2017年6月7日 星期三

23.6 青森 ~ 雪見 @ 奧入瀨溪流


二O一七年四月四日 (晴)

今日開始租車, 地點同樣是 2010年的青森安方店, 就在酒店後一個街口, 所以早上吃完早餐才施施然前往取車.

一相用幾次, 2015年攝
帶了香港自家車用的 Car Cam, 自從給人劃花車後換了這部, 角度闊了還有熄車騷擾自動開機錄影功能, 原本還有車後鏡頭不過拆下太麻煩了.


在計劃行程時完全沒有想過東北還有雪, 在前往十和田湖的道路上見到路旁的積雪有些驚訝.


怎知越行兩旁的積雪越高, 原來道路只是開通了不久, 有些支路還是封著.



雪牆都有一架車那麼高.

今次租了這架 1800cc ISIS 的七人車, 可能車行知道道路還有雪, 所以這是一架四驅車, 還有左邊的無柱式電動趟門, 女兒讚不絕口話方便, 同屋企架老爺車冇得比 :(


可以想像到之前的雪多厚.


當然茶屋還未營業.


已經很久沒有見過這麼高的雪.



途經田代平濕原.








踏上雪上還是結實的所以掉以輕心, 在銚子大滝差點踏空, 膝蓋以上都埋在雪內抽不出來, 幸好當時是兩個人.







哈哈, 車牌幸好是7699不是7689.




一路上都看到指示牌寫著奧入瀨溪流的行車道可能封閉, 所以都是見步行步.

第一站停在石ヶ戶休憩所.




沒有水的奧入瀨溪流, 整條遊步道都給雪封了, 初時計劃行一小段都不可能.





石ヶ戶.




洞內的情景.


經過幾條瀑布都沒有水, 這條已經算好了.


不能再行過去.







明明在路上見到銚子大滝的指示, 又知道附近應該有停車場, 來回兩次都找不到, 原來全給雪封了, 很困難才踏著不是步道的雪上下來瀑布, 不過銚子大滝變了銚子小滝.









積雪足以蓋過膝蓋, 而且是鬆雪但當時沒有意識危險.






汽車只好泊在積雪的路肩上.




23.5 東北 ~ 青森行


23.7 青森 ~ 陽光雪影 @ 十和田湖





45 則留言:

  1. 你係去冒險定挑戰, 依個 season 邊有人去....

    回覆刪除
    回覆
    1. 去之前完全唔知東北會係咁,仲以為係春回大地青青綠綠@@

      刪除
    2. 4月頭, 仲要青森喎........

      刪除
    3. 去嗰時至知道青森幾日前落過大雪,浄係識拎厚衫而冇諗會有積雪。

      刪除
    4. 我4月中去關東奧日光都仲有積雪,第二日竟然落埋雪添...
      不過我已經早知

      刪除
    5. 我無意識到仲有雪,可能對天氣既記憶仲係停留喺十年前去九州嗰次,又唔記得原來一個南一個北 XD

      刪除
  2. 原來四月青森仍有雪,雪都好厚噃,不過奧入瀨個景就真係吾得,光禿禿的樹枝。

    回覆刪除
  3. 大小姐真係大膽, 剛剛回春嘅荒山野嶺熊出沒注意真係高幾成, 尤其石ヶ戶果個咁正, 比著我都會喺果度冬眠 :D
    嘻嘻, 坐喺呢架瘋甜 isis, 有無大叫真主偉大呀 :D

    回覆刪除
    回覆
    1. 你講開又記得唔知喺邊度見過塊牌寫住熊熊出沒注意😖
      有大叫「真係大架呀」XD

      刪除
    2. https://ja.wikipedia.org/wiki/%E5%8D%81%E5%92%8C%E5%88%A9%E5%B1%B1%E7%86%8A%E8%A5%B2%E6%92%83%E4%BA%8B%E4%BB%B6

      刪除
    3. 初春在些地方確係要小心, 因為熊冬眠完就最肚餓

      刪除
    4. 完全冇意識東北初春會有熊,以為🐻只係北海道至有出沒注意 😳

      刪除
  4. 唔洗去立山都可以見到雪牆,當係免費多ㄧ個景點都唔錯吖!
    上次契媽都係租七人車,型號我就唔識嘞,但都係電動門趟門好方便

    回覆刪除
    回覆
    1. 嘻嘻,望梅止住渴先立山有排都唔會去,去都未必係雪牆既時間,總之高過我已經滿足XD

      刪除
  5. 我都plan左喺奧入瀨住一晚,Sa姐你係4月頭定尾去架?有朋友話想櫻花期去奧入濑!

    回覆刪除
    回覆
    1. 我係四月頭去架,如果櫻花期去我諗要四月中至尾。
      返黎睇番之前周麗淇拍既櫻紅醉了,奧入瀨間酒店好靚!

      刪除
    2. 我就係鐘意間酒店所以炒價都訂囉!你唔講真係唔知 嗰套櫻紅醉了有提間酒店,等我去睇吓先!太耐冇去東北宜家淨係plan行程都好鬼開心

      刪除
    3. 最近買咗大台嗰個機頂盒,咸豐年既節目都有得睇咪睇番以前啲旅遊,覺得以前比較用心去拍有美感尤其呢輯櫻紅醉了,唔似而家啲質素越來越差。

      刪除
    4. 嘻嘻,plan 行程等於神遊一次 😄

      刪除
    5. 哈哈 同意!我未試過咁快就已經搞掂好哂d行程!反宜月尾東京嗰轉仲未做好!

