一哟旅館真係幾貴.

      刪除
  6. 有無入A-Factory行下? 我覺得A-Factory好好行~入面充滿蘋果香d野擺得又好靚~行得好開心

    回覆刪除
    回覆
    1. 有行入去,想去搵少少嘢食,不過去到餐廳營業終了,所以只係行咗一陣就去其他地方食嘢。

      刪除
  7. ねぶた祭り真係好難忘, 我睇過 3次, 氣氛好好. 係東北夏祭當中我最喜歡的一個.

    回覆刪除
    回覆
    1. 我都好想去睇東北夏祭,不過暑假實在太多人:P

      刪除
  8. 大小姐, 有乜機去靑森最方便?

    回覆刪除
    回覆
    1. t 先生,好耐冇見。
      香港好似冇直航去青森通常都要東京轉機,全日空同日航都有內陸機飛,不過呢排全日空cut 香港飛東京,都係坐國泰或者日航比較穩陣。

      刪除
    2. 青森好似好難到的地方地方☹️

      刪除
    3. 唔係呀,我都去過3次,內陸機同新幹線都到。
      如果唔怕遠既話又可以由東京揸車上去玩埋東北。

      刪除
    4. 卒之走了青森一趟 :)

      刪除
    5. 咁快就一轉返黎,好天嗎?

      刪除
    6. 7號早5點到羽田等個風吹過青森, 午後三時至飛得 :(
      全程等一日好天, 其他就陰天加雨天

      刪除
    7. 一直都以為十月唔會仲係風季,但係呢幾年都反常得勵害,東北都巳經初秋仲有咁多雨水!

      刪除
    8. 睇左幾次你去青森嘅地方, 比我所見多好多

      刪除
    9. 我去咗幾次青森都未去得晒想去既地方 :P

      刪除