      刪除
    6. 奥入瀨酒店我都恨喺秋天去住咗好耐,豚媽影多啲相返嚟呀!

      刪除
    7. 和豚媽媽,東京唔駛plan既,即係去灣仔銅鑼灣都唔會plan行程一樣XDDD

      刪除
    8. CK鼠,間酒店淨係見佢影個早餐已經引C人:P

      刪除
    9. Ck 鼠,收到 !好耐之前見過哩間酒店啲相已好鐘意,最buy個混浴居然有衫提供!

      Sa姐,可惜我去嗰個日子嗰早餐已經冇得喺溪流旁食囉! 東京我想去近郊影螢火蟲,不過要睇天氣呀!

      刪除
    10. 冇得喺溪流旁食好可惜哩,因為景靚早餐正:D
      影螢火蟲好好玩喎,但係啲蟲蟲唔驚咩?

      刪除
    11. 我今次去完屋久島之後返出鹿兒島都影過,OK正喎 ✌🏻 起初都以為會好恐佈 (不論樣幾靚嘅昆蟲,如果兜口兜面咁飛埋嚟,感覺基本上同曱甴無異 😅),不過原來佢哋飛得好慢、好溫柔,令舍唔同 😍

      刪除
    12. 我都是有大台機頂合,才睇番周麗琪櫻紅醉了 ,個景好靚,奧入瀨溪流酒店更加一定要住,我過過覺得好正,秋天時旅館被秋葉包圍住,漫天秋色,非常之美
      http://sheepsheepsunset.blogspot.hk/2015/12/blog-post_21.html

      刪除
    13. 奧入瀨溪流酒店入面嘅落地大玻璃窗景致、大火爐、蘋果甜品、紅葉美景全部都係吸引我嘅地方,可惜東北秋天已去過(其他地方),有排都未排到喺秋天再去多次啦!所以好多謝 Bonnie Ho 分享咗你嘅 blog,等我止吓渴都好,啲相超靚呀!

      刪除
    14. 和豚媽媽,我見到蟲蟲會毛管戙,即使係彩色既甲蟲都一樣,我諗呢啲情景都同我無緣!

      刪除
    15. 羊羊,原來秋天既奧入瀨溪流酒店同櫻紅醉了既春天同樣都咁靚喎,我諗如果有機會住既話春夏秋冬都無妨!!!

      刪除
    16. CK鼠,我覺得你都要趁囡囡未讀書去吓旅行,如果之後返咗學之後要旺季至去得同人迫仲要勁貴.

      刪除
    17. 同意,我係過來人我明白,不過CK鼠囡囡都兩歲,嚟緊應該要返N班,如果唔帶囡囡,幼稚園時期都可以去,又或者請假同佢去都得,上小學就唔可以了,想當年我都只可以暑假同聖誕一年兩次,又貴又多人,仲要天氣一係熱到死、一係凍到死

      刪除
    18. 呢啲日子持續咗十幾年,當年九月開學第一件事係睇校曆表,聖誕唔得因為通常假期後考試,所以要睇年假,復活,暑假會幾時開始就即刻訂機票,所以係唔會有平飛:(

      刪除
    19. 阿女冇報到 N 班,明年先返學,因為我仲未睇幼稚園,嘻嘻 ^^"
      我都想同阿女去多幾次旅行呢,但仲有好多因素難以成行,而且冇錢又冇假,上年同阿女去咗兩次旅行又返咗一次鄉下,其實係已經透支咗今年的大假㗎喇,所以今年要慳假,如果唔係老細殺咗我都似 ! 最快應該都要明年先有得去,不過反正我都好似 3J 咁諗,幼稚園時可以請假同佢去,所以唯有等吓啦 !

      刪除
    20. 除咗老細俾唔俾放假之外,嗰啲聖誕,年假,復活,暑假旺日,有細路既人人都想放,除咗就學校假仲要就埋同事,好在嗰時我team 啲同事全部都冇細路:D

      刪除
  6. 我2012年5月頭在青森經過你照片果些地方,果時都有積雪,你4月去更加有雪,你諗下立山都要4月中先開山仲要凍到c, XD

    回覆刪除
    回覆
    1. 原來人人都知道青森四月有雪,只係我朦查查:P
      立山開通之後旺過旺角,反而唔係太有興趣去逼.

      刪除
  7. 咁都好吖,誤打誤撞可以一個trip又睇雪又睇花。

    回覆刪除
    回覆
    1. 係呀,上年八月買機票時冇諗過會有花,更加唔知有雪,所以今次玩完之後係近年來旅行最開心既一次,好滿足!

      刪除
  8. 真係估唔到4月奧入瀨都仲有咁高積雪

    回覆刪除
    回覆
    1. 好多年前三月尾去富士山以為會有雪但係乜都冇,所以我都估唔到有咁高積雪,以為就算有都係薄薄的一層啫>_<!

      刪除
  9. 秋天去奧入瀨都係考慮之一,呢個季節雖然景色一般,但見到雪牆,當Bonus

    回覆刪除
    回覆
    1. 秋天既奧入瀨超靚,有機會都想睇睇,LAN LAN都好似好耐冇去日本玩?

      刪除